Morgunblaðið - 02.04.2006, Page 18

18 SUNNUDAGUR 2. APRÍL 2006 MORGUNBLAÐIÐ
Þegar sjötíu karlaraddirhljóma í vandlega sam-stilltum söng, þá fer eitt-hvað gott af stað í sálinni,heilanum, hjartanu eða
hvar sem tilfinningaleg upplifun á
sér stað. Orð ná tæplega að lýsa því
en þó er það eitthvað í ætt við kraft
og þéttan massa sem minnir bæði á
staðfast berg og ólgandi haf. Eitt-
hvað þungt sem fyllir út í hornin.
Þannig hljómar Karlakór Reykja-
víkur þegar honum tekst hvað best
upp. En það eru ekki einvörðungu
raddir sem gera kór góðan, heldur
er það ekki síður góður stjórnandi
sem nær fram því besta úr efni-
viðnum. Metnaðarfullir menn hafa
stjórnað kórnum í gegnum tíðina,
eins og Páll Ísólfsson, Jón S. Jóns-
son, Páll Pampichler Pálsson og
Catherine Willams.
Drjúgir við að kynna íslenska
sönglist á erlendri grund
En fyrstur til að stjórna Karlakór
Reykjavíkur var Sigurður Þórðar-
son tónskáld, sem stofnaði kórinn í
janúar árið 1926 ásamt nokkrum
áhugasömum söngmönnum. Hann
stjórnaði samfellt í þrjátíu og sex
ár, að einu ári undanskildu. Kórinn
hefur gert garðinn frægan í ótal
tónleikaferðum erlendis og þá hefur
ávallt verið lögð áhersla á að kynna
íslenska tónlist. Allir fremstu ein-
söngvarar Íslands bæði fyrr og síð-
ar hafa sungið með Karlakór
Reykjavíkur á tónleikum heima og
erlendis. Má þar helsta nefna Stef-
án Íslandi, Guðmund Jónsson, Svölu
Nielsen, Jón Sigurbjörnsson, Óskar
Pétursson, Kristin Sigmundsson,
Diddú og Jóhann Friðgeir Valdi-
marsson.
Verðum að hljóma sem einn maður
Á afmælisárinu verður mikið um
dýrðir hjá kórnum. Sex vortónleikar
nú í apríl, afmælistónleikaferð aust-
ur á firði í maí og afmælisferð í
haust til Austurríkis og Þýskalands.
Í þeirri ferð mun kórinn meðal ann-
ars heimsækja Pál Pampichler,
fyrrum stjórnanda kórsins, og halda
þar sérstaka tónleika honum til
heiðurs. Friðrik S. Kristinsson,
stjórnandi kórsins, hefur því haft í
nógu að snúast undanfarið en hann
hefur staðið við stjórnvölinn und-
anfarin sextán ár. Hann játar því að
ekki sé það létt verk að stjórna og
stilla saman raddir sjötíu og fimm
karla. „Þetta er eins og að temja
dýr, mikil vinna sem
tekur tíma. Kórfélagar
þurfa að læra inn á
mig og ég inn á þá.
Taugin verður að vera
sterk á milli stjórn-
anda og kórs, því við
verðum að hljóma sem
einn maður.“
Frábær félagsskapur
Aldursbreiddin er
mikil í kórnum, sá elsti
er 72 ára en yngsti 22
ára. „Það er gott að
búa að þeim gamal-
reyndu en endurnýj-
unin er líka nauðsyn-
leg og það gefur kórnum
æskuljóma. Ungu strákarnir hafa
margir góðan bakgrunn og koma
inn í kórinn eins og vanir menn,
sem munar miklu fyrir mig. Þeir
eru líka svo opnir og tilbúnir að
gera allt sem ég bið þá um.“
Þrátt fyrir mikla þolinmæðis-
vinnu þá segir Friðrik það virkilega
gaman að stjórna kórnum. „Þetta er
frábær félagsskapur og stórkostleg-
ir einstaklingar í þessum kór og
margir hverjir miklir húmoristar.
Það er alltaf gaman hjá okkur þeg-
ar við komum saman eða förum í
ferðir, bæði innanlands og utan.
Þegar allir eru vel stilltir saman í
söngnum, þá gerist eitthvað. Þetta
snýst ekki eingöngu um að syngja
sterkt, heldur eru töfrarnir ekki síð-
ur í fínu tónunum. Það er mjög
áhrifamikið þegar allt gengur upp.“
Að viðhalda gleði og tærum hljóm
„Að halda tónleika með kórnum
er það skemmtilegasta sem ég geri.
