Morgunblaðið - 31.03.2006, Blaðsíða 55

MORGUNBLAÐIÐ FÖSTUDAGUR 31. MARS 2006 55
DAGBÓK
Ídag standa Rannsóknarstofa í kvenna- ogkynjafræðum og jafnréttisnefnd Háskóla Ís-lands fyrir málþingi um kynbundið námsval.Málþingið er haldið í stofu N-132 í Öskju og
mun standa frá kl. 13.30 til 16.
„Kveikjan að málþinginu var erindi Gylfa Magn-
ússonar, deildarforseta viðskipta- og hagfræði-
deildar, en hann fjallaði í vetur um þá fjölgun
kvenna sem er orðin áberandi í skólakerfinu, og
sérstaklega í háskólum,“ segir dr. Guðbjörg Vil-
hjálmsdóttir sem er meðal ræðumanna á mál-
þinginu. Einnig flytja erindi Gylfi Magnússon sem
fyrr var getið, Herdís Sveinsdóttir, dósent í hjúkr-
unarfræði, Kristín Ástgeirsdóttir, forstöðumaður
Rannsóknarstofu í kvenna- og kynjafræðum, og
Kristín Tómasdóttir nemi. Málþingsstjóri er Sig-
urður Brynjólfsson, prófessor við verkfræðideild.
Erindi sitt kallar Guðbjörg: „Kynbundið náms-
val: farvegir sem hægt er að breyta?“
„Það eru nokkurs konar farvegir í samfélaginu
sem virðast verka eins og rásir fyrir drengi annars
vegar og stúlkur hins vegar inn á mismunandi
námsbrautir,“ segir Guðbjörg. „Það eru ýmsar or-
sakir sem þarna eru að verki og má fyrstar nefna
félagslegar orsakir. Í öðru lagi má athuga upp-
byggingu skólakerfisins sjálfs, sem virðist beina
nemendum mjög ákveðið í vissar áttir, og stundum
jafnvel gengið svo langt að tala um tvö hliðstæð
skólakerfi: annað fyrir drengi og hitt fyrir stúlkur.
Einkunnir, og þá sérstaklega í stærðfræði, eru
einnig áhrifsþáttur. Þá er, í fjórða lagi, hugarfarið,
því ef strákar eru spurðir um virðingarröð starfa
setja þeir t.d. starf grunnskólakennara mun neðar
en stúlkurnar. Drengir hafa áhuga á launum og
stöðu, en stúlkurnar vilja frekar njóta sín í starfi.“
Í erindinu rýnir Guðbjörg í þessa áhrifaþætti:
„Það landslag sem við blasir er að karlar sækja á
ákveðin svið, eins og vélar og tækni, og eru þar nær
alráðir, á meðan konur eru ráðandi á umönn-
unarsviði og í þjónustu. Það endurspeglast í fyr-
irtækjum landsins að stjórnunarstöður eru yfirleitt
skipaðar karlmönnum á meðan konurnar eru iðu-
lega í aðstoðarhlutverki. Nú er stóra spurningin
hvort við viljum breyta einhverju til batnaðar, hvað
við gætum grætt á slíkum breytingum, og hvaða
þætti ætti þá helst að hafa í huga,“ segir Guðbjörg.
„Bæði jafnréttis- og mannauðssjónarmið kunna að
liggja að baki inngripum, í þá veru að breyta hug-
arfari fólks í þessum efnum, enda hljóta í hópi nem-
enda að leynast „faldir fjársjóðir“, sem ættu best
heima í starfsstétt sem uppbygging samfélags og
skóla hefur beint þeim frá. Þannig hef ég í starfi
mínu ósjaldan hitt nemendur sem segja má að séu í
felum með einhverja hæfni eða áhuga á vissu sviði.
Ég held það hljóti að vera best bæði fyrir hag ein-
staklinganna og samfélagsins að slík hæfni fái að
koma fram í dagsljósið.“
Menntun | Málþing jafnréttisnefndar HÍ og RIKK um námsval kynjanna
Kynbundið námsval

Guðbjörg Vilhjálms-
dóttir fæddist í Hafn-
arfirði 1956. Hún lauk
stúdentsprófi frá MT
1976, BA-prófi frá HÍ
1982 og embættisprófi
í náms- og starfs-
ráðgjöf frá Lyon-
háskóla 1985. Árið
1987 lauk Guðbjörg
meistaraprófi við Sor-
bonne og doktorsprófi
við Háskólann í Hertsfordshire 2004. Guð-
björg starfaði sem námsráðgjafi við KHÍ
1987–1991 en hefur síðan verið kennari við fé-
lagsvísindadeild HÍ. Guðbjörg er gift Torfa H.
