Morgunblaðið - 14.12.2006, Blaðsíða 12

12 FIMMTUDAGUR 14. DESEMBER 2006 MORGUNBLAÐIÐ
FRÉTTIR
Eftir Elvu Björk Sverrisdóttur
elva@mbl.is
HUGMYNDIR bæjaryfirvalda í
Kópavogi um hafnarsvæði í bland
við íbúabyggð með bryggjuhverfi á
Kársnesi valda íbúum á svæðinu
áhyggjum að sögn Péturs Eysteins-
sonar, formanns íbúasamtaka vest-
urbæjar Kópavogs. Hugmyndirnar
voru kynntar á fundi með bæj-
arbúum í Salnum í gærkvöldi en í
þeim er m.a. gert ráð fyrir 8 hæða
hótelturni á Kársnesi, landfyllingum
og niðurrifi atvinnuhúsnæðis.
Pétur segir að verði hugmynd-
irnar að veruleika muni íbúum í
þessum bæjarhluta Kópavogs fjölga
úr um 4.500 manns í yfir 10.000.
Þær feli einnig í sér aukna starfsemi
við höfnina og ljóst að umferð-
armannvirki bæjarins beri það ekki.
„Það er ekki nema ein stofnbraut
sem þessari umferð er ætlað að fara
eftir og það er Kársnesbrautin,“
segir hann. Áætlað sé að umferð um
svæðið muni meira en tvöfaldast en
ekki hafi verið kynntar neinar mót-
vægisaðgerðir, utan þess að koma
eigi upp þrennum umferðarljósum
við Kársnesbraut.
Verði hugmyndunum hrint í
framkvæmd muni börnum í vest-
urbænum fjölga og ekkert sé heldur
farið að ræða hvernig bregðast eigi
við auknum barnafjölda í Kárs-
nesskóla. Um hafnarsvæðið segir
Pétur að bæjaryfirvöld tali um að
draga eigi úr skipakomum þangað
úr fimm í þrjár til fjórar á viku. „En
með fimm hektara uppfyllingu á
hafnarsvæðinu eykst öll önnur starf-
semi á höfninni allverulega,“ segir
hann.
Pétur segir að skipulags-
hugmyndir bæjaryfirvalda feli í sér
miklar breytingar á ásýnd vest-
urbæjar Kópavogs. „Í staðinn fyrir
að vera kyrrlátt íbúðarhverfi með
lágreistum einbýlis- og parhúsum
þá tvöfaldast íbúamagn, sem mest-
megnis gerist vestast á nesinu og
þarf öll umferð þar af leiðandi að
fara í gegnum þá kyrrlátu byggð
sem er í vesturbænum núna.“ Íbú-
arnir séu uggandi yfir þessu og
hissa. Allir séu sammála um að að
eitthvað þurfi að gera á vestanverðu
nesinu en samtökin vilji að þangað
komi „hófleg íbúabyggð sem falli
betur að þeirri byggð sem fyrir er á
svæðinu, en ekki háhýsi, eins og átta
hæða hótelturnar og fleira sem
núna er kynnt“.
Áhyggjur af umferð
Að sögn Christers Magnússonar,
formanns foreldraráðs Kárs-
nesskóla, sendi ráðið á dögunum
bréf til bæjaryfirvalda í Kópavogi.
Þar sé óskað eftir frekari upplýs-
ingum um fyrirhugað skipulag.
„Þegar svona mikil umferð verður á
Kársnesi er spurning hvernig börn-
in úr nýju og gömlu hverfunum eiga
að komast í skóla,“ segir hann. For-
eldrar hafi líka áhyggjur af aukinni
umferð í námunda við skólann.
Gunnar Birgisson, bæjarstjóri
Kópavogs, segir að eftir eigi að
ræða betur þær skipulags-
hugmyndir sem fram hafa komið.
Skipulagsreitirnir sem kynntir voru
bæjarbúum í gær eru 10 en Gunnar
segir að margir þeirra séu „hug-
myndir framtíðarinnar“. Á bilinu
10–20 ár kunni að líða uns byggt
verður á svæðinu.
