Morgunblaðið - 27.05.2006, Síða 77

MORGUNBLAÐIÐ LAUGARDAGUR 27. MAÍ 2006 77
DAGBÓK
Haldið verður á mánudag málþing ummenningu og listir í Árnessýslu íMenningarmiðstöðinni Þjórsvárveri.Barbara Guðnadóttir er menning-
arfulltrúi sveitarfélagsins Ölfuss og einn af skipu-
leggjendum málþingsins: „Að málþinginu standa
áhugamenn um menningu og listir og aðilar sem
starfa að menningarmálum í sveitarfélögum Ár-
nessýslu. Málþingið er liður í starfi til að aðstoða
íbúa svæðisins að koma list sinni á framfæri og
færa aukinn kraft í menningarmál á svæðinu.“
„Við viljum auka veg lista og menningar á
Suðurlandi og hyggjumst með þessu framtaki
skapa vettvang fyrir fólk að koma saman, skiptast
á skoðunum og reynslusögum og leita leiða til að
styrkja menningarlíf á svæðinu. Vonumst við til
að á málþinginu myndist vísir að tengslaneti og
jafnvel samstarfsverkefni milli einstaklinga, fyrir-
tækja og menningarstofnana.“
Á málþinginu verður greint frá nokkrum vel
heppnuðum samstarfsverkefnum. Meðal annars
mun Björn Ingi Bjarnason segja frá aðdraganda
starfsemi Lista- og menningarverstöðvar í fisk-
verkunarhúsinu Hólmaröst á Stokkseyri og
Ragnheiður Jónsdóttir greinir frá samstarfi hand-
verksfólks í Handverkshúsinu á Hellu. Júlía
Bjarney Björnsdóttir segir frá efni lokaritgerðar
sinnar í stjórnmálafræði, en ritgerðin ber yfir-
skriftina „Menning borgar sig“.
„Rannsóknir Júlíu Bjarneyar eru að sumu leyti
hvatinn að málþinginu, en hún skrifaði um hvern-
ig nýta má menningu til atvinnuuppbyggingar og
hagsbótar í sveitarfélögum,“ segir Barbara.
Valdimar Össurarson, ferðamálafulltrúi
Austurflóa, heldur erindið „Vagga hugvits og hag-
leiks“ og loks kynna starfsmenn sveitarfélaga þá
þjónustu sem í boði er til menningarstarfa.
„Að loknum erindum verða haldnar málstofur
þar sem málþingsgestir fá að ræða það sem þeim
liggur á hjarta og skiptast á skoðunum við fyrir-
lesarana. Málstofurnar munu m.a. fjalla um tengsl
menningar og ferðaþjónustu, framtíð menningar-
greina í Árnessýslu og möguleika á svæðinu,
kynningar- og markaðssetningarmál og leiðir til
fjármögnunar verkefna,“ segir Barbara. Mál-
þinginu lýkur með umfjöllun um niðurstöður mál-
stofa og segist Barbara vonast til að málþingið efli
samstöðu og virki þá sem starfa að menningar-
málum á svæðinu til frekara samstarfs.
„Mikill uppgangur hefur verið í menningar-
málum á svæðinu og hygg ég að fólk sé í auknum
mæli að átta sig á hvaða hlutverki menning getur
þjónað í uppbyggingu svæðisins, bæði á sviði at-
vinnu og ferðaþjónustu,“ segir Barbara að lokum.
Málþingið er sem fyrr segir 29. maí, kl. 14 til 18
og er aðgangur öllum heimill og ókeypis.
Málþingið er stutt af Landsbankanum og At-
vinnuþróunarfélagi Suðurlands.
Menning | Fjölbreytt málþing í Menningarmiðstöðinni Þjórsárveri á mánudag kl. 14 til 18
Menningarstarf í Árnessýslu

Barbara Guðnadóttir
fæddist 1969 og ólst
upp í Garðabæ. Hún
lauk stúdentsprófi frá
FG 1989, BA í almennri
bókmenntafræði frá HÍ
1992 og MA í saman-
burðarbókmenntafræði
frá Ludwig Maximilians
háskólanum í Þýska-
landi 1997. Barbara
hefur starfað sem leið-
sögumaður, framkvæmdastjóri sumartónleika
í Skálholtskirkju 2001 og verkefnisstjóri hjá
Fornleifastofnun Íslands 2001–04. Barbara
tók við starfi menningarfulltrúa sveitarfé-
lagsins Ölfuss 2004. Barbara er gift Viggó
Dýrfjörð Birgissyni matreiðslumanni og eiga
þau tvo syni.
