Morgunblaðið - 27.05.2006, Síða 59

MORGUNBLAÐIÐ LAUGARDAGUR 27. MAÍ 2006 59
UMRÆÐAN
RITSTJÓRI Morgunblaðsins gerir arfleifð Reykjavíkurlistans að um-
fjöllunarefni í dæmalausum leiðara á dögunum. Að hans mati er arfleifð-
in fyrst og fremst skítur, drasl og rusl á götum borgarinnar. Arfleifð
Reykjavíkurlistans blasir hvarvetna við borgarbúum og hana er ekki að
finna í rusli á götum borgarinnar. Hana er að finna í dag-
legu lífi hvers eins og einasta Reykvíkings. Reykjavík-
urlistinn einsetti grunnskólana, setti upp mötuneyti og
lyfti grettistaki í málefnum leikskólanna. Reykjavíkurlist-
inn hefur stórbætt þjónustu þeirra sem þurfa félagsleg
úrræði. Árangur Reykjavíkurborgar í jafnréttis- og kven-
frelsismálum er aðdáunarverður og mun verða skráður í
sögubækur framtíðarinnar. Fólki fjölgar stöðugt í Reykja-
vík og árið 2003 var metár í fullgerðu íbúðarhúsnæði í
fermetrum talið og aldrei var hafin smíði á fleiri íbúðum í Reykjavík en
árið 2005. Menningin blómstrar sem aldrei fyrr í Reykjavík. Ferðaþjón-
ustan hefur fengið innspýtingu með stofnun Höfuðborgarstofu. Arfleifð
Reykjavíkurlistans má finna í fjölskylduhátíðum eins og Vetrarhátíð,
Menningarnótt og Hátíð hafsins, auk þess sem stuðningur við sjálfstæðar
hátíðir hefur aldrei verið meiri. Laugardalshöllin er á heimsmælikvarða
og Egilshöllin er lyftistöng fyrir Grafarvogsbúa. Arfleifð Reykjavík-
urlistans er líka að finna í nýsamþykktri og stórmerkilegri mannrétt-
indastefnu og skilvirkara stjórnkerfi sem er sanngjarnt fyrir alla Reyk-
víkinga. Helmingsfækkun nefnda, fjármálastjórnun sem stenst áætlanir,
þjónustumiðstöðvar í hverfum. Arfleifð Reykjavíkurlistans má finna í
þeim stóraukna fjölda útlendinga sem hingað kemur til að njóta þess
sem borgin og íbúar hennar hafa stoltir upp á að bjóða. Þessir sömu út-
lendingar segja nær einum rómi að þeir upplifi Reykjavík sem bæði
ÖRUGGA og HREINA borg. Það er eins gott að þeir hittu ekki á rit-
stjóra Morgunblaðsins, hann er greinilega ekki okkar besta landkynning.
Senn mætir Vinnuskólinn til leiks að snyrta, fegra og hreinsa borgina
eins og mörg undangengin sumur. Það er mín von að þau setji niður
blóm og snyrti beð í borg sem stjórnað er af félagshyggjuöflum og jafn-
aðarmönnum. Samfylkingarfólk í Reykjavík er stolt af arfleifð Reykja-
víkurlistans. Við viljum ótrauð halda áfram að vinna fyrir fólkið í borg-
inni, með sanngirni og hag borgarbúa að leiðarljósi. Það munum við
gera, þrátt fyrir að skítkastið dynji á okkur – úr höfuðstöðvum Morg-
unblaðsins.
Leiðindi í leiðara
Eftir Oddnýju Sturludóttur
Höfundur er tónlistarkona og rithöfundur og
í 5. sæti á lista Samfylkingarinnar í Reykjavík.
GUNNAR Einarsson, bæj-
arstjóri allra Garðbæinga, svarar
grein minni í Morgunblaðinu
mánudaginn 22. maí sl. Gott og
vel, ég viðurkenni að ég átti nú
frekar von á að sjá nafn oddvita
sjálfstæðismanna
undir greininni.
