Morgunblaðið - 31.03.2006, Blaðsíða 30

30 FÖSTUDAGUR 31. MARS 2006 MORGUNBLAÐIÐ
MENNING
GAMANLEIKURINN Átta konur
eftir Robert Thomas verður frum-
sýndur á Stóra sviði Þjóðleikhússins í
kvöld. Leikstjóri er Edda Heiðrún
Backman.
Verkið er „glæpsamlegur gam-
anleikur“, þar sem átta leikkonur
leiða áhorfandann inn í kvennaheim,
fullan af óvæntum atburðum, ógnum
og gríni. Þeim til fulltingis verður
hinn þekkti látbragðsleikari Kristján
Ingimarsson, sem kemur sérstaklega
frá Danmörku til að taka þátt í sýn-
ingunni.
Fögur eiginkona, tvær ungar og
óstýrilátar dætur, aðþrengd mág-
kona, gráðug tengdamamma, dul-
arfull ráðskona og kynþokkafull
þjónustustúlka; þetta eru þær; nei
ekki alveg. Húsbóndinn liggur sof-
andi í rúmi sínu uppi á lofti, en þegar
áttunda konan bætist í hópinn getur
allt gerst!
„Þetta eru átök átta heimsvelda,“
segir Edda Heiðrún um þann leik
sem upphefst í verkinu þegar kon-
urnar komast í essið sitt. „Verkið var
frumsýnt um miðja síðustu öld, og við
höldum að mestu í stíl þess tíma. Við
höfum bætt sönglögum í verkið,
þannig að þar togast þetta þrennt á,
glæpasagan, gamanleikurinn og
söngleikurinn. Ég bætti líka inn í
þetta þöglu hlutverki, en það er
Kristján Ingimarsson mímíker sem
kemur í það frá Danmörku.
Karlmaðurinn í verkinu kemur í
rauninni aldrei fram, nema í sönglög-
unum, þar sem hann lifnar við. Þar
nýti ég tækni Kristjáns í látbragði og
hreyfilist.“
Persónur verksins eru afar skraut-
legar að sögn Eddu Heiðrúnar og
valdabaráttan á milli „heims-
veldanna“ er ekki átakalaus.
„Það er glæpur framinn í húsinu,
en þegar á að fara að segja sannleik-
ann, kemur ýmislegt í ljós. Það getur
verið erfitt að horfast í augu við sann-
leikann og hann getur verið grimm-
ur. Það er enginn með hreinan
skjöld.“
Sígild dægurlög prýða verkið
Tónlistina valdi Edda Heiðrún úr
lögum frá tíma verksins; „stór
kvennalög sem allir þekkja“ eins og
hún orðar það, og nefnir Goldfinger,
Fever, It ain’t no sunshine, og fleiri
góðkunningja úr dægurlagaheim-
inum. „Við höfum snarað textunum
til þjónustu við leikritið og til að lýsa
baklandi kvennanna – draumum
þeirra, væntingum og örvæntingu.
Ég vona að allir geti skemmt sér
vel með þessu verki – þetta er hræði-
legur gleðileikur – „ógeðslegur“
gleðileikur myndu krakkarnir kalla
það.“
Franska leikskáldið Robert Thom-
as (1927–1989) var einkum þekktur
fyrir það að tvinna saman form saka-
málaleikrita og léttra gamanleikja.
Þegar leikritið Átta konur var sýnt í
París árið 1961 hlaut það leiklist-
arverðlaunin Prix du Quai des
Orfèvres og var leikið við miklar vin-
sældir. Franski leikstjórinn François
Ozon vann geysivinsæla kvikmynda-
gerð verksins árið 2002, þar sem
margar af fremstu leikkonum Frakk-
lands fóru á kostum.
Edda Heiðrún Backman hefur
leikið fjölmörg hlutverk, bæði á sviði
og í kvikmyndum, frá því hún lauk
námi frá Leiklistarskóla Íslands
1983. Hún hlaut verðlaun bæði sem
besta leikkona í aðalhlutverki og
besta leikkona í aukahlutverki þegar
Gríman – Íslensku leiklistarverð-
launin voru veitt í fyrsta sinn árið
2003. Hún hefur einnig vakið athygli
undanfarið fyrir leikstjórn sína á
Mýrarljósi í Þjóðleikhúsinu, Svikum
hjá LA, LR og Sögn og Sölku Völku í
Borgarleikhúsinu.
Átta konur
eftir Robert Thomas.
Íslensk þýðing og aðlögun:
Sævar Sigurgeirsson.
Tónlist: Samúel J. Sam-
úelsson.
Sviðshreyfingar: Kristján
Ingimarsson.