„Það liggur fyrir að við ætlum að
byggja bryggjuhverfi, byggð niður
að Kópavogstúni og svo end-
urbótasvæði vestur á Kársnesi. „Ef
þetta gengur eftir mun íbúum fjölga
um 1.200–1.500,“ segir hann. Á und-
anförnum 12–14 árum hafi íbúum í
vesturbæ Kópavogs fækkað um á
bilinu 400–500 manns. „Við viljum
fá meira af ungu fólki þarna inn,“
segir Gunnar.
Áhyggjur af hugmyndum
um skipulag á Kársnesi
Nýtt hverfi M.a er gert ráð fyrir byggjuhverfi í hugmyndum bæjaryfirvalda í Kópavogi.
Segja mótvæg-
isaðgerðir vanta
Í HNOTSKURN
»Grétar Halldórsson, að-stoðarskólastjóri Kárs-
nesskóla, segir skólann hafa
áhyggjur af aukinni umferð
við skólann vegna nýrrar
íbúðabyggðar.
» Miklar umferðaræðar séuí nágrenni skólans, bæði
austan- og vestanmegin við
hann og vegna hafnarstarf-
semi hafi umferð stórra bíla
aukist.
TIL stendur að setja uppstoppaða
geirfuglinn sem er í eigu Náttúru-
gripasafns Íslands í raka- og hita-
stýrðan sýningarkassa. Einnig á að
setja upp rakaskynjara í húsakynn-
um safnsins og Náttúrufræðistofn-
unar Íslands en engir slíkir skynj-
arar eru þar nú. Forstjóri
stofnunarinnar segir þetta löngu
tímabært en hafi ekki verið gert
fram að þessu þar sem því hafi verið
lofað æ ofan í æ, að nýtt húsnæði fyr-
ir safnið og stofnunina væri handan
við hornið.
Á þriðjudagsmorgun lak á þriðja
hundrað lítra af heitu vatni um sýn-
ingarsali Náttúrugripasafnsins á
fjórðu hæð Hlemms 3 sem jafnframt
hýsir Náttúrufræðistofnun. Þetta
var annar heitavatnslekinn í húsinu
á þremur vikum. Í fyrra skiptið stóð
bunan út á götu en fremur lítið vatn
lak innanhúss. Í báðum tilvikum
urðu menn fljótlega varir við lekann
og skemmdir urðu tiltölulega litlar.
Í samtali við Morgunblaðið sagði
Jón Gunnar Ottósson, forstjóri Nátt-
úrufræðistofnunar, ljóst að ef bilunin
sem varð á þriðjudagsmorgun hefði
orðið um helgi eða að nóttu til, hefði
liðið mun lengri tími þar til menn
hefðu orðið lekans varir og skemmd-
irnar orðið mun meiri. Erfitt væri að
segja til um hver örlög hins upp-
stoppaða geirfugls hefðu orðið við
slíkar aðstæður en honum hefði ver-
ið mikil hætta búin. Nú hefði verið
ákveðið að setja upp rakaskynjara í
sýningarsölum safnsins og víðar í
húsinu enda væru þar mörg verð-
mæt vísindasöfn.
Jón Gunnar benti á að safnið og
stofnunin hefðu verið í bráðabirgða-
húsnæði í um 40 ár. Með reglulegu
millibili hefði því verið lofað að ný
húsakynni yrðu reist og fyrir vikið
hefðu menn verið ófúsir til að leggja
miklar fjárhæðir í viðhald og end-
urbætur. Enn bólaði hins vegar ekk-
ert á efndum.
Hamur hefði soðnað
Álfheiður Ingadóttir, útgáfustjóri
Náttúrufræðistofnunar og umsjón-
armaður með sýningarsölum Nátt-
úrugripasafnsins, telur að geirfugl-
inn hafi sloppið óskemmdur en það
hafi verið mikil heppni. „Ég á von á
því að allir hamir hefðu soðnað í guf-
unni af þessu ef þetta hefði verið
heila nótt eða heilan dag en þetta
voru í mesta lagi nokkrir klukku-
tímar,“ sagði hún.