En það er Gunn-
ar sem svarar og sá
málflutningur frá
ungum, fram-
sæknum og vel
menntuðum bæj-
arstjóra veldur mér vonbrigðum.
Hafi Gunnar ætlað sér að svara
því sem ég hef gagnrýnt í þessu
máli; hvers vegna nefnir hann þá
ekki eftirfarandi:
Ákvæðið um útgönguleið bæj-
arins í fyrri samningnum, sem
hann sjálfur fyrir hönd meirihlut-
ans ógilti með því að skrifa undir
viðaukasamninginn?
Eignabreytingarnar innan Klasa
hf. við það að Þorgils Óttar
Mathiesen nýr aðaleigandi tekur
við forstjórastóli?
Ákvæðið sem Gunnar samþykkir
í viðaukasamningnum þar sem
segir að „Garðabæ er gert að lýsa
því yfir, að þrátt fyrir að forstjóri
Klasa hf., Þorgils Óttar Mathie-
sen, hafi eignast 40% hlut í Klasa
hf. að þá muni bærinn ekki nýta
heimildina úr upphaflega samn-
ingnum sem kvað á um útgöngu-
leið?“ Skiptir þetta allt í einu ekki
máli?
Og úr því bæjarstjóri allra
Garðbæinga, Gunnar Einarsson,
ætlar að sýna fram á rangfærslur
mínar; af hverju kemur hann þá
ekki með eftirfarandi:
Raunverulegt verðmætamat á
þeim lóðum sem þarna er rætt um
Hvernig sölu þeirra verði háttað
Hver stefna sjálfstæðismanna sé
varðandi meðhöndlun eigna og
verðmat á lóðum. Hann er jú að
svara fyrir sjálfstæðismenn, því ég
hef aldrei skrifað neitt opinberlega
til Gunnars. Mínum skrifum um
miðbæjarmálið var öllum beint til
sjálfstæðismanna í meirihlutanum.
Getur verið að bæjarstjórinn
fari ekki inn á þessa braut vegna
þess að sjálfstæðismenn hafa í
raun ekki ennþá, eftir allan þenn-
an tíma, sett fram eða sameinast
um sínar áherslur eða ákvarðanir?
Og hann veit vel að bullandi
ágreiningur hefur verið um málið.
Ég get hins vegar sýnt fram á
rangfærslur Gunnars þegar hann
segir að Garðabær þurfi ekki að
greiða sérstaka þóknun ef við nýt-
um tillögur Klasa hf. með öðrum
en Klasa hf. Þetta er rangt og það
veit Gunnar. Í samningnum stend-
ur orðrétt í grein IV um meðferð
undirbúningskostnaðar og verð-
mætasköpunar, lið C: „Komi til
þess að Garðabær gangi til liðs við
aðra um tillögur Klasa hf. skal
Garðabær greiða Klasa hf., auk
kostnaðar skv. lið B) sérstaka
þóknun er nemi 1,3% af áætluðu
verðmæti verkefnisins (áætluðum
heildarkostnaði).“
Heilræði. Gunnar segir: „Í póli-
tík skiptir máli að vera trúverð-
ugur og vanda málflutning sinn.“
Var það ekki Gunnar sem var leið-
réttur opinberlega af „kollega“
sínum, bæjarstjóranum í Reykja-
nesbæ, fyrir að fara ekki rétt með
staðreyndir? Með grein sinni hef-
ur bæjarstjóri allra Garðbæinga
stigið fram með afgerandi hætti
undir formerkjum sjálfstæð-
ismanna, þó svo að hann hafi verið
ráðinn ópólitískt af allri bæj-
arstjórninni, en hann má aldrei
gleyma því, að í embættisverkum
sínum er hann bæjarstjóri allra
Garðbæinga.
Bæjarlistinn er tilbúinn til for-
ystu – X-A.
Bæjarstjóri
allra Garð-
bæinga og
Klasamálið
Eftir Þorgeir Pálsson
Höfundur skipar 4. sæti á lista
Bæjarlistans í Garðabæ.