Morgunblaðið - 25.11.2006, Qupperneq 6

GEIR H. Haarde, forsætisráðherra sat í gær
leiðtogafund aðildarríkja hinnar Norðlægu víddar
(Northern Dimension) í Helsinki í Finnlandi.
Þar voru ríkisstjórnaroddvitar þríeykis Evr-
ópusambandsins, Rússlands, Íslands og Noregs,
en Norðlæga víddin er samstarfsvettvangur þess-
ara ríkja. „Þarna var verið að formgera ákveðinn
samstarfsvettvang landanna og var samþykkt
skjal þess efnis. Markmiðið er að stuðla að sjálf-
bærri þróun, stöðugleika og velsæld á þessu
svæði í Evrópu. Það var samþykkt pólitísk yf-
irlýsing um málið og svo var jafnframt samþykkt
ný rammaáætlun um framkvæmdina,“ segir Geir.
Áhugamál finnskra stjórnvalda
Hann segir að Finnar hafi verið með þetta mál
á oddinum hjá sér allt frá árinu 1997 og þeir hafi
fylgt því eftir. „Nú er þetta loksins orðið formleg
staðreynd milli þessara aðila og við fögnum því,“
sagði Geir.
Nú muni meðal annars gefast tækifæri til þess
að kanna möguleika á samstarfi í orkumálum og
fleiri þáttum þar sem Íslendingar geti bæði lagt
sitt af mörkum og notið góðs af því sem aðrir eru
að gera.
Vladimír Pútín, forseti Rússlands, var meðal
þeirra sem sátu fundinn. Á sameiginlegum blaða-
mannafundi eftir fundinn var Pútín, að sögn
Geirs, mikið spurður um ýmis vandamál dagsins í
dag, svo sem um samskipti Rússlands og Pól-
lands.
Stuðlað að sjálfbærri þróun
Geir H. Haarde forsætis-
ráðherra sat leiðtoga-
fund Norðlægrar víddar
Reuters
Samstarf Geir H. Haarde forsætisráðherra á fundinum í gær ásamt þeim Jens Stoltenberg, forsætis-
ráðherra Noregs, Vladímír Pútín, forseta Rússlands, og Matti Vanhanen, forsætisráðherra Finnlands.
6 LAUGARDAGUR 25. NÓVEMBER 2006 MORGUNBLAÐIÐ
FRÉTTIR
edda.is
Hannes Pétursson
„Þetta eru stórtíðindi ...
Hannes er eitt albesta
skáld sem ort hefur á
íslensku, sama hvaða tíma
við tiltækjum.“
Silja Aðalsteinsdóttir, Mbl.
„Hannes er meðal fárra
skálda sem hafa innri
kraft til þess að vera alltaf
ung og alltaf frumleg í
ljóðum sínum.“
Halldór Blöndal, Mbl.
„Mikil tíðindi.“
Sjón, Mbl.
Metsölulisti Mbl.
24. nóv.
1.
LJÓÐ
Eftir Elvu Björk Sverrisdóttur
elva@mbl.is
MENGUNARSKÝ huldi hluta Snæ-
fellsjökuls í gær þegar horft var í átt
til hans frá Reykjavík. Að sögn
Helgu Ívarsdóttur, veðurfræðings
hjá Veðurstofu Íslands, er ástæða
þess að skýið myndaðist sú að hita-
hvarf var yfir borginni í gær og hæg-
ur vindur. Við slíkar aðstæður sjáist
vel mengunin sem er yfir borginni.
Sagði Helga að spáð væri að heldur
ákveðnari vindur yrði í dag, laugar-
dag, og því mætti búast við að drægi
úr menguninni.
Þeir sem eru viðkvæmir haldi
sig fjarri fjölförnum götum
Umhverfissvið Reykjavíkur mælir
loftgæði í borginni og sagði Lúðvík
Gústafsson, deildarstjóri mengunar-
varnasviðsins, í samtali við Morgun-
blaðið í gær, að gildin á svifryki
hefðu verið há, en þau mældust yfir
heilsuverndarmörkum. Umhverfis-
svið vakti í gær athygli á því að
hyggilegt væri fyrir fólk með við-
kvæm öndunarfæri að halda sig
fjarri fjölförnum umferðargötum, en
svifryk er fínasta gerð rykagna sem
eiga greiða leið í öndunarfærin.
Lúðvík segir að dagana 24. og 25.
nóvember í fyrra hafi mengunarský
lagst yfir borgina og þá hafi gildi
svifryks farið upp í 700 míkrógrömm
á rúmmetra. Í gær voru þessi gildi
um 250 míkrógrömm og ljóst að
þarna munar nokkru. „Ef þetta veð-
ur héldist í um sólarhring myndu
gildin hækka,“ sagði hann og bætti
við að veðurspá benti þó ekki til þess
að svo yrði.
Hlutfall nagladekkja enn
ekki orðið mjög hátt
Lúðvík segir að tölur frá því í síð-
ustu viku um notkun nagladekkja
sýni að hlutfall þeirra sé enn ekki
orðið mjög hátt, eða um 30%.
Venjulega sé þó hámarki í notkun
dekkjanna ekki náð fyrr en í desem-
ber eða janúar. „Við rekumáróður
gegn nagladekkjum í þéttbýli.
