Morgunblaðið - 14.12.2006, Blaðsíða 20

20 FIMMTUDAGUR 14. DESEMBER 2006 MORGUNBLAÐIÐ
MINN STAÐUR
Aðventusamvera eldri borgara
verður í dag, fimmtudag, kl. 15:00
Kór eldri borgara kemur í heimsókn.
Að venju verður helgistund, almennur söngur
og góðar veitingar.
Allir hjartanlega velkomnir
Ath: Bíll frá Lindasíðu kl. 14:50 og heim aftur eftir samveru.
Glerárkirkja
GLERÁRKIRKJA
Eftir Steinþór Guðbjartsson
steinthor@mbl.is
Hafnarfjörður | Mikil umskipti hafa orðið á
fjárhagsstöðu Hafnarfjarðar á nýliðnum ár-
um, langtímaskuldir hafa verið greiddar nið-
ur á þriðja milljarð króna samhliða stór-
fjölgun íbúa og miklum framkvæmdum í
skólamannvirkjum. Í fjárhagsáætlun ársins
2007 er gert ráð fyrir áframhaldandi hraðri
uppbyggingu og fjölgun íbúa um 4% á næsta
ári sem er margfalt landsmeðaltal.
„Afkoman hefur verið mjög góð síðustu tvö
til þrjú ár og tekist hefur að snúa við mjög
þungri og erfiðri stöðu,“ segir Lúðvík Geirs-
son, bæjarstjóri í Hafnarfirði. Hann segir að
sveitarfélagið hafi haft tekjuafgang til að
mæta kostnaði við nýframkvæmdir og lán
hafi verið greidd niður. Eins og önnur sveit-
arfélög finni Hafnarfjörður fyrir launahækk-
unum frá liðnum vetri og á nýju ári og gert
sé ráð fyrir um 450 milljóna króna út-
gjaldaauka vegna launahækkana 2007. „Af-
koman hefur verið réttum megin við strikið
og það er það sem skiptir máli í rekstrinum,“
segir hann.
Um 256 milljóna kr. hagnaður
Seinni umræða um fjárhagsáætlun Hafn-
arfjarðarkaupstaðar fyrir árið 2007 verður á
þriðjudag. Áætlað er að tekjur samantekins
A- og B-hluta aukist um 728 m.kr., eða um
6,8% á milli ára. Áætlað er að rekstrarútgjöld
aukist um 980 milljónir kr., eða um 10,1% og
að rekstrarniðurstaða ársins eftir fjármagns-
liði verði jákvæð um 256 milljónir kr. Gert er
ráð fyrir því að veltufé frá rekstri hækki um
186 m.kr. og verði 1.077 m.kr. eða 9,5% af
heildartekjum. Afskriftarhlutfallið er 6,2%
þannig að svigrúm til niðurgreiðslu lang-
tímaskulda er 3,3% eða um 380 m.kr.
Fjárhagsáætlun Hafnarfjarðarbæjar fyrir
árið 2007 er sett fram á áætluðu með-
alverðlagi ársins 2007. Gert er ráð fyrir 6,5%
hækkun atvinnutekna á næsta ári og að íbú-
um fjölgi um 4% eða samtals hækkun útsvars
um 10,5% samanborið við áætlaða 17,3%
hækkun milli áranna 2006 og 2005. Frá 1.
desember 2005 til 1. desember 2006 fjölgaði
íbúum Hafnarfjarðar um 1.230 og voru þeir
23.681 í fyrradag. „Þetta er trúlega mesta
fjölgun íbúa í sögu bæjarins frá upphafi,“
segir Lúðvík Geirsson.
Miklar framkvæmdir
Miklar framkvæmdir hafa verið í Hafn-
arfirði undanfarin misseri og heldur sú upp-
bygging áfram á næsta ári, að sögn Lúðvíks.
Lokið verður við 2. áfanga af þremur við
Hraunvallaskóla í Vallahverfi, hafin er bygg-
ing á sundmiðstöð á Völlum, frekari upp-
bygging verður við íþróttamiðstöðina í Kapla-
krika og nýr leikskóli byggður á Völlum.
Umfangsmiklar gatnagerðarframkvæmdir
fyrir vel á annan milljarð kr. verða á
nýbyggingarsvæðum í Áslandi og Völlum og
á nýjum iðnaðar- og atvinnusvæðum í Hellna-
hrauni. Unnið verður að umhverfisverkefnum
á miðbæjarsvæði við Lækinn frá Hverfisgötu
að Strandgötu og umhverfis Byggðasafnið við
Vesturgötu. Þá verður farið í endurbætur á
Hellisgerði og áframhaldandi uppbyggingu
útivistarsvæðis við Hvaleyrarvatn. Eins
stendur til að ljúka stóru verkefni í fráveitu-
málum bæjarins með því að ljúka við bygg-
ingu dælu- og hreinsistöðvar og útrásar í
Hraunsvík fyrir nær 800 milljónir króna. Ný-
framkvæmdir hjá Vatnsveitu Hafnarfjarðar
verða upp á um 150 milljónir króna og Hafn-
arsjóður lýkur að mestu við frágang á nýja
hafnarsvæðinu í Hvaleyrarhöfn á næsta ári.
Áætlað er að nettó fjárfestingarhreyfingar
2006 verði tæpir 2,2 milljarðar sem er svipuð
fjárhæð og 2006.
