Morgunblaðið - 31.03.2006, Blaðsíða 24

24 FÖSTUDAGUR 31. MARS 2006 MORGUNBLAÐIÐ
MINNSTAÐUR
SUÐURNES
Keflavík | „Þetta hefur gengið vel. Skólinn er
mjög góður og það hefur verið svakalega mikið
að gera,“ segir Bylgja Dís Gunnarsdóttir sópr-
ansöngkona sem er í mastersnámi í óperusöng
við Royal Scottish Academy of Music and Drama
í Glasgow í Skotlandi. Hún hefur fengið tækifæri
til að afla sér reynslu á óperusviðinu og fleiri
spennandi eru framundan.
Bylgja Dís var vinsæll stjórnandi Barnakórs
Keflavíkurkirkju og starfaði sem einsöngvari
þegar hún fékk inngöngu í þennan skóla síðast-
liðið sumar og ákvað að taka sig upp með fjöl-
skyldu og flytja til Glasgow. „Við kunnum vel við
okkur hér. Krakkarnir eru glöð í skólanum og
eru allt í einu farin að lesa og tala ensku reip-
rennandi,“ segir Bylgja Dís.
Á þessu fyrsta ári í skólanum taka nemendur
þátt í þremur óperuuppfærslum og er Bylja Dís
búin með tvær. Auk þess sem mikið er sungið
eru tímar í tungumálum, leiklist og dansi. Þegar
slegið var á þráðinn til Bylgju Dísar var hún
nýbúin að fá útkomu úr prófum og var kát með
það enda fékk hún hæstu einkunn. Í kjölfarið var
henni boðinn styrkur sem dugar fyrir stórum
hluta skólagjalda næsta árs. „Skólagjöldin hér
eru há svo þetta kemur sér vel. Ég sé nú fram á
að geta haldið áfram í skólanum,“ segir Bylgja
Dís.
Spennandi verkefni framundan
Hún er með ýmis járn í eldinum og vinnur að
því að afla sér aukinnar reynslu til að geta sóst
eftir hlutverkum á óperusviðinu. „Skólinn útveg-
ar okkur tónleika og ýmis tækifæri. Ég hef feng-
ið nokkur þannig verkefni,“ segir hún. Fjórir
nemendur skólans voru valdir til að syngja óp-
eruaríur og dúetta á hljómleikum með Kon-
unglegu skosku sinfóníuhljómsveitinni í maí.
„Þarna fæ ég gott tækifæri til að syngja með
góðri hljómsveit og í góðum hljómleikasal.“
Skoska óperan býður nemendum skólans að
fylgjast með uppfærslum. Bylgja Dís tekur þátt í
uppfærslu á Don Giovanni um páskana og er þar
„skuggi“ söngvarans sem fer með hlutverk
Donnu Önnu. Það felst í því að hún er þjálfuð í
hlutverkið og tekur þátt í öllum undirbún-
ingnum en syngur ekki í uppfærslunni sjálfri.
„Þetta er gott tækifæri til að læra hlutverk og
fylgjast með atvinnufólki að störfum,“ segir hún.
Nemendurnir eru með hjálp skólans að fara í
áheyrnarpróf þar sem tækifæri gefast. Út úr
einu slíku fær Bylgja Dís tækifæri til að taka
þátt í uppfærslu British Youth Opera á Eugene
Onegin. Þar verður hún varasöngvari fyrir hlut-
verk Tatyönu. Óperan verður sett upp í London í
haust og fær Bylgja Dís nokkurra vikna frí frá
náminu meðan á því stendur.
Geri allt sem ég get
„Það er verið að byggja okkur upp þennan
fyrsta vetur. Erfitt er að öðlast þá reynslu sem
nauðsynleg er áður en maður fer í óperuhúsin en
starfsfólk skólans þekkir vel til í óperuheiminum
og hjálpar okkur mikið. Næsta vetur syngjum
við meira fyrir og reynum meira fyrir okkur,“
segir Bylgja Dís. Hún segir að fulltrúar allra
helstu óperufyrirtækjanna á Bretlandi komi í
skólann á næsta ári til að leyfa nemendunum að
syngja fyrir.
Hún segir að heimurinn sé harður og krefj-
andi verkefni að reyna fyrir sér á þessu sviði.
Margir góðir söngvarar séu í sömu sporum og
hún. „Ég mun syngja fyrir alls staðar sem ég get.
Það ræðst síðan af því hvaða svörun maður fær,
hvort þörf sé á söngvara eins og mér, hvert
framhaldið verður. En ég mun reyna allt það
sem ég get til að komast áfram,“ segir Bylgja Dís
þegar hún er spurð hvernig hún sjái fyrir sér
framhaldið, að loknu námi.