Kannski hefur það borið árangur,“
segir Lúðvík og vísar til þess að
mengunartölurnar eru lægri núna en
á sama tíma í fyrra. Hins vegar megi
líta til þess að í fyrra hafi engin snjó-
hula verið yfir borginni líkt og nú sé
og það kunni líka að hafa sitt að
segja.
Mengunarský yfir borginni
byrgði sýn til Snæfellsjökuls
Svifryk mældist
yfir heilsuvernd-
armörkum
Morgunblaðið/Ómar
Mengun Sjá mátti gulleitt ský í höfuðborginni í gær vegna mengunar.
MEIRIHLUTI
efnahags- og við-
skiptanefndar Al-
þingis lagði í gær
til að svonefnt lág-
mark eignavið-
miðunar að frá-
dregnum skuldum
í vaxtabótakerf-
inu, sem ræður
skerðingu bót-
anna, verði hækk-
að afturvirkt um 30%. Í frumvarpi
ríkisstjórnarinnar var hins vegar lagt
til að viðmiðið yrði 25%.
ASÍ hefur gagnrýnt frumvarpið
harðlega og segir Grétar Þorsteins-
son, forseti ASÍ, það valda miklum
vonbrigðum hversu litlar breytingar
nefndin leggur til að gerðar verði á
frumvarpinu. Fari það óbreytt í gegn-
um Alþingi sé um að ræða vanefndir
ríkisstjórnarinnar á því sem lofað var.
Grétar segir að hækkun eignavið-
miðsins úr 25 í 30% sé bitamunur en
ekki fjár því enn vanti mikið upp á.
Frumvarpið á rætur að rekja til yf-
irlýsingar ríkisstjórnarinnar frá 22.
júní sl. í tengslum við áframhaldandi
gildi kjarasamninga. Þar lýsti ríkis-
stjórnin sig reiðubúna til að endur-
skoða ákvæði laga um vaxtabætur ef í
ljós kæmi við niðurstöðu ákvörðunar
vaxtabóta að hækkun fasteignaverðs
2005 hefði leitt til marktækrar skerð-
ingar á vaxtabótum.
Snertir þúsundir einstaklinga
Grétar segir þetta mál varða mik-
inn fjölda fólks, þúsundir einstaklinga
fái verulega minni vaxtabætur fyrir
vikið eða missi þær að öllu leyti.
„Þetta fólk hefur gengið út frá því í
sínum áætlunum að það fengi svipað-
ar vaxtabætur og á liðnum árum en
nú verða alger þáttaskil.“ Grétar seg-
ir þessa niðurstöðu ekki auka á trú-
verðugleikann í samskiptum við
stjórnvöld.
ASÍ sakar ríkisstjórn um
vanefndir á gefnu loforði
Grétar
Þorsteinsson
Í HNOTSKURN
»ASÍ segir niðurstöðunaekki koma til móts við
vanda þúsunda einstaklinga
sem fái skertar eða engar
vaxtabætur.
» Í greinargerð þingnefndarsegir að ASÍ hafi viljað
hækka eignamörkin um 80%
sem þýði að hjón með 17 millj-
óna nettóeign ættu rétt á
vaxtabótum.
»Vaxtabætur hjóna byrja aðskerðast þegar nettóeign
fer yfir 7,7 milljónir og falla
niður við 12 millj. skv. frum-
varpinu.
SÝNI úr haferninum Sigurerni og
tveimur fálkum í Húsdýragarðinum
reyndust ekki bera nein merki um
smit af fuglaflensuveiru. Gefið verð-
ur grænt ljós á að sleppa erninum, að
sögn Halldórs Runólfssonar yfir-
dýralæknis.
Niðurstöður bárust frá Svíþjóð í
gær og reyndust öll sýni úr fuglum í
Húsdýragarðinum neikvæð, að sögn
Halldórs. „Það þýðir að það eru eng-
in merki um veiru í sýnum úr þess-
um erni, fálkunum tveimur og þess-
um fuglum sem var fargað.“ Halldór
sagði því ljóst að veiran, sem olli því
að mótefni mældist í nokkrum fugl-
um, væri eldri saga.
Ætlunin var að sleppa Sigurerni í
gærmorgun. Í þann mund sem verið
var að fanga fuglinn í Húsdýragarð-
inum til að gefa honum frelsi bárust
fyrirmæli frá yfirdýralækni um að
fuglinum yrði ekki sleppt að sinni.
Ástæðan var sú að niðurstöður úr
rannsókn á sýnum sem tekin voru úr
fuglum í garðinum höfðu þá ekki
borist.
Sigurörn
fær frelsið
Frjáls Sigurerni verður sleppt.
Sýni báru engin
merki um smit
LÖGREGLAN á Blönduósi stöðvaði
för rúmlega þrítugs ökumanns í gær
þar sem hann ók á 121 km hraða í
gegnum Húnavatnssýslur. Hann var
á vegum íþróttafélags á Akureyri
með sjö táningsstúlkur í bílnum hjá
sér en þær voru á leið á íþróttamót
sunnan heiða. Lögreglan hafði strax
samband við formann íþróttafélags-
ins og verður háttsemi ökumannsins
tekin fyrir innan félagsins. Lögregl-
an á Blönduósi telur lögbrot manns-
ins vítavert, sérstaklega í ljósi þess
að með honum voru börn sem honum
var falið að bera ábyrgð á.
Með sjö börn
í bílnum á of
miklum hraða
♦♦♦