Tulinius prófessor og eiga þau tvö börn.
Er ekki einhver
brotalöm í þessu?
ÉG var að horfa á Kastljós 24. mars
sl. og þar á meðal var viðtal við Siv
Friðleifsdóttur heilbrigðisráðherra.
Hún talaði um fjárveitingu upp á 10
milljarða við byggingu hátækni-
sjúkrahúss og um bætta þjónustu
við aldraða. Vonandi stendur hún við
orð sín.
Við erum orðin langþreytt á að
hlusta á sömu tugguna ár eftir ár
eða áratugi. Svo á að veita fjárveit-
ingu til búsetu öryrkja en hvenær og
hverjir á biðlistunum komast að? Ég
held að það sé löngu kominn tími á
þetta svo öryrkjar geti fengið að
vera með í samfélaginu.
Og hvað með fordóma? Það er al-
veg furðulegt hvað þeir virðast vera
lengi við lýði þó að skrif og viðtöl í
fjölmiðlum hafi aukist til muna. Það
er eins og fólk vilji hafa sem flesta
öryrkja inni á stofnunum. Hvað með
sjúklinga á geðdeildum sem leggjast
inn aftur og aftur, alltaf sömu sjúk-
lingarnir? Er ekki einhver brotalöm
í þessu?
Er ekki hægt að finna önnur úr-
ræði eins og meiri þjónustu inn á
heimilin? Reyndar eru byrjuð stuðn-
ingsteymi í Reykjavík en hvað með
hin bæjarfélögin? Geta þau ekki líka
tekið við sér í þessum málum?
Hugsið ykkur einstaklinga sem
hafa þurft að vera lokaðir inni á
Kleppsspítala í áratugi, sem mér
finnst mannréttindabrot. En nú hef-
ur það gerst að margir þeirra eru
komnir í sambýli og gengur alveg
ljómandi vel. Er ekki löngu kominn
tími til að líta til hagsmuna þessa
fólks? Vonandi verður eitthvað af
þessu að veruleika.
Öryrki.
iPod nano týndist
AUGLÝST er eftir iPod nano sem
glataðist í Vesturbæ Reykjavíkur að
morgni föstudagsins 24. mars. Finn-
andi vinsamlegast hafi samband í
síma 699 3398.
Velvakandi
Svarað í síma 5691100 frá 10–12
og 13–15 | velvakandi@mbl.is
1. e4 e5 2. Rf3 Rc6 3. Bb5 Rf6 4. d3 Bc5
5. 0–0 Rd4 6. Rxd4 Bxd4 7. c3 Bb6 8.
Be3 0–0 9. Bxb6 axb6 10. f4 De7 11. d4
exf4 12. e5 Rd5 13. Df3 c6 14. Bd3 d6
15. He1 Dh4 16. Rd2 Bg4 17. Df1 dxe5
18. Hxe5 Hfe8 19. Hxe8+ Hxe8 20.
Be4 Be6 21. Rf3 Dh6 22. Df2 Re3 23.
Bd3 Bd5 24. h3
Staðan kom upp á opna alþjóðlega
Reykjavíkurmótinu sem lauk fyrir
skömmu í skákmiðstöðinni í Faxafeni
12. Sigurvegari mótsins, armenski
stórmeistarinn Gabriel Sargissjan
(2.603), hafði svart gegn portúgalska
alþjóðlega meistaranum Sergio Rocha
(2.405). 24. … Rxg2! 25. Kxg2 svartur
hefði einnig staðið til vinnings eftir 25.
Dxg2 He3 26. Be2 De6! 27. Bd1 He1+
28. Kh2 Bxf3 29. Dxf3 De3. 25. …
Bxf3+ 26. Kh2 hvítur hefði einnig stað-
ið höllum fæti eftir 26. Dxf3 He3. 26. …
He3 27. He1 De6 28. Dh4 Hxe1 og
hvítur gafst upp þar sem hann nær
ekki að þráskáka eftir 29. Bxh7+ Kf8
30. Dd8+ De8 31. Dd6+ He7.
SKÁK
Helgi Áss Grétarsson | dagbok@mbl.is
Svartur á leik.
Íslandsmótið.
Norður
♠G105
♥ÁK103
♦K7
♣K843
Suður
♠ÁKD
♥D76
♦ÁD1065
♣Á10
Hvernig er best að spila sjö grönd
með spaða út?
Spilið er frá undankeppni Íslands-
mótsins, 7. umferð, og langflest NS-
pörin létu sér nægja að spila hálf-
slemmu. En alslemman er ekki galin,
einkum vegna tígultíunnar, sem eykur
verulega líkurnar á að liturinn renni.
