Morgunblaðið - 29.03.2006, Side 22

22 MIÐVIKUDAGUR 29. MARS 2006 MORGUNBLAÐIÐ
MINNSTAÐUR
Keflavík | „Þetta er mitt innlegg í
að efla menninguna á Hafnargöt-
unni. Ég lít á þetta sem samstarfs-
verkefni og ég hef fengið mjög góð
viðbrögð,“ sagði Björk Þorsteins-
dóttir, verslunareigandi við Hafn-
argötu í Reykjanesbæ, í samtali við
Morgunblaðið. Hún býður lista-
mönnum og handverksfólki að sýna
verk sín í verslun sinni Bling-Bling.
Björk Þorsteinsdóttir opnaði
verslunina Bling-Bling seint á síð-
asta ári og selur þar skart og fylgi-
hluti. Eftir að hentugt húsnæði
losnaði við Hafnargötuna flutti hún
verslunina þangað til að geta verið í
hringiðu bæjarlífsins. Formleg opn-
un var í byrjun mars og um leið
hófst myndlistarsýning á verkum
mæðgnanna Ingu Bjarnadóttur
glerlistakonu og dóttur hennar, Ír-
isar Rósar Þrastardóttur málara.
„Þegar ég var að vinna við að
standsetja húsnæðið datt mér í hug
að það gæti orðið skemmtileg við-
bót að hafa sýningar í versluninni.
Ég sá að ég hefði nóg af veggplássi
sem myndi nýtast vel en auðvitað
mega listamenn líka sýna skúlptúra
og hvaðeina sem þeir eru að vinna
með. Ég þekki líka nokkra skápa-
málara og mér finnst þetta góður
vettvangur fyrir þá að koma sér á
framfæri, auk þess sem mig langar
mikið til að hafa barnasýningu.
Þetta er ekki sýningarsalur og það
er greinilega markaður fyrir svona
aðstöðu því ég hef nú þegar bókað
fimm mánuði,“ sagði Björk í sam-
tali við blaðamann og bætti við að
sér þættu verkin mikið prýði fyrir
búðina og ykju umganginn.
Vinna verk í fyrsta sinn saman
Mæðgurnar Inga og Íris Rós voru
fyrstar til að sýna í Bling-Bling en
Björk sagðist hafa viljað byrja á
listamönnum sem hún þekkti. „Mér
finnst þetta frábært framtak og góð
viðbót við þá aðstöðu sem fyrir er í
bænum,“ sagði Íris Rós sem er út-
litshönnuður að mennt og starfaði
lengi við þá iðn. Undanfarin ár hef-
ur hún vakið athygli fyrir skemmti-
leg málverk, þar sem frauðkúlur
spila stórt hlutverk en nú hefur hún
bætt hrosshári í myndir sínar.
Inga tók í sama streng og bætti
við að nú væri komið aukið svigrúm
fyrir listamenn og handverksfólk af
öllum gerðum, þar sem sýning-
arsalir væru oft lokaðir þeim sem
ekki væru menntaðir listamenn.
Inga nam glerlist í Danmörku og
hefur alfarið unnið að list sinni.
Verkin í Bling-Bling eru bæði
myndverk til að hengja upp á vegg
en eins glerskúlptúrar bæði í
glugga og til að hafa úti við. Fyrir
þessa sýningu unnu þær mægður
nokkur verk saman, sem þær hafa
aldrei gert áður. Íris Rós málaði
mynstur á glermyndir móður sinn-
ar.
Sýning Ingu og Írisar Rósar
stendur fram í byrjun apríl en þá
mun Dagmar Róbertsdóttir, Dalla,
sýna í Bling-Bling.
Kaupmaðurinn í Bling-Bling við Hafnargötuna leggur sitt af mörkum til menningarlífsins í bænum
Morgunblaðið/Svanhildur Eiríksdóttir
Aukið menningarlíf Björk Þorsteinsdóttir býður listamönnum og handverksfólki að sýna verk sín í versluninni
Bling Bling. Hér er hún ásamt mæðgunum Írisi Rós Þrastardóttur og Ingu Bjarnadóttur sem riðu á vaðið.
Eftir Svanhildi Eiríksdóttur
„Þekki mikið af skápamálurum“
SUÐURNES
HÖFUÐBORGARSVÆÐIÐ
isvænan og heilsusamlegan hátt. Ekki er vitað hvert
þetta fólk sem gekk um Laugardalinn var að fara,
en dalurinn er fjölsóttur sumar, vetur, vor og haust,
og ekki spillir fyrir að trén veita skjól fyrir næð-
andi vindinum.