Þegar fuglinn komst í íslenska
eigu árið 1971 var verðið sem var
greitt fyrir hann jafnvirði þriggja
herbergja íbúðar í Reykjavík. Álf-
heiður sagði verðið þó ekki aðalatrið-
ið. Það hefði verið einstakt að slíkur
hamur var boðinn til sölu árið 1971
og hún vissi ekki til þess að það hefð-
igerst aftur síðan þá.
Rakaskynjarar verða
settir upp í safninu
Geirfuglinn fer í raka- og hitastýrðan sýningarkassa
Morgunblaðið/ÞÖK
Leki Á þriðja hundrað lítra af heitu
vatni láku um safnið á þriðjudag.
FJÁRHAGSLEG staða Seltjarnar-
nesbæjar er með því besta sem
þekkist en miðað við að rekstur
haldist óbreyttur
og bærinn ráðist
ekki í fjárfesting-
ar gæti hann
borgað upp
skuldir sínar á
tæplega fjórum
mánuðum. Þetta
kemur fram í
greinargerð
Grant Thornton
endurskoðunar
um rekstur og fjárhagsstöðu sveit-
arfélagsins. „Við erum auðvitað
mjög ánægðir með þessa útkomu,“
segir Jónmundur Guðmarsson, bæj-
arstjóri Seltjarnarnesbæjar. Bæjar-
stjórnin hafi frá árinu 2002 haft
þann sið að láta óháðan aðila gera
árlega úttekt á fjárhagsstöðu bæj-
arins. Það sé afar ánægjulegt að sjá
það svart á hvítu að fjárhagsstaðan
hafi verið góð árið 2002 en hafi síð-
an enn batnað. Þetta sé sérstaklega
gott þegar litið sé til þess að út-
svarið á Seltjarnarnesi sé umtals-
vert lægra en annars staðar á höf-
uðborgarsvæðinu eða 12,35% en
ekki 13,03% eins og víðast hvar. Þá
sé ekki lagt á holræsagjald en það
gæti numið tugum þúsunda fyrir
heimili á ári.
Í greinargerð Grant Thornton
kemur fram að skatttekjur bæjar-
sjóðs, á verðlagi í lok árs 2005,
hækkuðu um 135% á árunum 1995–
2005 eða úr 151.000 krónur á íbúa í
355.000 krónur. Þetta væru hærri
tekjur á hvern íbúa en í samanburð-
arsveitarfélögunum en samanburð-
urinn náði til höfuðborgarsvæðisins
og Akureyrar. Framlög til æsku-
lýðs- og íþróttamála voru hvergi
hærri en á Seltjarnarnesi.
Frá árinu 1998 hefur íbúum þar
fækkað um 212 eða um 4,5% og í
greinargerðinni er bent á að áfram-
haldandi fækkun íbúa hljóti, að öðru
óbreyttu, að veikja núverandi fjár-
hagsstöðu bæjarins. Jónmundur
vonast til að í nýjum hverfum á
Hrólfsskálamel og Bygggörðum
verði pláss fyrir 400–600 nýja íbúa.
Með því
besta sem
þekkist
Jónmundur
Guðmarsson
SKEIFAN 3E-F · SÍMI 581-2333 · FAX 568-0215 · WWW.RAFVER.IS
Heimilisryksugur
Frábær hönnun
4 lítra flíspoki
Snúningshringur
á legu snýst 360°
Snúra dregst inn
HEPA 12 sía
hreinsar 99,5%
óhreininda
VC 6100 / VC 6200
■ Afl: 1800/2000 w
■ HEPA 12 sía
■ Hæðarstilling á röri
■ Aukahlutir
A 2204 / A 2604
■ Sýgur blautt og þurrt
■ Einnig fyrir útblástu
■ 18 / 25 ltr tankur
VC 5200 / VC5300
■ Afl: 1800/2000 w
■ Hepa 12 sía
■ Sérlega nett
■ Hæðarstilling
á röri
■ 3,3 ltr poki
Aflmiklar og hljóðlátar
Fylgihlutir
geymast í vél
360°