Tæknilega rétta íferðin í lit af þess-
um toga er að taka þrjá efstu, sem skil-
ar fimm slögum í 52% tilfella. En auð-
vitað liggur ekkert á og sjálfsagt að
spila hálitunum fyrst.
Þau pör sem sögðu sjö grönd höfðu
heppnina með sér, því þetta var legan:
Norður
♠G105
♥ÁK103
♦K7
♣K843
Vestur Austur
♠976432 ♠8
♥985 ♥G42
♦94 ♦G852
♣G7 ♣D9652
Suður
♠ÁKD
♥D76
♦ÁD1065
♣Á10
Vissulega á austur gosann fjórða í
tígli, en hann þarf að valda laufið líka
og ræður ekki við þrýstinginn þegar
sagnhafi tekur síðasta hálitaslaginn.
BRIDS
Guðmundur Páll Arnarson | dagbok@mbl.is
DAGANA 4.–6. apríl leiðir Gunnar
Eyjólfsson leikari í þriðja sinn
kyrrðardaga í Skálholti þar sem
byggt er á æfingum og hug-
myndafræði Qi Gong til þess að öðl-
ast innri sátt og kyrrð hugans.
Kyrrðardagarnir hefjast síðla
morguns á þriðjudegi en lýkur um
hádegisbil á fimmtudegi.
Þessir kyrrðardagar fylgja í
megindráttum formi hinna venju-
bundnu kyrrðardaga um hvíld,
helgihald og þögn en í stað íhug-
unar tengir Gunnar líkamlegar æf-
ingar, sér í lagi æfingar tengdar
öndun, við kynningu á hugmynda-
fræði Qi Gong sem hann hefur iðk-
að og kennt um áratugaskeið.
Þessir kyrrðardagar njóta mik-
illa vinsælda og eru aðeins örfá
pláss laus til ráðstöfunar og er það
vegna forfalla.
Skrifstofa Skálholtsskóla veitir
allar nánari upplýsingar og annast
skráningu í síma 486 8870, netfang
rektor@skalholt.is.
Morgunblaðið/Jim Smart
Qi Gong-dagar með
Gunnari Eyjólfssyni
AÐALFUNDUR GEÐHJÁLPAR
Aðalfundur Geðhjálpar árið 2006
verður haldinn á Túngötu 7, Reykjavík,
laugardaginn 1. apríl nk. og hefst kl. 13:30
DAGSKRÁ:
· Aðalfundarstörf í samræmi við 5. gr. laga Geðhjálpar.
· Kjör þriggja stjórnarmanna af 7 fer fram til tveggja ára í stað þeirra er
ljúka stjórnunarstörfum á árinu. Jafnframt fer fram kjör
skoðunarmanna ársreikninga til eins árs.
Þeir félagar sem enn eiga ógreidd félagsgjöld eru hvattir til að greiða
þau fyrir fundinn. Ef greiðsluseðlar eru glataðir, skal bent á að inna má
greiðslu af hendi í næsta banka, sparisjóði eða pósthúsi inn á reikning
Geðhjálpar nr. 135-26-11801, kt. 531180-0469.
Frekari upplýsingar eru veittar á skrifstofu Geðhjálpar, Túngötu 7,
101 Reykjavík, í síma 570 1700.
Félagsmenn eru eindregið hvattir til að mæta.
Virðingarfyllst,
stjórn Geðhjálpar.
Orlando Vacation Homes USA
Thank you to everyone who visited us at the Hótel Loftleiðir.
We enjoyed meeting all of you and look forward
to seeing you soon in sunny Florida!
www.livinfl.com
Leiklistarnámskeið í Iðnó
Skemmtilegt, lærdómsríkt og ódýrt skyndinámskeið, hefst nk. mánu-
dagskvöld þar sem nemendur fá tilsögn í leikspuna, persónusköpun,
raddbeitingu, framsögn, tjáningu og hreyfingum á leiksviði.
Einnig getur komið til greina að hæfileikafólki verði gefinn kostur á að
koma fram í sýningum Light Nights í sumar.
Nánari uppl. og bókun í síma 551 9181.
Ferðaleikhúsið, Kristín G. Magnús.
Fréttir í
tölvupósti
40 ÁRA afmæli. Í dag, 31. mars, erfertug Ólöf Snorradóttir,
Brekkustíg 14, Reykjavík. Hún er með
opið hús á Hallveigarstíg 1 milli kl. 16
og 20.
Árnaðheilla
dagbók@mbl.is