Reykjavík | Þó veður hafi verið fremur napurt á
landinu undanfarna daga, og fátt sem bendir til
þess að vorið sé á næsta leiti, er alltaf hressandi að
fá sér göngutúr til að sleppa frá amstri dagsins, eða
bara til að komast á milli tveggja staða á umhverf-
Morgunblaðið/ÞÖK
Gönguferð í Laugardalnum
Reykjavík | Stofnaður hefur verið
stýrihópur um staðsetningu bensín-
stöðva í Reykjavík, en Borgarráð
Reykjavíkur samþykkti þessa ráð-
stöfun á fundi sínum sl. fimmtudag.
Stýrihópnum er ætlað að marka
stefnu í sambandi við úthlutun lóða,
en í skýrslu sem unnin var á vegum
skipulags- og byggingasviðs um
málefni bensínstöðva í borginni,
kemur fram að heildarsýn og
stefnumörkun fyrir fjölda og stað-
setningu bensínstöðva í borginni
hafi lengi skort. Stýrihópurinn verð-
ur skipaður þremur fulltrúum, ein-
um úr skipulagsráði, einum úr um-
hverfisráði og einum úr
framkvæmdaráði. Þá munu embætt-
ismenn viðkomandi sviða starfa með
hópnum.
Á fundi sínum synjaði borgarráð
Bjarna Geir Alfreðssyni veitinga-
manni um leyfi til að setja upp bens-
ínafgreiðslu við Umferðarmiðstöð
BSÍ í Vatnsmýrinni. Bjarni sótti um
leyfið á þeim forsendum að þar hefði
verið bensínafgreiðsla í áratugi sem
svo var lokað vegna mengunar-
hættu. Olíufélagið hefði nú fengið
úthlutað lóð undir bensínstöð á
sömu slóðum og því hlyti mengunar-
hættan að vera úr sögunni. Borg-
arráð vísaði í umsögn sviðsstjóra
framkvæmdasviðs sem telur engin
gögn sýna umhverfisógn vegna
bensínafgreiðslu á þessum slóðum.
Hins vegar hafi umsækjandinn ekki
umboð frá lóðareigendum til að
sækja um bensínafgreiðslu við BSÍ.
Reglur fyrir bensínstöðvarlóðir
ÓFAGLÆRT starfsfólk á nokkrum
hjúkrunar- og dvalarheimilum byrj-
aði sólarhrings langt setuverkfall á
miðnætti í gærkvöldi. Vill starfsfólkið
með því leggja áherslu á kröfur sínar
um að laun þess verði hækkuð svo að
þau verði sambærileg við nýlega
kjarasamninga Reykjavíkurborgar.
Aðgerðin nær til um 900 starfs-
manna á Hrafnistu í Reykjavík,
Hrafnistu í Hafnarfirði, Vífilsstöðum
og Víðinesi, ásamt dvalarheimilunum
Grund, Ási í Hveragerði, Sunnuhlíð
og Skógarbæ.
Álfheiður Bjarnadóttir, forsvars-
maður starfsmannanna, segir að með-
an á aðgerðunum standi muni starfs-
menn aðeins veita lágmarksþjónustu.
„Við munum ekki aðstoða fólk við að
klæða sig, við að koma fram í borðsal-
inn og fleira í þeim dúr.“ Starfsfólkið
sinnir umönnun íbúanna, auk þess að
sjá um eldhús, þvottahús og ræsting-
ar.
Kröfur starfsfólksins eru einfaldar:
„Við viljum fá sömu laun fyrir sömu
vinnu og þeir sem vinna hjá Reykja-
víkurborg,“ segir Álfheiður. Hún
bendir á að samkvæmt kjarasamn-
ingum fái ófaglært starfsfólk á þeim
vinnustöðum sem gripið er til aðgerða
á 104 þúsund krónur í byrjunarlaun,
en Reykjavíkurborg greiði tæplega
135 þúsund krónur.
Álfhildur segir að það muni fá að
ráðast eftir daginn í dag hvort gripið
verði til frekari aðgerða, engin
ákvörðun hafi verið tekin um það.
Hún segist finna fyrir miklum stuðn-
ingi frá íbúum hjúkrunar- og dvalar-
heimilanna, þeir standi með starfs-
fólkinu og styðji það í baráttunni.
Ófaglært starfsfólk á hjúkrunar- og
dvalarheimilum í sólarhringsverkfall
Veitir aðeins lágmarks-
þjónustu við íbúa
andi borgarstjórnarkosningum, auk
þess sem fundarmenn fengu kynn-
ingu um byggingu tónlistar- og ráð-
stefnuhúss við Austurhöfnina frá
fulltrúa Portus hf.
Reykjavík | Aðalfundur Þróun-
arfélags miðborgarinnar fór fram í
gær. Auk venjulegra aðalfund-
arstarfa kynntu fulltrúar stjórn-
málaflokkanna stefnumál sín í kom-
Morgunblaðið/Brynjar Gauti
Kynntu stefnu flokkanna