Verið að byggja okkur upp
Ljósmynd/Mark Lovell
Mimi Bylgja Dís Gunnarsdóttir tekur þátt í
óperusenum skólans. Hér er hún í hlutverki
Mimi úr La Bohéme eftir Giacomo Puccini.
Eftir Helga Bjarnason
helgi@mbl.is
Bylgju Dís Gunnarsdóttur gengur vel í framhaldsnámi sínu í söng í Glasgow
Vogar | Þrjár rúður voru í fyrrinótt
brotnar á húsi flutningabíls sem
stóð við Vélsmiðjuna Norma ehf. í
Vogum. Er þetta í þriðja sinn sem
skemmdarverk eru unnin á lóð
verksmiðjunnar.
Til hefur staðið að flytja stóran
tank frá Norma upp á Grundar-
tanga. Bíllinn sem skemmdur var
hefur staðið tilbúinn með tankinn á
palli á lóð fyrirtækisins þar sem
þurft hefur að fresta flutningnum
ítrekað vegna veðurs. Ekki er unnt
að flytja tankinn í hvassviðri.
  
Skemmdarverk
hjá Norma
Breiðagerðisskóli 50 ára
Bústaðahverfi | Afmælishátíð verð-
ur í Breiðagerðisskóla laugardag-
inn 1. apríl nk. í tilefni af fimmtíu
ára afmæli skólans. Hátíðin hefst
kl. 11 með leik Lúðrasveitar Aust-
urbæjar og verður opið hús í skól-
anum til kl. 15.30. Nemendur munu
skemmta gestum með söng, dansi
og leiklist og sett verður upp sýn-
ing á verkum þeirra í skólastofum.
Í tilefni afmælisins verður líka
frumfluttur nýr skólasöngur eftir
Þorvald Björnsson fyrrverandi tón-
menntakennara við texta eftir Sig-
rúnu Erlu Hákonardóttur sem nú
kennir tónmennt við skólann.
Kennsla hófst í Breiðagerð-
isskóla veturinn 1956 og stunduðu
þá um 450 nemendur þar nám.
Þeir komu víða að, en skóla-
hverfið var stórt og náði yfir Bú-
staðahverfi, Smáíbúðahverfi,
Blesugróf, Fossvog, Kringlumýri
og Hvassaleiti. Byggt hefur verið
við Breiðagerðisskóla í nokkrum
áföngum og síðast var tekin í notk-
un ný viðbygging á liðnu hausti.
Nemendur, sem eru í 1.–7. bekk eru
nú 362, en flestir voru þeir veturinn
1963–64, um 1.400.
Afmælishátíðin er öllum opin en
gamlir nemendur úr Breiðagerð-
isskóla eru sérstaklega boðnir vel-
komnir. Morgunblaðið/Brynjar Gauti
Njarðvík | Framkvæmdir hófust í
hinu nýja Ásahverfi í Njarðvík með
því að Viðar Már Aðalsteinsson,
forstöðumaður umhverfis- og
skipulagssviðs Reykjanesbæjar, tók
fyrstu skóflustunguna.
Í hverfinu er búið að úthluta 130
einbýlishúsalóðum. Allar götur
hverfisins eiga að vera tilbúnar í
júní og á vef Reykjanesbæjar er
haft eftir Viðari Má að fyrstu hús-
byggjendur ættu að geta hafist
handa í byrjun þess mánaðar. Vonir
standa til þess að hverfið byggist
hratt upp.
Framkvæmdir
hafnar í Ásahverfi
HÖFUÐBORGARSVÆÐIÐ
Reykjavík | Umhverfissvið
og framkvæmdasvið Reykja-
víkurborgar standa nú fyrir
vitundarvakningu í umhverf-
ismálum með áherslu á um-
gengni og hreinsun borgar-
innar. Markmiðið er að ná
athygli, vekja áhuga borgar-
búa á valkostum í umhverf-
ismálum og hafa áhrif á um-
gengni. Vakningin hefst með
auglýsingum í fjölmiðlum
undir yfirskriftinni „Virkjum okkur! – Gengur
þú svona um bæinn?“
Að sögn Ellýar K. Guðmundsdóttur, sviðs-
stjóra umhverfissviðs, hefur mikil umræða ver-
ið um umhverfismál í Reykjavík í vetur. Kveður
hún helstu umræðuefnin hafa verið samgöngur,
neyslumál, útivist, umgengni, nagladekk og
svifryk, enda allt málefni sem brenni á íbúum
borgarinnar. „Átakið „Reykjavík í mótun“ vakti
líka mikla umræðu um borgina, sem er ennþá
lifandi og frábærar hugmyndir að koma úr
þeirri vinnu,“ segir Ellý. „Okkur finnst nást
góð samræða við borgarbúa í gegnum þetta
átak.“
Vitundarvakning umhverfissviðs hófst í sept-
ember og snerist þá um valkosti í samgöngu-
málum. Annar þáttur vitundarvakningar sner-
ist um neyslumál þar sem áhersla var lögð á
fjölnota umbúðir og efni úr hringrás náttúrunn-
ar. Þriðji þátturinn var samráð við borgarbúa
um áherslu á umhverfismál, undir áðurnefndri
yfirskrift; „Reykjavík í mótun“, og bárust um
900 hugmyndir frá borgarbúum sem notaðar
eru við endurskoðun á umhverfisstefnu Reykja-
víkurborgar.
