Morgunblaðið - 17.09.2006, Síða 6

6 SUNNUDAGUR 17. SEPTEMBER 2006 MORGUNBLAÐIÐ
FRÉTTIR
SKIPULAGSSTOFNUN hefur
auglýst tillögu að breyttu deiliskipu-
lagi Ármúlareits, sem afmarkast af
Lágmúla, Háaleitisbraut, Ármúla og
Hallarmúla, en um er að ræða lóð á
Ármúla 1 sem er í eigu fasteigna-
þróunarfélagsins Immobilia. Að
sögn Árna Sigurðssonar, fram-
kvæmdastjóra Immobilia, var félag-
ið stofnað fyrir rúmu ári í þeim til-
gangi að kaupa fasteignina Ármúla 1
með það fyrir augum að fjarlægja
húsið sem þar stendur og undirbúa
byggingu skrifstofuhúsnæðis í
hæsta gæðaflokki á lóðinni.
Aðspurður segir Árni alltaf eftir-
spurn eftir góðu skrifstofuhúsnæði
og tekur fram að staðsetningin við
Ármúla sé afar góð og eftirsótt eftir
því. „En fyrst og fremst er þetta af-
bragðshönnun. Þetta hús verður í
sérflokki hvað varðar glæsileik í út-
liti og notagildi,“ segir Árni og tekur
fram að gangi allt eftir geti fram-
kvæmdir hafist snemma á næsta ári.
Byggingarmagn á lóðinni færi
úr 4.300 m² í 7.200 m²
Aðspurður segir hann fyrir liggja
frumteikningar að átta til níu hæða
byggingu með bílageymslu á fjórum
hæðum neðanjarðar, þar sem pláss
væri fyrir 206 bíla. Bendir hann á að
níunda hæðin nái yfir hálfan grunn-
flöt áttundu hæðarinnar, en á hinum
helmingi hæðarinnar er ráðgert að
vera með útigarð sem er opinn til
vesturs og verður að hluta til í skjóli.
Samkvæmt upplýsingum frá Árna
er núverandi lóðarstærð 3.242 fer-
metrar. Núverandi byggingarmagn
á umræddri lóð er rúmlega 4.300
fermetrar, en ráðgert er að bygging-
armagn fyrir utan bílageymslu verði
tæplega 7.200 fermetrar. Það þýðir
að nýtingarhlutfall lóðarinnar verð-
ur fyrir utan bílageymslu 2,22 en
3,19 með bílageymslu. Núverandi
leyft byggingarhlutfall er 1,3.
Að sögn Árna er tillagan unnin í
samvinnu við tvö alþjóðleg hönn-
unarfyrirtæki og eitt innlent. Þannig
sá bandaríska fyrirtækið OWP/P um
vinnslu frumteikninga vegna skipu-
lagstillögunnar í samvinnu við Úti
Inni arkitekta í Reykjavík. OWP/ P
hefur haft samráð við alþjóðlega
verkfræðifyrirtækið ARUP vegna
verkfræðiþátta verkefnisins. Ráð-
gert er að OWP/P taki að sér yfir-
umsjón allra hönnunarþátta bygg-
ingarinnar og verði áfram í sam-
vinnu við ARUP og íslenska aðila.
Ný frárein á gatnamótum
Ármúla og Háaleitisbrautar
Því er við að bæta að í tillögum
Immobilia er gert ráð fyrir að hluti
lóðarinnar fari undir frárein á gatna-
mótum Ármúla og Háaleitisbrautar.
„Við buðum Reykjavíkurborg sneið
úr lóðinni undir frárein til þess að
greiða fyrir þeirri umferð sem fer
um gatnamótin, en við núverandi að-
stæður skapast oft mikil þrengsli
eða stíflur á háannatímum.“
Þess má að lokum geta að tillög-
urnar um breytt deiliskipulag má
nálgast á byggingarsviði Reykjavík-
urborgar í Borgartúni eða á heima-
síðu sviðsins (www.skipbygg.is).
Ábendingum og athugasemdum við
tillögurnar skal skila eigi síðar en 23.
október nk.
Immobilia undirbýr byggingu níu hæða skrifstofuhúsnæðis við Ármúla
„Hús
í sér-
flokki“
Eftir Um er að ræða níu hæða skrifstofubyggingu, með bílageymslu á fjórum hæðum neðanjarðar sem rúmar 206
bíla. Á hálfri efstu hæðinni er gert ráð fyrir útigarði sem verði opinn til vesturs og að hluta til í skjóli.
