Morgunblaðið - 25.11.2006, Blaðsíða 14

14 LAUGARDAGUR 25. NÓVEMBER 2006 MORGUNBLAÐIÐ
FRÉTTIR
SLÖKKVILIÐS- og sjúkraflutn-
ingamenn njóta gífurlega mikils
trausts almennings samkvæmt nýrri
Gallup-könnun og fær stéttin ein-
kunnina 4,7 af 5 mögulegum. Rann-
sakendur hjá Gallup hafa ekki séð
aðra eins einkunn í sambærilegum
könnunum. Könnunin leiðir í ljós að
99% svarenda bera mikið traust til
stéttarinnar.
Í könnuninni voru eldvarnir í
heimahúsum einnig kannaðar og
kom í ljós að eldvarnir eru hins veg-
ar alls ekki í nægilega góðu lagi á
mörgum heimilum. Þannig vantar
talsvert upp á að nægilega margir
séu með reykskynjara, eldvarna-
teppi og slökkvitæki. Allt of fáir eða
17% segjast þá hafa gert neyð-
aráætlun fyrir heimilið. Reykskynj-
ara vantar á 6% heimila að meðaltali
en verst er ástandið á höfuðborg-
arsvæðinu, eða 8,4%. Um þriðjungur
fólks hefur reykskynjara og um 42%
segjast hafa allt þrennt, þ.e. reyk-
skynjara, slökkvitæki og eldvarna-
teppi. Rúm 3% hafa ekkert af þess-
um öryggistækjum. Fólk í sambúð
og með börn er líklegast til að vera
með þessi tæki á heimilum sínum og
þá kom einnig í ljós að í dreifbýli
hugsar fólk meira fyrir örygginu en í
þéttbýlinu. Telur Gallup skýringuna
e.t.v. felast í því að fólk geri meiri
ráðstafanir ef langt er í slökkvilið.
Þegar spurt var hvort kviknað hefði
í á heimilinu síðustu 10 árin, svöruðu
12,5% játandi.
Könnunin var gerð fyrir Lands-
samband slökkviliðs- og sjúkraflutn-
ingamanna og Brunamálastofnun. Í
úrtakinu voru 1.261 á aldrinum 16–
75 ára og var svarhlutfall 63,6%.
Jón Viðar Matthíasson, slökkvi-
liðsstjóri SHS, segir það engan áfell-
isdóm yfir SHS þótt eldvarnir séu
lakastar á starfssvæði síns liðs. „Við
viljum hvetja fólk til að gera betur,“
sagði hann. „Við höfum skynjað að
við höfum ekki náð til fjöldans og
þurfum að beita nýjum leiðum til
þess.“ Í því skyni eru í nýjasta tölu-
blaði Slökkviliðsmannsins eldvarna-
leiðbeiningar handa fólki á átta
tungumálum. Ljóst er að talsverð
brögð eru að því meðal útlendinga
að þeir búi í húsnæði með lélegum
eldvörnum.
Vernharð Guðnason, formaður
LSS, sagði það óviðunandi að sum
heimili væri án eldvarna og slökkvi-
liðsmenn yrðu ekki ánægðir fyrr en
hvert einasta heimili yrði búið slík-
um öryggistækjum.
„En traust landsmanna til okkar
er eftirtektarvert og við erum mjög
þakklátir fyrir það. Verkefnið er að
halda þessu trausti,“ sagði hann.
Í könnuninni sagðist rúmlega
helmingur eða þeirra nánustu hafa
þurft á þjónustu slökkviliðs- og
sjúkraflutningamanna að halda und-
anfarin ár og 98% sögðust ánægð
með þjónustuna.
Eldvarnaátak LSS hófst á mið-
vikudag og eru slökkviliðsmenn
byrjaðir að heimsækja grunnskóla
og fræða heimilin um eldvarnir.
Eldvarnaátak að hefjast og sjónum nú sérstaklega beint að heimilum innflytjenda
Morgunblaðið/Ásdís
Átak Vernharð Guðnason, Björn Karlsson og Jón Viðar Matthíasson.
Eldvörnum
ábótavant á
heimilum
Almenningur er ekki með eldvarnir í nægilega
góðu lagi en ber á sama tíma gífurlega mikið
traust til slökkviliðsmanna. Ástandið er betra í
dreifbýli en versnar á höfuðborgarsvæðinu.
Í HNOTSKURN
»Í könnun Gallup kom íljós að 22% fólks eru með
reykskynjara heima hjá sér
og 18% með bæði reykskynj-
ara og slökkvitæki. Þá voru
tæp 12% með eldvarnateppi
og reykskynjara. Um 42%
voru með þetta allt þrennt en
3% eru með ekkert af þessu.
