Morgunblaðið - 19.03.2006, Blaðsíða 42

42 SUNNUDAGUR 19. MARS 2006 MORGUNBLAÐIÐ
UMRÆÐAN
STYTTING náms til stúdents-
prófs er eðlilegt og sjálfsagt fram-
faraskref fyrir íslenskt skólakerfi.
Íslensk ungmenni eru einu til
tveimur árum lengur í
námi til stúdentsprófs
en nágrannaþjóðir
okkar og þó víðar
væri leitað. Er þetta
eðlilegt og okkur til
framdráttar? Nei, það
tel ég ekki vera.
Mikil þróun hefur
átt sér stað í skóla-
kerfi okkar Íslend-
inga á síðustu árum.
Þróunin hefur verið
sérstaklega mikil í
grunnskólunum frá
því sveitarfélögin tóku
yfir rekstur þeirra. Skólaárið hef-
ur lengst til muna og kennslu-
stundum fjölgað umtalsvert. Stúd-
entar sem útskrifast nú í vor hafa
notið 2.700 fleiri kennslustunda en
þeir sem útskrifuðust fyrir rúmum
10 árum. Með þessari miklu aukn-
ingu kennslustunda hefur náms-
efnið ekki tekið samsvarandi
breytingum og þess vegna er svig-
rúm til að stytta námið.
Íslensk ungmenni eru með lang-
flestar kennslustundir á bak við
stúdentsprófið og útskrifast einu
til tveimur árum seinna en félagar
þeirra í Evrópu. Eftir fyrirhug-
aðar breytingar á skólakerfinu eru
íslensk ungmenni samt með fleiri
kennslustundir á bak við nám sitt
en félagar þeirra á Norðurlöndum.
Finnar hafa löngum verið taldir
standa vel að menntamálum,
finnsk ungmenni fá 8.467 kennslu-
stundir fram að stúdentsprófi. Að
loknum fyrirhuguðum breytingum
fá íslensk ungmenni 10.358
kennslustundir fram að stúdents-
prófi. Við munum því enn hafa
vinninginn hvað fjölda kennslu-
stunda varðar eða tæplega 2000
fleiri kennslustundir á bak við
stúdentsprófið en Finnar. Af Finn-
um að dæma er hægt að ná fram-
úrskarandi árangri með færri
kennslustundum og sannast þar að
í skólastarfi eins og svo mörgu
öðru eru það gæðin sem skipta
meira máli en magnið.
Sambærilegt og samkeppn-
ishæft námskerfi
Á Viðskiptaþingi á dögunum
komu fram margar
áhugaverðar hug-
myndir frá svoköll-
uðum framtíðarhópi
Viðskiptaráðs. Ein
hugmyndin var að hér
rísi alþjóðlegur grunn-
og framhaldsskóli þar
sem námið færi fram
á ensku. Viðskiptaráð
telur að þannig megi
laða til landsins fært
fólk sem er tilbúið að
flytja til Íslands með
börnin sína til lengri
eða skemmri tíma. En
að námið fari fram á ensku er ekki
nóg heldur þarf námsferlið að vera
sambærilegt við það sem þekkist
annars staðar. Algengt er að ís-
lenskar barnafjölskyldur flytji til
lengri eða skemmri tíma til út-
landa. Þá er mikilvægt að grunn-
uppbygging og tímalengd stúd-
entsnáms sé sambærileg milli
landa. Með öðrum orðum vilja for-
eldrar og börn ekki að það sé þeim
til seinkunar þegar kemur að út-
skrift með stúdentspróf að hafa
stundað nám hluta af námstím-
anum á Íslandi.