Morgunblaðið/ÞÖK
Fyrir Samkvæmt tillögu að breyttu deiliskipulagi við Ármúla 1 verður nú-
verandi bygging þar rifin og í stað þess reist níu hæða glerhýsi.
Eftir Silju Björk Huldudóttur
silja@mbl.is
Rannsóknarmiðstöð Íslands (Rann-
ís) stendur fyrir vísindavöku á föstu-
daginn kemur, 22. september, en sá
dagur er tileinkaður vísindamönnum
og er haldinn hátíðlegur í öllum
helstu borgum Evrópu. Að auki
verða haldin svonefnd vísindakaffi
frá mánudegi til fimmtudags, þar
sem vísindamenn fjalla um rann-
sóknir sínar með alþýðlegum hætti
og kynntar verða niðurstöður úr
tveimur samkeppnum sem Rannís
hefur efnt til meðal grunn- og fram-
haldsskólanema og fleira.
Markmiðið með vísindavökunni er
að kynna almenningi vísindafólkið
sjálft á bakvið rannsóknirnar og
verk þess og draga fram mikilvægi
rannsókna og þróunar í nútímasam-
félagi, að því er fram kemur í frétt af
þessu tilefni, og beina sjónum ungs
fólks að þeim möguleikum sem liggja
í starfsframa í vísindum.
Á vísindavökunni verða um fimm-
tíu rannsóknarverkefni háskóla,
stofnana og fyrirtækja kynnt í opnu
húsi í Listasafni Reykjavíkur, Hafn-
arhúsinu á föstudaginn frá 18–21.
Gestir fá að skoða ýmis tæki og tól
sem notuð eru við rannsóknirnar,
ræða við vísindamennina um starfið
og skoða hinar ýmsu niðurstöður
sem rannsóknirnar hafa leitt af sér.
Meðal stofnana og verkefna sem
verða til sýnis á föstudaginn kemur
má nefna rannsóknir Hafrannsókna-
stofnunar á fiskkvörnum, rannsókn-
ir félagsvísindadeilda HÍ í sál- og
mann/þjóðfræði, Hreinherbergis HÍ
á nanótækni o.fl., gervigreindarset-
urs Háskólans í Reykjavík á gervi-
greind, örflögutækni í rannsóknum á
krabbameini frá Krabbameinsfélag-
inu, lífshætti laxa og silunga frá Lax-
fiskum ehf., svefnrannsóknir á LSH
og fleira.
Vísindakaffið verður haldið öll
kvöld í vikunni fram til vísindavök-
unnar á í Hafnarhúsinu frá 20–21.30.
Annað kvöld, mánudagskvöld, fjalla
Gísli Pálsson og Níels Einarsson sér-
fræðingar um mannvist á norður-
slóðum.
Vísindavaka og
vísindakaffi á
vegum Rannís
Í HNOTSKURN
»„Má bjóða þér sjálflýsandisvín?“ fjallað um erfðabreytt
matvæli á miðvikudagskvöld.
»„Pálmatré við Jökulsárlón?“fjallað um hnattrænar breyt-
ingar og áhrif þeirra á Ísland.
»Niðurstöður samkeppnigrunn- og framhaldsskóla-
nema um „Vísindamanninn
minn“ og „Andlit vísindamanns-
ins“ kynntar.
LÖGREGLUNNI í Reykjavík var
tilkynnt um ferðir tveggja manna
sem vopnaðir voru haglabyssu í
Efra-Breiðholti á þriðja tímanum
aðfaranótt laugardags. Samkvæmt
upplýsingum frá lögreglu munu
mennirnir hafa hleypt af einu skoti
í íbúðarhverfinu en byssunni var þá
beint að jörðinni.
Sérsveit ríkislögreglustjóra var
kölluð út til að hafa uppi á mönn-
unum og fundust þeir í Elliðaár-
dalnum. Tveir menn úr sérsveit lög-
reglu lentu í átökum við annan
mannanna en hann hlýddi engum
fyrirmælum lögreglu. Var hann
yfirbugaður af sérsveitarmönnum
eftir nokkur átök. Félagi hans gafst
hins vegar upp án erfiðleika. Báðir
voru mennirnir færðir í fanga-
geymslur lögreglu þar sem þeir
fengu að gista yfir nótt og voru þeir
yfirheyrðir í gærdag.