»Það hefur kviknað íheima hjá ríflega tíunda
hverjum landsmanni und-
anfarin tíu ár en langflestir,
eða 83%, hafa ekki gert neyð-
aráætlun heima hjá sér ef eld
ber að höndum. Sama hlutfall
telur eldvarnaátak slökkvi-
liðsmanna fyrir hver jól mik-
ilvægt. Þá skiptir um 41%
reglulega um rafhlöður í
reykskynjaranum. orsi@mbl.is
FJÖLMENNUR hópur frá Geðhjálp
og Fjölmennt afhenti í gær ráð-
herrum ríkisstjórnarinnar ályktun
frá baráttufundi Geðhjálpar, þar
sem skorað var á ráðamenn að
tryggja fjármagn til mennt-
unarmála geðfatlaðra.
Í samtali við Svein Magnússon,
framkvæmdastjóra Geðhjálpar,
minnir hann á að samkomulagið
sem gert var við Tómas Inga Ol-
rich, þáverandi menntamálaráð-
herra, snemma árs 2003 um sam-
starfsverkefni Fjölmenntar og
Geðhjálpar varðandi menntun og
starfsendurhæfingu geðfatlaðra
væri enn í fullu gildi, enda hefði því
ekki verið sagt upp. Segir Sveinn
það hafa verið ljóst á sínum tíma að
verkefnið færi af stað sem til-
raunaverkefni þar sem óljóst væri
hver hin raunverulega þörf væri og
hversu mikil aðsóknin í það yrði.
Hugsanleg aðkoma félagsmála-
ráðuneytis að málinu
Bendir Sveinn á að það mat hafi
farið fram árið 2004 með stöðu-
matsskýrslu Ásgeirs Sigurgests-
sonar, sem gerð var að frumkvæði
þriggja ráðuneyta, og hafi hún sýnt
fram á að aðsóknin var mun meiri
en ráð hafði verið fyrir gert. Bend-
ir Sveinn á að fjárþörf upp á 24
milljónir á ári til að geta sinnt 100
manns byggist á fyrrgreindri mats-
skýrslu.
Að sögn Sveins var skömmu fyr-
ir baráttufundinn sl. miðvikudag
haft samband við hann frá félags-
málaráðuneytinu og honum tjáð að
þar væri vilji til þess að leita leiða
til mögulegra lausna á málinu án
þess að ákveðnu fjármagni væri
lofað eða hugmyndin útfærð nánar.
„Enda þótt málið varði mennta-
málaráðuneytið er ábyrgð á mál-
efnum faltaðra í félagsmálaráðu-
neytinu og þar hef ég sett málefni
geðfatlaðra í forgang. Ég hef þeg-
ar kynnt uppbyggingu á vegum
ráðuneytisins á stuðningi við þenn-
an hóp og vil að þessi mál séu
ávallt skoðuð í samhengi,“ sagði
Magnús Stefánsson félagsmálaráð-
herra er leitað var viðbragða hans
í gær.
Morgunblaðið/Ásdís
Með kröfuspjöld á lofti Fjölmenni var við Ráðherrabústaðinn í Tjarnargötu þegar fulltrúar Geðhjálpar og Fjöl-
menntar afhentu ráðherrum ríkisstjórnar ályktun frá baráttufundi Geðhjálpar sem fram fór sl. miðvikudag.
Ályktun Geðhjálpar afhent
ráðherrum ríkisstjórnar
ARNÞÓR Helga-
son, íbúi á Sel-
tjarnarnesi, gagn-
rýnir harðlega
afgreiðslu skipu-
lags- og mann-
virkjanefndar Sel-
tjarnarnesbæjar á
tillögu Þyrpingar
hf. um landfyll-
ingu norðan við
Eiðsgranda.
Að mati Arnþórs er hér um það
stórt hagsmunamál að ræða að eðli-
legra hefði verið að umræða og kynn-
ing á þessu færi fram í bænum, en
ekki aðeins á lokuðum fundum. Telur
hann að skipulagsnefnd hefði átt að
afgreiða málið til bæjarstjórnar jafn-
framt því að tillögurnar væru settar í
umhverfismat.
Að sögn Arnþórs eru miklar líkur á
að lágvöruverðsverslunin Bónus
hverfi úr bænum, þar sem verslunin
sé að missa núverandi húsnæði sitt.
