Morgunblaðið - 17.09.2006, Síða 4

4 SUNNUDAGUR 17. SEPTEMBER 2006 MORGUNBLAÐIÐ
FRÉTTIR
GÖNGUR og réttir standa nú sem
hæst. Réttað var í Hrunarétt á
föstudag og í Skaftholtsréttum og í
Skeiðaréttum í gær, laugardag.
Safn Hrunamanna var um fjögur
þúsund að þessu sinni og tók smala-
mennskan viku. Farið er upp undir
Hofsjökul og var dimmviðri, þoka
og vætusamt framan af smala-
mennskunni en gekk mun betur er
á leið. Alls var í göngunum hálfur
fjórði tugur manna, 32 smalar og 3
með trúss.
Réttað er víða um land nú um
helgina, frá föstudegi og allt til
þriðjudags. Til að mynda verða all-
ar réttir í hinu forna Landnámi Ing-
ólfs um þessa helgi. Fimm réttir eru
þannig í dag sunnudag og tvennar á
morgun mánudag.
Síðustu réttirnar verða svo um
næstu helgi.
Morgunblaðið/Sigurður Sigmundsson
Göngur. Safn Hrunamanna kemur af fjalli. Það er um fjögur þúsund talsins að þessu sinni.
Fjárréttir um allt land um helgina
Veturgamalt. Haraldur Sveinsson á Hrafnkelsstöðum heimti tvo veturgamla hrúta sem höfðu gengið úti í vetur.
Í HNOTSKURN
»Sauðfé sem rekið er á fjallhefur fækkað jafnt og þétt
síðustu ár og eru réttir víða
ekki svipur hjá sjón.
STEFÁN Bogi
Sveinsson hefur
ákveðið að draga
framboð sitt til
formanns Sam-
bands ungra
framsóknar-
manna til baka
en formannskjör-
ið hefði átt að
fara fram á þingi
SUF í dag. Tveir
voru í framboði, Stefán og sitjandi
formaður, Jakob Hrafnsson.
Stefán segir margar ástæður
fyrir ákvörðun sinni en helst hafi
það verið samtal milli þeirra Jak-
obs. „Við ræddum um hvað okkur
bar á milli í þessu og það kom í ljós
að meiri grundvöllur var fyrir sam-
vinnu okkar en ég hafði í upphafi
ætlað,“ segir Stefán sem telur það
jafnvel ekki heillavænlegt að fara á
móti sitjandi formanni í byrjun
kosningavetrar. „Það er dálítið mál
að koma sitjandi formanni frá og
það kostar átök. Við mátum það
þannig að betra væri að spara
kraftana fram að þingkosningum.“
Stefán hyggst setjast í stjórn
sambandsins fái hann umboð til
þess þar sem hann mun vinna náið
með Jakobi að uppbyggingu sam-
bandsins og þeim verkefnum sem
bíða í vetur. Þingi SUF lýkur í
dag.
Dregur
framboð
sitt til baka
Stefán Bogi
Sveinsson
SAUTJÁN ára piltur sem lenti í
bílslysi skammt frá Flúðum aðfara-
nótt fimmtudags liggur enn þungt
haldinn á gjörgæsludeild Land-
spítala – háskólasjúkrahúss í Foss-
vogi. Pilturinn hlaut mikla höfuð-
áverka í slysinu og er haldið sofandi
í öndunarvél.
Samkvæmt upplýsingum frá lög-
reglu beinist rannsókn á slysinu
helst að hraðakstri en pilturinn var
ekki í bílbelti þegar slysið átti sér
stað. Talið er að hann hafi ekið bif-
reiðinni út á vegöxl, síðan reynt að
beygja aftur inn á veginn með þeim
afleiðingum að hann missti stjórn á
bifreiðinni sem hafnaði utan vegar
og valt. Hann hafði aðeins verið
með ökuréttindi í u.þ.b. einn mán-
uð.
Tveir farþegar sem voru í bifreið-
inni voru í bílbeltum og sluppu með
minniháttar meiðsli.
Enn haldið
sofandi í
öndunarvél
BENSÍNVERÐ hefur verið á
hraðri niðurleið undanfarnar vikur
frá því að það náði hámarki um
miðjan júlímánuð í ár. Var lítraverð
á 95 oktana bensíni, með þjónustu,
þá komið vel yfir 135 krónur en
hefur síðan þá lækkað, eins og áður
segir. Á föstudag tilkynnti Olíufé-
lagið Esso um fjögurra krónu lækk-
un á bensínverði og tveggja krónu
lækkun á verði dísilolíu. Þá lækkaði
Atlantsolía verð sitt á bensíni sam-
anlagt um fimm krónur í röð hækk-
ana og verð á dísilolíu um tvær
krónur. Er verð á 95 oktana bensíni
þar með komið í um 124 krónur hjá
Esso, og er svipaða sögu að segja
hjá Skeljungi og Olís. Bensínverð í
sjálfsafgreiðslu er hjá olíufélögun-
um þremur komið undir 120 krón-
ur, en er tæpar 118 krónur hjá Atl-
antsolíu. Hefur verð á
bensínlítranum ekki verið lægra hjá
Esso frá því í mars á þessu ári.
Heimsmarkaðsverð á olíu hefur
verið á hraðri niðurleið undanfarn-
ar vikur og er það meginástæða
lækkanana hér á landi. Hefur verð
á Brent Norðursjávarolíu lækkað
úr rúmum 78 bandaríkjadölum hinn
10. ágúst í rúma 62 dali nú. Skýr-
ingarinnar er helst að leita í minnk-
andi eftirspurn hjá almenningi nú
þegar sumarleyfistíminn er að
mestu yfirstaðinn. Þá hafa áhyggj-
ur af ástandinu fyrir botni Miðjarð-
arhafs minnkað og hiksti í olíu-
framleiðslu BP í Alaska er
yfirstaðinn.
Þrátt fyrir lækkanir undanfar-
inna vikna er enn nokkuð í að bens-
ínverð jafnist á við það sem það var
um síðustu áramót, en þá var verð
bensínlítrans, með þjónustu, rúmar
110 krónur.
Bensínverð fer ört lækkandi








 

    






 



 




 

 



 



 

Fór hæst vel yfir 135 krónur lítrinn í júlímánuði
HÓPUR grænlenskra skólabarna
hefur dvalið hér á landi í tvær vikur
til að læra að synda.
Börnin eru 11 ára og koma frá
fimm litlum bæjum í Ammassalik-
héraði, en mörg þeirra eru að fara
frá Grænlandi í fyrsta sinn.
Kópavogsbær, skákfélagið Hrók-
urinn og Kalak – vinafélag Íslands
og Grænlands standa að komu
barnanna hingað til lands með
stuðningi Flugfélags Íslands og
fleiri aðila.
Á myndinni má sjá þegar börnin
kvöddu vini sína í Hjallaskóla og
Smáraskóla á föstudag.
Morgunblaðið/Eyþór
Farin og flugsynd
♦♦♦