Örsaga úr umferðinni
ÞÚ keyrðir utan í manninn minn
hjólandi, á þrengdri götu skammt
frá Iðntæknistofnun í Grafarvogi, í
maímánuði 2006. Þú stoppaðir ekki.
Hann hjólaði þig uppi. Var reiður og
þú með kjaft. Hann sagðist vona að
næst þegar þú gerðir þetta yrði það
systir þín eða bróðir sem yrði fyrir
þér. Þú baðst afsökunar. Hann sagði
það ódýrt.
Þér varð líklegast „soldið“ ónota-
lega við? Mér varð líka „soldið“
ónotalega við þegar hann skilaði sér
ekki heim úr hjólaferð fyrir 11 árum.
Þá var hringt í mig frá Slysadeild-
inni. Ég fékk „soldið“ meiri ónota-
tilfinningu þegar tveir hjúkr-
unarfræðingar tóku á móti mér við
komuna þangað. Það hafði verið
keyrt á hann. Hann var hryggbrot-
inn. Hann var „heppinn“. Hann
komst á lappirnar aftur.
Mig langaði bara að segja þér frá
því. Hann á líka tvo litla stráka sem
vita ekki annað en að pabbi skili sér
alltaf heim aftur úr hjólaferðum.
Eiginkonan.
Á móti lausagöngu gæludýra
ÉG vil koma því á framfæri að ég er
á móti því að dýr séu látin ganga
laus við miklar umferðargötur þar
sem það er daglegt brauð að ekið sé
yfir þau. Eins finnst mér að banna
ætti að hafa hunda og ketti lausa í
nágrenni miðborgarinnar, eins og
við Laugaveg, Hverfisgötu og ná-
grenni. Ég er ekki á móti dýrahaldi,
á sjálf 3 kisur, en er á móti því að
þau gangi svona laus.
Dýravinur.
Ofbeldismyndir í sjónvarpi
FÖSTUDAGSKVÖLDIÐ 12. maí sl.
kl. 21.45 var sýnd mjög ógeðsleg of-
beldis- og klámmynd, Koss drekans,
í ríkissjónvarpinu. Hún var sögð
ekki hæfa börnum yngri en 16 ára.
Það vita allir að það er ekki hægt að
koma í veg fyrir að eitthvað af börn-
um og unglingum horfi á þessar
myndir. Nú spyr ég: Hvers vegna er
ekkert eftirlit með því að sjónvarpið
sendi svona mannskemmandi mynd-
ir inn á heimili fólks. Ég trúi því ekki
að nokkur heilbrigð manneskja vilji
horfa á þær. Er ekki nóg af börnum
og unglingum sem eru illa farin and-
lega? Svona myndir hafa slæm áhrif
á fullorðið fólk og enn meiri á börn
og unglinga. Ég vona að fleiri láti í
sér heyra og mótmæli svona sýn-
ingum.
Lára.
Velvakandi
Svarað í síma 5691100 frá 10–12
og 13–15 | velvakandi@mbl.is
Pål Horn.
Norður
♠K1042
♥D632 N/NS
♦2
♣ÁKG4
Vestur Austur
♠73 ♠Á86
♥G10974 ♥K4
♦10963 ♦Á8754
♣52 ♣D63
Suður
♠DG95
♥Á8
♦KDG
♣10987
Svíinn Pål Horn er maðurinn á bak-
við Bikarkeppni Norðurlandanna og
óðalsbóndinn á Rottneros-setrinu.
Sagan er í örstuttu máli þessi: Afi
Horns, Svante Påhlson, gerði það að
hugsjón sinni að skreyta Rottneros-
garðinn með höggmyndum eftir helstu
listamenn Norðurlandanna og breyta
40 hekturum lands í lystigarð. Sagt er
að Rottneros-setrið sé fyrirmynd að
Ekeby í sögu Selmu Lagerlöf, Gösta
Berlins saga, en það er annað mál og
lengra.
Pål Horn er sumsé erfingi Rottn-
eros, en hann er líka bridsspilari og ár-
ið 1985 fékk hann þá hugmynd að efna
til bikarkeppni milli Norðurlandaþjóð-
anna og láta keppnina fara fram á óð-
alssetrinu. Mótið hefur allar götur síð-
an verið haldið á tveggja ára fresti og
var haldið í 11. sinn um síðustu helgi.
