Morgunblaðið - 13.04.2006, Blaðsíða 53

MORGUNBLAÐIÐ FIMMTUDAGUR 13. APRÍL 2006 53
MINNINGAR
henni hefði fundist dagurinn sagði
hún að það hefði verið nokkuð gaman
að sjá þessa Viktoríu en meinti auð-
vitað Kristjaníu. Við hlógum lengi að
þessum ruglingi. Undanfarin ár hef
ég hugsað um fæturna hennar
ömmu, klippt neglur og hreinsað
húð. Þessar stundir eru orðnar fjöl-
margar og amma gat aldrei þakkað
mér nóg. Ég sagði henni að hún væri
aldeilis búin að gera fyrir mig í gegn-
um árin og nú væri komið að mér að
gera fyrir hana. Hún hristi bara höf-
uðið og sagði hátt: „Guð launi þér
þetta, þú mátt vera í húsinu mínu
eins og þig lystir.“ Svo bætti hún við
„Reynir, þú ert vitni að þessu.“
Pabbi sagðist ekki hlusta á svoleiðis
vitleysu í stríðni sinni en henni
fannst það ekkert sniðugt. Síðast
þegar amma dvaldi um hríð í bænum
dekraði ég vel við hana, ásamt fót-
unum fékk hún litun og létta förðun
og fór svo falleg út frá mér. Hún
sagðist ekki hafa sett á sig varalit í
fimmtíu ár svo mér fannst það ald-
eilis orðið tímabært. Þetta var í síð-
asta skiptið sem ég fékk hana til mín
á stofuna og á ég eftir að sakna
þeirra stunda.
Það verður skrýtið að koma að
Hjálmsstöðum þegar hún er ekki á
svæðinu, en minningarnar um hana
lifa með okkur. Amma að segja sög-
ur af Óla Lokbrá, amma að dekra við
okkur í eldhúsinu, amma að leggja
kapal og þar fram eftir götunum. Ég
kom til hennar á þriðjudagskvöldið
áður en hún kvaddi og hún vaknaði
áður en ég fór. Ég náði að hvísla í
eyra hennar hvað mér þætti mikið
vænt um hana og var það svo að
segja okkar síðasta stund.
Elsku hetjan mín, ég þakka þér
fyrir allt, þú varst viskubrunnur og
ljóðin þín munu lifa á meðal okkar.
Ég mun ávallt sakna þín.
Farðu í friði.
Þín
Ingibjörg Reynisdóttir.
Hún „bognaði aldrei en brotnaði í,
bylnum stóra seinast“.
Þetta má með sanni segja um
Ragnheiði sem við kveðjum nú í dag.
Hún fæddist á Snorrastöðum í Laug-
ardal, 17. júlí árið 1916. Foreldrar
hennar voru sæmdarhjónin Guðrún
Eyjólfsdóttir frá Snorrastöðum í
Laugardal og Sveinbjörn Eyjólfsson
frá Laugarvatni í sömu sveit. Þau
hófu búskap á Snorrastöðum. Þarna
ólst Ragnheiður upp í stórum barna-
hópi við gott atlæti. En mótlætið
gleymdi ekki heimilinu. Sveinbjörn
dó úr krabbameini langt um aldur
fram og Guðrún lést úr berklum
fáum árum síðar. Þá tóku við búi
Eyjólfur, þá nýkvæntur, og Jóhann
með Ragnheiði sem ráðskonu þótt
ung væri. Eftir fá ár missti Eyjólfur
heilsuna og var á spítölum af og til
það sem eftir var ævinnar. Þá tók
Jóhann við jörðinni með sína ungu
ráðskonu. Þannig gekk það til, allt til
þess að Ragnheiður giftist Pálma
Pálssyni, f. 6. júní 1911. Hófu þau bú-
skap á Hjálmsstöðum giftingarárið.
Börnin komu eitt af öðru og urðu
þau sjö en síðasta barnið dó í fæð-
ingu og kom Ragnheiður mjög hart
niður við það. Náði hún sér þó vel
eftir þau veikindin. Þá er ég kominn
að þeim kafla í lífi þessara hjóna en
það er barnauppeldið. Það er vissa
mín að hámenntaðir spekingar í upp-
eldisfræðum gætu þar vel við unað ef
þeir næðu slíkum árangri í uppeldi
barna og Ragnheiður og Pálmi náðu
með sínum börnum. Það er annars
athyglisvert hvernig makar þessara
systkina eru. Dettur mér helst í hug
máltækið: hver elskar sér líkt. Það
væri ekki úr vegi að rannsaka sam-
band uppeldis og skilnaða. Svo kom
ævikvöldið. Þá kom sér vel að hafa
lagt inn á þann lífsins banka sem
blívur, þ.e. gott uppeldi. Það uppskar
Ragnheiður er heilsan tók að þverra
og sjónin nærri alveg slokknuð.
Tengdadóttir hennar, Fanney Gests-
dóttir, og sonur, Páll bóndi, tóku
hana til sín og önnuðust að mestu
það sem hún átti ólifað.
Ásgeir Pálsson.
 Fleiri minningargreinar
um Ragnheiði Sveinbjörnsdóttur
bíða birtingar og munu birtast í
blaðinu næstu daga. Höfundar
eru: Sabína Steinunn og Rósa Hilm-
arsdóttir.