Búningar: Elín Edda Árna-
dóttir.
Lýsing: Hörður Ágústsson.
Leikmynd: Jón Axel Björns-
son.
Leikarar: Birna Hafstein,
Edda Björg Eyjólfsdóttir,
Katla Margrét Þorgeirsdóttir,
Kristján Ingimarsson, Mar-
grét Guðmundsdóttir, Mar-
grét Vilhjálmsdóttir, Nína
Dögg Filippusdóttir, Ólafía
Hrönn Jónsdóttir/Guðlaug El-
ísabet Ólafsdóttir og Ragn-
heiður Steindórsdóttir.
Aðstoðarmaður leikstjóra: Jó-
hanna Jónas.
Leikstjóri: Edda Heiðrún
Backman.
Leiklist | Átta konur eftir Robert Thomas frumsýnt á Stóra sviði Þjóðleikhússins í kvöld
Átta heimsveldi í hræðilegum gleðileik
„ Við höfum bætt sönglögum í verkið, þannig að þar togast þetta þrennt á, glæpasagan, gamanleikurinn og söngleikurinn,“ segir Edda Heiðrún, leikstjóri sýningarinnar.
Í verkinu er mikill leikkvennafans; Ragnheiður Steindórsdóttir, Margrét Vilhjálmsdóttir og Margrét Guðmunds-
dóttir í fremri röð, en þeirri efri eru Katla Margrét Þorgeirsdóttir, Guðlaug Elísabet Ólafsdóttir og Birna Hafstein.
Eftir Bergþóru Jónsdóttur
begga@mbl.is
FORÐIST OKKUR eftir Hugleik
Dagssson verður tekin til sýningar
að nýju á litla sviði Borgarleikhúss-
ins á morgun. Sýningin, sem var sett
upp seinasta haust, fékk afar góðar
viðtökur jafnt hjá gagnrýnendum
sem almenningi og komust færri að
en vildu en Forðist okkur er sam-
starfsverkefni Commom Nonsense
og Nemendaleikhúss LHÍ. Tíu auka-
sýningar á verkinu eru áætlaðar í
apríl. „Það seldist upp á allar sýning-
arnar í haust og við höfðum salinn
ekki lengur. Okkur fannst það svolít-
ið eins og að drepa verkið í fæðingu,
að hætta með það þá, þannig að við
notuðum tækifærið núna til að setja
það upp aftur út af því við fengum
litla sviðið,“ segir Hugleikur. Að-
spurður hvort verkið sé á leiðinni út
fyrir landsteinana eftir þessar auka-
sýningar segir Hugleikur það alveg
óvíst og í raun og veru viti hann ekk-
ert um framtíðarhorfur þess ennþá.
Frumflytja lag í veislunni
Hugleikur er ekki aðeins í óða önn
að setja verkið sitt aftur á fjalirnar
því í dag kemur út ný bók eftir hann,
Fermið okkur.
„Fermið okkur er með sama
teiknistíl og hinar bækur mínar en
þetta er ein samfelld saga í þetta
skiptið. Hún fjallar um 13 ára strák
sem þarf að fara að fermast og kann-
ar hvað það er að fermast. Hann
kynnir sér bæði borgaralega og
kristilega fermingu og reynir að
velja þar á milli.“ Hugleikur segir
þessa bók ekki vera neina ádeilu á
fermingar heldur kannski meira til-
raun til sölubrellu. „Að gera bók um
fermingar á sama tíma og það er
verið að ferma unglinga er kannski
viss tilraun.“
Í tilefni þess að ákveðið var að
hafa aukasýningar á Forðist okkur
og að Hugleikur gefur út bókina
Fermið okkur verður í dag haldin
fermingarveisla ársins í anddyri
Borgarleikhússins. „Benni Hemm
Hemm spilar tónlist og það verða
skemmtiatriði í tengslum við leik-
ritið Forðist okkur. Auk þess sem ég
flyt lagið „Ég kyssi þig á augun“ eft-
ir mig og Benna Hemm Hemm en
það fylgir með bókinni á geisladiski
eða á sjö tommu vínilplötu.“ Hug-
leikur segir lagið ekki eiga neitt
rosalega skylt við efni bókarinnar en
þó séu smátengsl þar á milli.
Fermingarveislan er í dag kl.
18.00 í Borgarleikhúsinu.
Leiklist | Fermingarveisla í Borgarleikhúsinu
Fermið okkur – Forðist okkur
Eftir Ingveldi Geirsdóttur
ingveldur@mbl.is
Morgunblaðið/Ásdís
Hugleikur Dagsson gefur út bókina Fermið okkur í dag.