Gæði náms – kostur fyrir alla
Helstu rökin sem ég hef heyrt
fyrir því að umrædd stytting sé
ekki framkvæmanleg eða tímabær
er að með tillögunni sé verið að
færa hluta af námsefni frá fram-
haldsskólunum og yfir til grunn-
skólanna og að grunnskólakenn-
arar séu ekki hæfir til að kenna
það námsefni. Ég gef lítið fyrir
þessi rök. Ég treysti grunn-
skólakennurum fullkomlega til að
takast á við og kenna þessa
áfanga. Að sjálfsögðu þarf að huga
vel að endurmenntun þeirra til að
tryggja gæði kennslunnar og það
hefur verið gert. Einnig hefur
menntamálaráðherra rætt um mik-
ilvægi þess að lengja kennara-
námið. Þar að auki má vel vera að
margir framhaldsskólakennarar
muni eftir breytingarnar fara að
kenna við grunnskóla að hluta eða
öllu leyti.
Í umræðunni og þá helst frá
nemendum sjálfum hefur heyrst að
í lagi sé að stytta námstímann en
að réttara sé að taka ár af grunn-
skólanum. Þeir þekkja þann gríð-
arlega tíma sem fer í upprifjun og
endurtekningar innan grunnskól-
ans og það mikla stökk sem er
milli grunnskóla og framhaldsskóla
hvað námskröfur varðar. Í þessu
sambandi er nauðsynlegt að átta
sig á að í tillögum menntamála-
ráðherra er verið að taka allt ferlið
fyrir frá leikskóla að háskóla. Að
færa áfanga frá framhaldsskól-
unum og yfir í grunnskólana eykur
kröfur á nemendur á grunn-
skólastigi og eykur jafnframt
hæfni þeirra til að takast á við
framhaldsskólann. Þar að auki er
stytting grunnskólans um eitt ár
ekki góður kostur. Með því væri
verið að stytta skólaskylduna og
það eitt og sér eru næg rök gegn
slíkum hugmyndum.
Það er félagslega mikið skref að
fara frá grunnskóla í framhalds-
skóla og við viljum ekki að börnin
okkar gangi í gegnum það ferli ári
fyrr en nú er. Að auki stunda
mörg börn nám fjarri heimabyggð
og búa þá á eigin vegum eða á
heimavist fjarri foreldrum sínum.
Sextán ára unglingar eru fullungir
til að flytja að heiman og við vilj-
um alls ekki stuðla að því að þau
þurfi að flytja að heiman enn
yngri. Af þessu er ljóst að eðlileg-
ast er að stytta námið í framhalds-
skólanum í stað þess að stytta
grunnskólann og með því skóla-
skylduna.
Að menntakerfið okkar sé sam-
bærilegt því sem annars staðar
gerist er kostur og að því ber að
stefna. Það er mikill hagur fyrir
þjóðfélagið að fá unga fólkið fyrr
inn í atvinnulífið og í háskólana.
Þá er hagur ungmennanna ekki
síðri að við bætist heilt tekjuár,
þau geta hafið háskólanám fyrr
eða notið þess að þroskast og læra
af lífinu sjálfu.
Skóli framtíðarinnar –
stúdentspróf á 13 árum
Bryndís Haraldsdóttir fjallar
um styttingu náms til stúd-
entprófs ’… eðlilegast er aðstytta námið í framhalds-
skólanum í stað þess að
stytta grunnskólann og
með því skólaskylduna.‘
Bryndís Haraldsdóttir
Höfundur er varaþingmaður Sjálf-
stæðisflokksins í Suðvesturkjördæmi
og situr í skólanefnd Kvennaskólans í
Reykjavík.
Bæjarhrauni 10 • Hafnarfirði • Sími 520 7500 • www.hraunhamar.is
Strandvegur - Laus strax
Í einkasölu glæsileg 118 fm íbúð á 3. hæð í lyftuhúsi í Sjálandshverfi
Garðabæjar. Húsið stendur mjög vel við ströndina og er þægileg aðkoma
að húsinu. Sérstæði í lokaðri bílageymslu fylgir íbúðinni. Forstofa, hol, eld-
hús, stofa, borðstofa, vinnuaðstaða (herb. á teikningu), hjónaherb., her-
bergi, baðherb., þvottahús og geymsla. Glæsilegar sérsmíðaðar innrétting-
ar úr eik og gólfefni eru parket og flísar. Mjög falleg eign. Verð 37 millj.