Elskulegur faðir okkar, tengdafaðir, bróðir,
mágur, afi og langafi,
ÁRNI KRISTINN FINNBOGASON
skipstjóri,
frá Vestmannaeyjum,
lést í Noregi sunnudaginn 9. apríl.
Gígja Árnadóttir,
Margrét Árnadóttir, Emil Adolfsson,
Siri Bjørgulfsen, Wetle Bjørgulfsen,
Gréta Finnbogadóttir, Trausti Eyjólfsson,
Ásta Finnbogadóttir,
barnabörn og barnabarnabörn.
Elskulegur faðir okkar, tengdafaðir, afi og langafi,
GUNNAR PÉTUR GESTSSON
bóndi,
Kotströnd,
Ölfusi,
er látinn.
Útför hefur farið fram í kyrrþey að ósk hins látna.
Jóhann Þorsteinn Gunnarsson, Björg Halldórsdóttir,
Guðrún Gunnarsdóttir,
Sigríður Gunnarsdóttir,
Hafdís Erna Gunnarsdóttir, Sæmundur Friðriksson,
barnabörn og barnabarnabörn.
Systir okkar og mágkona,
GUNNHILDUR ÁSTA STEINGRÍMSDÓTTIR,
Háaleitisbraut 59,
Reykjavík,
andaðist þriðjudaginn 11. apríl á Landspítalanum
við Hringbraut.
Ásdís Steingrímsdóttir,
Áslaug S. Bryld,
Margrét Steingrímsdóttir, Sigurður Þórhallsson,
Hulda Eiríksdóttir, Jóhann Sæmundsson.
Ástkær móðir okkar, tengdamóðir og amma,
SVAVA MAGNÚSDÓTTIR,
Þverbrekku 2,
Kópavogi,
lést miðvikudaginn 12. apríl.
Útförin fer fram frá Digraneskirkju föstudaginn 21.
apríl kl. 15.00.
Magnús Birgisson,
Hannes Birgisson,
Kristín Birgisdóttir, Jens Jensson,
Björgvin Birgisson, Jóhanna Stefánsdóttir
og barnabörn.
Ástkær móðir okkar, tengdamóðir, amma og
langamma,
BJÖRG ÓLÍNA JÚLÍANA EGGERTSDÓTTIR,
Meistaravöllum 29,
lést að morgni miðvikudagsins 12. apríl á
Landspítala Landakoti.
Jarðarförin auglýst síðar.
Óskar Arnórsson, Ketsuma Thiang-In,
Elsa Ísfold Arnórsdóttir, Þorsteinn Finnbogason,
Guðrún J. Arnórsdóttir, Sævar Pálsson,
Arnór V. Arnórsson, Bylgja S. Ríkarðsdóttir,
Tómas Ríkarðsson
barnabörn og barnabarnabörn.
Móðir mín og systir okkar,
JÓNÍNA JÓNSDÓTTIR,
dvalarheimilinu Seljahlíð,
áður til heimilis
í Vesturbergi 78,
lést mánudaginn 10. apríl.
Útförin verður auglýst síðar.
Snorri Hallgrímsson
og systkini hinnar látnu.
Ástkær eiginkona mín, móðir okkar, tengdamóðir
og amma,
HERDÍS K. KARLSDÓTTIR
fyrrv. leikskólastjóri,
Frostafold 14,
Reykjavík,
lést þriðjudaginn 11. apríl á hjúkrunarheimilinu
Eir.
Gunnar Sigurðsson,
Karl Gunnarsson og fjölskylda,
Herdís Gunnarsdóttir og fjölskylda.
Ástkær eiginmaður minn, faðir okkar, tengdafaðir
og afi,
GÍSLI K. SIGURÐSSON
bifreiðarstjóri,
Mjósundi 15,
Hafnarfirði,
varð bráðkvaddur miðvikudaginn 12. apríl.
Jarðarförin verður auglýst síðar.
Marta Ormsdóttir,
Sigurður Gíslason, Ásbjörg Skorasteim,
Kristín Gísladóttir, Ellert V. Harðarson,
Júlíus Aron Ellertsson,
Rakel Ósk Ellertsdóttir.
INGI STEINAR GUÐLAUGSSON,
frá Miðsamtúni,
lést föstudaginn 7. apríl.
Útförin fer fram frá Möðruvöllum í Hörgárdal, miðvikudaginn 19. apríl kl.
13.30.
Jarðsett verður í Glæsibæjarkirkjugarði.
Aðstandendur.
Móðir okkar, tengdamóðir, amma og langamma.
AUÐUR JÓNSDÓTTIR
sem fæddist á Eskifirði 16. júní 1919,
lést á heimili sínu 31. mars sl.
Útför hennar var gerð frá Fossvogskapellu 7. apríl
sl. og fór fram í kyrrþey að ósk hinnar látnu.
Starfsfólk Eirhúsa fær sérstakar þakkir fyrir hlýju
og aðstoð í hennar garð.
Jóhanna Kristín Hlöðversdóttir, Guðmundur E. Pétursson,
Kristín Carol Chadwick, Gunnar Jóhannesson,
Ralph Hinrik Chadwick, Pat Chadwick,
Oliver Hinrik Oliversson, Regína Róbertsdóttir,
barnabörn og barnabarnabörn.