Tekur hann það fram að málið sé í
ljósi þessa ekki aðeins hagsmunamál
íbúa Seltjarnarness þar sem íbúar
Vesturbæjar Reykjavíkur noti búðina
talsvert. Að mati Arnþórs er skipu-
lagsnefndin, með höfnun sinni á tillög-
unni, einnig að missa af kjörnu tæki-
færi til þess að gera Eiðistorgið að
stjórnsýslulegri miðstöð bæjarins.
Arnþór er í samvinnu við aðra íbúa að
vinna að því að boða til borgarafundar
um málið þar sem fulltrúum Þyrping-
ar hf. gefist tækifæri á að kynna land-
fyllingarhugmynd sína og uppbygg-
ingu, enda hefur að mati Arnþórs
skort á að íbúar á Nesinu hafi fengið
nægar upplýsingar.
Gagnrýnir
höfnun á
landfyllingu
Vill efna til borgara-
fundar um málið
Arnþór Helgason
„SAMFYLKINGUNNI er margt
betur gefið en að segja sannleikann,“
segir Gunnar I. Birgisson, bæjar-
stjóri í Kópavogi,
um þá gagnrýni
Samfylkingar að
standa þurfi bet-
ur að kynningu
tillagna um upp-
byggingu í vest-
urbæ Kópavogs.
Gunnar vísar
þessu á bug og
segir að forkynn-
ing hafi farið
fram hjá skipulagsnefnd og hún sé
nú að fara af stað með kynningu fyrir
íbúum. Á stefnuskrá allra flokka hafi
verið að íbúðabyggð verði á hluta
hafnarsvæðisins og allir verið sam-
mála um að þar ætti að vera blönduð
byggð. Uppi væru hugmyndir um
rammaskipulag til næstu 15 til 20
ára sem mögulega gæti orðið af en
ekkert væri fast í hendi hvað þær
hugmyndir varðaði. Bendir Gunnar
einnig á að stærsta fyrirtækið í
Kópavogi, BYKO, hafi sótt um að all-
ur innflutningur fyrirtækisins geti
komið inn í gegnum Kópavogshöfn.
„Staðreyndir málsins eru þær að á
síðustu 14 árum hefur fækkað um
það bil um 400 manns í vesturbæ
Kópavogs og á síðustu tveimur árum
hefur börnum í Kársnesskóla fækk-
að um 100,“ segir Gunnar. Hann
bendir m.a. á að búið sé að sam-
þykkja uppbyggingu í bryggjuhverfi
fyrir 340 íbúðir og reikna megi með 2
íbúum á hverja íbúð og 230 íbúðir á
Kópavogstúni. Ekki sé því um neina
byltingu að ræða í fjölgun íbúa.
Áhersla á
blandaða
byggð
400 íbúa fækkun í
vesturbæ á 14 árum
Gunnar I.
Birgisson
HÉRAÐSDÓMUR Reykjavíkur
hefur komist að þeirri niðurstöðu að
ljósmyndurum með iðnréttindi og
nemendum í ljósmyndun sé einum
heimilt að taka ljósmyndir í vegabréf
hjá sýslumönnum og lögreglustjóra.
Dómurinn féllst hins vegar ekki á
kröfu Ljósmyndarafélags Íslands
um að viðurkennt yrði að óheimilt
væri að haga gjaldtöku við útgáfu
vegabréfa þannig að myndataka
væri innifalin í kostnaði umsækjanda
vegna útgáfu vegabréfs.
Í dómi segir að útgáfa vegabréfa
sé hluti af verkefnum sem stjórn-
völdum séu falin með lögum. Vinnsla
þeirra sé því í atvinnuskyni í skiln-
ingi iðnaðarlaga. Samkvæmt því
verði að fallast á að þegar teknar eru
ljósmyndir til notkunar við útgáfuna
skuli það gert undir stjórn meistara í
ljósmyndun og yfirleitt af meistara,
sveini eða nemanda í ljósmyndaiðn.
Skipti ekki máli hér þótt ljósmyndin
verði ekki nýtt til neinna annarra
nota.
Þá segir að iðnlærðir ljósmyndar-
ar hafi ekki einkarétt á töku ljós-
mynda þótt aðrir en þeir megi ekki
stunda atvinnuljósmyndun. Sé ekki
að lögum unnt að banna öðrum töku
ljósmynda, sem eigi að nota í vega-
bréf, þótt unnt sé að viðurkenna að
töku stafrænna mynda hjá lögreglu-
stjóra og sýslumönnum skuli iðn-
menntaðir ljósmyndarar sinna.
Jón Finnbjörnsson héraðsdómari
dæmdi málið. Stefán Geir Þórisson
hrl. flutti það fyrir Ljósmyndara-
félag Íslands og Guðrún M. Árna-
dóttir hrl. fyrir ríkið.
Mega
einir
mynda