Ekki liggur enn ljóst fyrir hvað
mennirnir ætluðu sér með vopnið.
Vopnaður maður
yfirbugaður í
Breiðholti
HÉRAÐSDÓMUR Norðurlands
eystra hefur dæmt tvo menn á þrí-
tugsaldri til refsingar fyrir brot á
fíkniefnalöggjöfinni. Var þeim gefið
að sök að hafa samtals í vörslum sín-
um rúm 45 grömm af hassi og 5,32
grömm af tóbaksblönduðu hassi.
Lögregla fann hassið í bifreið þegar
akstur félaganna var stöðvaður í júlí
sl. og á heimili annars þeirra.
Mennirnir játuðu brot sín en sögð-
ust hafa átt mismikið af fíkniefn-
unum. Sá er meira átti hafði að auki
nokkuð langan sakarferil að baki,
m.a. fjölmörg fíkniefnabrot og hlaut
hann 30 daga fangelsisvist. Sá er
minna átti af hassinu fékk hins veg-
ar aðeins 90 þúsund króna sekt.
Engan sakarkostnað leiddi af mál-
inu.
Freyr Ófeigsson dómstjóri kvað
upp dóminn.
Dæmdir fyrir
fíkniefnabrot
ÞINGKOSNINGARi fara fram í Sví-
þjóð í dag og bendir allt til þess að
þær verði mjög spennandi, en mjótt
hefur verið á
munum með
stjórn og stjórn-
arandstöðu í
skoðanakönn-
unum. Í tilefni
þingkosninganna
verður haldin
kosningavaka
hjá Norræna fé-
laginu, Óðins-
götu 7, en samstarfsaðilar Norræna
félagsins eru Sænska félagið og
sendiráð Svíþjóðar. Kosningavakan
stendur frá klukkan 18 til 23.30 og í
tilkynningu eru allir sagðir vel-
komnir á meðan húsrúm leyfir.
Sænsk kosninga-
vaka í kvöld
Göran Persson
MIKILL erill var hjá lögreglunni í
Reykjavík aðfaranótt laugardags
og að sögn varðstjóra óvenjumikið
um útköll vegna slagsmála. Hóp-
slagsmál brutust m.a. út í Hraunbæ
í Árbæ þar sem ungmenni voru með
skemmtanahald. Munu um tuttugu
aðkomumenn hafa komið þar við
þar sem einn þeirra taldi sig eiga
eitthvað sökótt við ungmenni í gleð-
skapnum. Leiddi það til slagsmála
og voru tveir aðkomumannanna
teknir höndum og fengu þeir að
gista fangageymslur lögreglu.
Voru þeir yfirheyrðir í gærmorgun
en sleppt í kjölfarið.
Ekki þurfti að flytja neinn á
slysavarðstofu vegna slagsmálanna
en nokkrir munu þó hafa fengið
högg og spörk í andlit.
Óvenjumikið var
um slagsmál
„ÉG hef aldrei orðið eins kjaftstopp
í símann eins og þegar hringt var í
mig og þetta tilkynnt, ég átti ekki
von á þessu,“ segir Guðrún Ásta
Halldórsdóttir, en hún var fyrr í
vikunni dregin úr verðlaunapotti í
afleysingakapphlaupi blaðbera.
Guðrún Ásta bar mest út fjögur
hverfi á einum degi í afleysinga-
kapphlaupinu, en hún vann ferð
fyrir tvo til Barcelona. Hún hyggst
sækja borgina heim næsta sumar
og bjóða móður sinni með. „Ég ætla
að gefa henni ferðina í sextugs-
afmælisgjöf,“ segir Guðrún Ásta.
Hún hefur starfað um nokkurt
skeið sem blaðberi hjá Morg-
unblaðinu og ber venjulega út blöð í
tvö hverfi í Hólunum í Breiðholti.
Guðrún Ásta segist kunna vel við
starfið enda fái hún góða hreyfingu
út úr því.
Það var Gestur Hreinsson sem af-
henti Guðrúnu Ástu verðlaunin.
Með henni var bróðurdóttir hennar,
Elísabet Drífa.
Morgunblaðið/Brynjar Gauti
Mamma fær ferðina í
sextugsafmælisgjöf