Birkiás -Raðhús
Í einkasölu glæsilegt 184,4 fermetra
endaraðhús með 28,7 fermetra inn-
byggðum bílskúr. Húsið er sérlega vel
staðsett í Ásahverfi í Garðabæ.
Glæsilegur viðhaldslítill suðurgarður
með miklu holtagrjóti. Hellulögð inn-
keyrsla. Húsið skiptist í forstofu, inn-
angengt er í bílskúr, þvottahús, hol,
eldhús, borðstofu, stofu, sjónvarpshol, gestasnyrtingu, geymslu og fjögur
rúmgóð svefnherbergi. Fallegar innréttingar. Upptekin loft með halógenlýs-
ingu. Gegnheilt eikar- plankaparket og Mustang flísar eru á flestum gólfum.
Upplýsingar veitir Þorbjörn Helgi.
Bæjargil - Raðhús
Í einkasölu glæsilegt endaraðh. á
tveimur hæðum með innb bílskúr um
166,9 fm auk ca.40 fm rislofts sam-
tals um 210 fm. Húsið er vel staðsett í
afar góðu og barnvænu hverfi við
Bæjargil í Garðabæ Eignin skiptist í
forst,hol, eldhús,stofu,borðst,gest-
asn,þvottah,sólstofu,4-5 herb,bað-
herb og bílskúr. Fallegar innréttingar
og gólfefni eru parket og flísar. Falleg lóð með glæsil sólpalli , hellulplani
útigeymslu og tilheyrandi. Stutt er í leikskóla, grunnskóla og framhaldskóla.
Myndir af eigninni eru á mbl.is. Uppl. veittir Þorbjörn Helgi S. 8960058.
Verð 45,9 millj.
Greniás - parhús - 2 íbúðir
Í einkasölu mjög gott nýtt 213,4 fm
parhús á tveimur hæðum þar af er
bílskúr 22,7 fm vel staðsett á góðum
útsýnisstað innst í botnlanga. Eignin
skiptist í forstofu, hol, forstofuher-
bergi, stofu, borðstofu, eldhús, gang,
baðherbergi, hjónaherbergi, barna-
herbergi, bílskúr og 2ja herbergja
íbúð með sér inngang sem skiptist í forstofu, stofu, eldhús, baðherbergi og
herbergi. Hellulagt bílaplan. Fallegar innréttingar og gólfefni eru parket og
flísar. Verð 52.millj.
Laufás - sérhæð
Í einkasölu mjög góða 144 fm efri
hæð í tvíbýli þar af er bílskúr 29,8
fm vel staðsett í Ásahverfi í Garða-
bæ. Eignin skiptist í forstofu, hol, eld-
hús, tvö barnaherbergi, hjónaher-
bergi, baðherbergi, stofu, borðstofu,
geymsluloft og bílskúr. Parket og flís-
ar. Fallegur gróinn garður. Verð
31,5.miilj
Til leigu við Dalveg, Kópavogi
Ingólfur G. Gissurarson, lögg. fast.
Opið virka daga frá kl. 9.00-17.30.
www.valholl.is
Samtals ca. 12.300 fm nýbygging.
Verslunar-, lager- og skrifstofuhúsnæði.
1. hæð: Verslunar- og lagerrými 500-2.500 fm.
2. hæð: Skrifstofur 1.200 fm.
3. hæð: Skrifstofur 1.200 fm.
Mögulegt er að skipta eignahlutum í minni rými.
Mjög góð staðsetning.
Aðkoma mjög góð, næg bílastæði.
Húsnæðið verður tilbúið til afhendingar haustið 2006
Upplýsingar veitir Magnús Gunnarsson,
símar 588 4477 og 822 8242
Sími 588 4477
Fréttir á SMS
Fréttir í tölvupósti