Pål er ágætur spilari og komst í
mótsblaðið fyrir handbragð sitt í
spilinu að ofan, en það kom upp í „hlið-
arkeppni“ aðstandenda mótsins (sem
leiddist að horfa bara á). Pål varð sagn-
hafi í fjórum spöðum eftir þessar sagn-
ir:
Vestur Norður Austur Suður
-- 1 lauf 1 tígull 1 spaði
Pass 2 spaðar Pass 4 spaðar
Pass Pass Pass
Út kom tígull, sem austur tók og
skipti yfir í smáan spaða. Pål spilaði
spaða um hæl og austur svaraði með ás
og meiri spaða.
Það má augljóslega ekki svína í lauf-
inu og Pål féll ekki í þá gryfju. Hann
henti tveimur hjörtum niður í KD í
tígli, tók svo ÁK í laufi og sendi austur
inn á drottninguna. Austur varð að
spila hjarta frá kóngnum eða tígli í tvö-
falda eyðu.
„Vel spilað,“ skrifar Ib Lundby í
mótsblaðið, „en dugir þó aðeins til
silfurverðlauna – til að vinna gullið þarf
að henda laufum niður í tígulhjónin og
trompa svo laufið frítt.“
BRIDS
Guðmundur Páll Arnarson | dagbok@mbl.is
1. d4 d5 2. c4 c6 3. Rf3 Rf6 4. Rc3 a6 5.
cxd5 cxd5 6. Bf4 Rc6 7. e3 Bg4 8. Be2
e6 9. 0-0 Bxf3 10. Bxf3 Be7 11. Hc1 0-0
12. Ra4 Rd7 13. e4 Rf6 14. exd5 Rxd5
15. Bxd5 Dxd5 16. Rb6 Dxa2 17. Rxa8
Hxa8 18. Be3 Hd8 19. Dc2 Da5 20. Db3
Dc7 21. Bf4 Dc8 22. Hfd1 Hd5 23. Be3
Dd7 24. h3 h6 25. Kf1 Bd6 26. Kg1 Hb5
27. Dc2 Bb8 28. De2 Hd5 29. Hc5 Hd6
30. Dg4 f5 31. Df3 Ba7 32. Hc4
Staðan kom upp á sterku alþjóðlegu
unglingamóti sem lauk fyrir skömmu í
Kirishi í Rússlandi. Heimamaðurinn
Ivan Popov (2.482) hafði svart gegn
Aleksandr Volodin (2.352) frá Eist-
landi. 32. … Re5! 33. dxe5 Hxd1+ 34.
Kh2 Bxe3 35. Dxe3 Kh7 svartur hefur
nú peði meira og virkari liðsafla. Taflið
er því unnið og varð framhaldið eft-
irfarandi: 36. Df3 Hd2 37. Dc3 Hd3 38.
Da5 b5 39. Hc2 Dd4 40. De1 Hd1 41.
De2 Df4+ 42. g3 Dd4 43. Df3 Hb1 44.
Hc6 Dxe5 45. Hxa6 De1 46. h4 Dg1+
47. Kh3 Hxb2 48. Dg2 De1 og hvítur
gafst upp.
SKÁK
Helgi Áss Grétarsson | dagbok@mbl.is
Svartur á leik.
TANNRÉTTINGAR
- Nýr valkostur
Þórir Schiöth tannréttingatannlæknir hefur
hafið störf á tannlæknastofunni
Garðatorgi 7, 210 Garðabæ.
Fyrsti skoðunartími kostar aðeins kr. 5.100
og má panta í síma 565 9020.
Eden -
Hveragerði
Bjarni Jónsson listmálari hefur opnað sína árlegu
málverkasýningu í Eden,
22. maí til 5. júní.
Hvaðan komu
landnámsmenn?
Sýningin er opin
alla daga frá 10–17
Aðalstræti 16
101 Reykjavík
www.reykjavik871.is
30-80%
afsláttur
af vönduðum
dömufatnaði í
Rauðagerði 26
í dag,
laugardag,
kl. 10 -18
Rauðagerði 26, sími 588 1259
Útsala Útsala
Vor - Sumar 2006
Eldri vörur seldar með miklum afslætti
Verið velkomin