Fjórði þátturinn, sem nú er að hefjast, snýst
um að virkja borgarbúa með borginni í um-
hverfismálum og vekja þá til umhugsunar um
þá kosti sem þeir hafa í daglegu lífi. „Vakningin
snýst um viðhorf og vilja til að leggja hönd á
plóginn, því þessir valkostir hafa áhrif á um-
hverfi borgarinnar,“ segir Ellý. „Hún er hvatn-
ing til borgarbúa til þess að ganga vel um um-
hverfi sitt og ábending um að lítil breyting hjá
hverjum og einum getur verið mikil breyting
fyrir umhverfið. Árangur í umhverfismálum
getur ekki orðið án víðtækrar þátttöku almenn-
ings.“
Átakið um vakningu borgarbúa mun standa
fram að páskum, en strax eftir það hefst vor-
hreinsun í görðum dagana 21.–30. apríl. Starfs-
menn framkvæmdasviðs munu leggja garðeig-
endum lið og fjarlægja greinaafklippur og
annan garðaúrgang sem settur hefur verið út
fyrir lóðamörk. Jafnframt eru borgarbúar
hvattir til að taka til hendinni í sínu nánasta
umhverfi, t.d. með því að efna til sameiginlegra
hreinsunardaga í sinni götu eða sínu hverfi.
Stofnanir og fyrirtæki eru einnig hvött til að
skapa stemningu hjá sínu fólki fyrir þessum
málum. Stofnanir borgarinnar munu eins og ár-
visst er orðið efna til hreinsunardaga hver á
sínu sviði. Sorpa mun á þessum tíma kynna
þjónustu sína sérstaklega til að uppfræða borg-
arbúa til að auðvelda þeim sundurgreiningu á
sorpi og hvernig best sé að koma því til förg-
unar.
Vitundarvakning í umhverfismálum Reykvíkinga stendur yfir næstu vikurnar
Morgunblaðið/Golli
Ruslasprengjur Ljósadýrð flugelda fölnar í
kjölfar svifryks og fjúkandi raketturusls.
Ellý K.
Guðmundsdóttir
Virkja fólk til betri umgengniHafnarfjörður | Fimmtán ára ung-lingar gátu keypt tóbak á sjö sölu-stöðum tóbaks af tuttugu og þrem í
Hafnarfirði, samkvæmt könnun
sem forvarnanefnd Hafnarfjarðar
stóð fyrir nýlega. Í fyrra seldu 59%
sölustaða unglingum tóbak. Þykir
ljóst að kaupmenn hafa tekið sig á.
Í könnuninni voru tveir 15 ára
unglingar úr 10. bekk sendir á sölu-
staði undir eftirliti starfsmanna
Hafnarfjarðarbæjar. Í kjölfar þess
að sölustaður seldi unglingi í könn-
uninni tóbak var haft samband við
Heilbrigðiseftirlit Hafnarfjarðar-
og Kópavogsumdæmis.
Síðustu misseri hafa söluaðilar
sett sér stöðugt skýrari reglur sem
tryggja að aldurstakmörk séu virt.
Margir sölustaðir í Hafnarfirði hafa
einnig gert sérstakt samkomulag
við forvarnanefnd sem miðar að því
að leita allra leiða til að koma í veg
fyrir sölu á tóbaki til barna.
Nýlegar rannsóknir sýna að
reykingar meðal hafnfirskra ung-
menna eru að dragast saman, hrað-
ar en landsmeðaltalið. Fyrir þrem-
ur árum reykti 21% drengja og 18%
stúlkna í tíunda bekk í Hafnarfirði
á móti 14% og 12% landsmeðaltali,
en í fyrra reyktu einungis 12%
drengja og stúlkna í Hafnarfirði á
móti 10 og 11% landsmeðaltali.
Reykingar á undan-
haldi í Hafnarfirði