Ég fer alltaf í ákveðinn trans og lít
á tónleika sem einhvers konar leik-
sýningu. Þegar kórmeðlimir ganga
inn á sviðið er eins og tjöldin séu
dregin frá í leikhúsi fyrir framan
fullan sal af fólki sem bíður í eft-
irvæntingu. Þá er ég leikstjórinn og
við hefjum leikinn þegar fyrsti
tónninn hljómar. Þá fyrst slaka ég
á.“ Friðrik segist hafa breidd í laga-
vali í fyrirrúmi á tónleikum, þar
þurfi bæði að vera alvara og glettni,
svo allir aldurshópar geti notið.
„Þetta er kór sem á sterkar rætur
og hann stendur fyrir eitthvað
ákveðið í hugum fólks. Það hefur
alltaf verið einhver ljómi yfir Karla-
kór Reykjavíkur. Þegar ég fór á
tónleika hjá þeim hér áður fyrr, þá
fann maður fyrir þessari gleði og
tæra hljóm sem ég legg mig fram
um að viðhalda.“
Flaggskip íslenskra karlakóra í 80 ár
Morgunblaðið/Kristinn
Prúðbúnir og til í slaginn. Meirihluti núverandi meðlima Karlakórs Reykjavíkur.
Þeir hafa staðið sterkir í
stafni og engan bilbug á
þeim að finna þó ára-
tugirnir séu orðnir átta.
Kristín Heiða Kristinsdóttir
leit inn á æfingu hjá Karla-
kór Reykjavíkur þar sem
raddir voru stilltar saman
fyrir vortónleikaröð sem
hefst í dag.
Sungið úti í guðsgrænni náttúrunni. Stofnandi Karlakórs Reykjavíkur, Sigurður
Þórðarson, stjórnar kórnum í Norðurlandsferð árið 1939.
Allir fara sáttir heim. Friðrik klappar fyrir sínum
mönnum og þeir fyrir honum í lok æfingar.
Morgunblaðið/Brynjar Gauti
Í hvíldarstöðu á æfingum taka kórmeðlimir gjarna tal saman og henda gaman
að því sem fram fer. Tenórarnir Sveinn Hjörleifsson og Pétur Björnsson.
Vortónleikar Karlakórs Reykjavík-
ur verða allir í Langholtskirkju:
Í dag kl. 17.00 og 20.00
Mánudag 3. apríl kl. 20.00
Miðvikudag 5. apríl kl. 20.00
Fimmtudag 6. apríl kl. 20.00
Laugardag 8. apríl kl. 16.00
www.kkor.is
khk@mbl.is
Morgunblaðið/Brynjar Gauti
„ÞAÐ er sannarlega kikk fyrir konu að hafa svona karlavegg fyrir aftan sig. Það er ómót-
stæðilegt,“ segir Sigrún Hjálmtýsdóttir, eða Diddú, þegar hún er spurð að því hvernig upp-
lifun það sé fyrir hana að syngja ein með svona stórum karlakór.
„Þeir leyfa mér að vera með þegar það eru stórafmæli hjá þeim og ég er náttúrulega
alveg voðalega stolt af því. Þetta er ómetanlegt fyrir mig og ég er meira að segja búin að
láta sauma á mig sérstakt dress í tilefni af afmælinu. Ég söng líka með þeim í Kanadaferð-
inni þeirra fyrir fimm árum, þegar þeir áttu sjötíu og fimm ára afmæli. Og þeir buðu mér
með í utanlandsferðina núna í haust og ég hlakka rosalega til. Karlakóralíf er alveg sér
heimur og gaman að vera með þeim. Ég á fullt af pöbbum í þessum kór,“ segir Diddú og
hlær sínum bjarta hlátri.
Söngglaðir og dýnamískir
Hjálmtýr faðir Diddúar var einmitt félagi í kórnum á sínum tíma. „Þess vegna fór ég á
mínum uppvaxtarárum á tónleika hjá Karlakór Reykjavíkur og ein af mínum fyrstu og
sterkustu tónlistarupplifunum var þegar Svala Nielsen söng með þeim. Það var alveg
mögnuð tilfinning, af því að það er svo rosalega flott að heyra kvenrödd með karlakór, það
er svo falleg samsetning,“ segir Diddú sem er mjög ánægð með hvernig kórinn hefur elst.
„Núna er rosaleg dýnamík í þessum kór. Þetta eru vægast sagt söngglaðir menn og flott-
ar raddir. Það er mikið af nýjum og ungum kórmeðlimum frá því ég söng með þeim fyrir
fimm árum. Það er allt annar blær sem fylgir ungum röddum, mikill ferskleiki en þó ekkert
ungæðislegt. Friðrik hefur gert alveg ótrúlega hluti með þennan kór og mótað hann vel.“
Ómótstæðilegt kikk fyrir konu Morgunblaðið/Brynjar Gauti
Aldrei leiðinlegt á æfingum. Friðrik kórstjóri og Diddú gantast á milli laga um það sem betur má fara.