Lúðvík Geirsson segir að markvisst hafi
verið farið í það að efla byggðina og sam-
félagið. Mikið framboð hafi verið af lóðum
undir íbúða- og atvinnuhúsnæði. Því hafi
fylgt aukið tekjuflæði og haldið verði áfram á
sömu braut.
Mikil umskipti í Hafnarfirði
Morgunblaðið/Ásdís
Framkvæmdir Mikil uppbygging hefur verið í Hafnarfirði, meðal annars í skólamannvirkjum,
en á næsta ári verður lokið við 2. áfanga af þremur við Hraunvallaskóla í Vallahverfi.
Í HNOTSKURN
» Á næsta ári fá eldri borgarar Hafn-arfjarðar vildarkort sem veitir þeim
ókeypis aðgang að menningarstofn-
unum, íþróttahúsnæði og innanbæj-
arakstri með almenningsvögnum.
» Áætlað er að eignir Hafnarfjarð-arbæjar verði um 24,4 milljarðar
króna í lok ársins 2007 og skuldir og
skuldbindingar um 18,6 milljarðar
króna. Samkvæmt þessu er gert ráð fyr-
ir að eigið fé verði um 5,9 milljarðar
króna í árslok 2007.
Áframhaldandi hröð upp-
bygging og mikil fjölgun
íbúa í sveitarfélaginu
GERÐUR hefur verið styrktar- og
samstarfssamningur milli Fim-
leikafélags Akureyrar og KB
banka á Akureyri. Með þessu vill
bankinn sýna í verki stuðning við
ástundun hollrar hreyfingar barna
og unglinga, að því er segir í frétt
frá honum. „Okkur hjá KB banka
finnst gaman að fá að vera með
og efla gott starf. Hér er verið að
hlúa að börnunum okkar, og það
er gott að taka þátt í því,“ er þar
haft eftir Hilmari Ágústssyni úti-
bússtjóra KB banka á Akureyri.
Það voru Hilmar og Friðbjörn
B. Möller, formaður Fimleika-
félags Akureyrar, sem handsöluðu
samninginn, en skrifað var undir
við athöfn í útibúi KB banka á Ak-
ureyri.
„Gaman að fá
að vera með“
DANÍEL Jakobsson, fyrrverandi Ól-
ympíufari á skíðum og nú formaður
Skíðasambands Íslands, telur skíða-
svæðið í Hlíðarfjalli við Akureyri
standast samanburð við bestu skíða-
svæði í Skandinavíu og segir reyndar
aðstæður þar helst minna sig á
brekkurnar í Salt Lake City í Banda-
ríkjunum, þegar hann keppti þar á
Ólympíuleikunum 2002.
Daníel sendi forsvarsmönnum
skíðasvæðisins í Hlíðarfjalli bréf á
dögunum, eftir að hafa verið þar á
skíðum, og er bréf hans birt á heima-
síðu Akureyrarbæjar.
Í bréfinu segir Daníel meðal ann-
ars: „Ég varð bara að stinga niður
penna eftir að ég fór til Akureyrar á
skíði nú fyrir nokkru. Ég hafði nefni-
lega ekki gert mér grein fyrir því
hvað aðstæður til skíðaiðkunar hafa
breyst mikið þar með tilkomu snjó-
framleiðslukerfis og snjógirðinga
sem settar hafa verið upp. Það er eins
og að við séum komin í nýjar brekk-
ur. Allt snævi þakið og eins og best
verður á kosið og stenst fyllilega
samanburð við bestu skíðasvæði í
Skandinavíu. Allavega hvað varðar
færi.“
Daníel segist ekki í nokkrum vafa
um að snjóframleiðslukerfið og snjó-
girðingarnar séu mesta þróun sem
átt hefur sér stað í skíðaíþróttinni
síðan að troðarar og stólalyftur sáust
fyrst í fjöllunum fyrir mörgum árum.
„Nú í lok nóvember er kominn snjór í
allar skíðabrekkur og í allar skíða-
göngubrautir. Stærstur hlutinn af
honum er framleiddur snjór eða
snjór sem fest hefur í snjógirðingun-
um eins og raun er í göngubrautun-
um. Svo virðist einnig vera að þessi
framleiddi snjór sé mun betri til að
renna sér á en sá sem kemur beint að
ofan. Hann er miklu fastari og betri
til að skíða á, tali ég fyrir mitt leyti.
Svo er líka eins og Akureyringar
hafi fengið nýjan kraft með tilkomu
þessara tækninýjunga. Öll aðkoma
og viðmót starfsmanna var til fyrir-
myndar. Brekkurnar sérstaklega vel
troðnar og ekkert hægt að setja út á
aðstæður á svæðinu. Aðstæður þarna
minntu mig helst á brekkurnar í Salt
Lake City þegar að ég var þar á ÓL
2002.
Það var líka gaman að koma upp í
skíðagöngubraut. Þar var allt fullt af
fólki en mikil aukning hefur orðið í
þátttöku barna á æfingum Skíða-
félagsins. Um 40 manns, börn og full-
orðnir voru þarna við æfingar og á
námskeiði. Frábært að sjá.
Nú er bara að vona að þetta smiti
út frá sér og að starf á öðrum stöðum
eflist. Komnar eru byssur á Dalvík og
á Sauðárkróki. Ég er því fullur til-
hlökkunar að fara þangað og taka
svæðin út,“ segir formaður SKÍ.
Aðstæður eins og best
gerist í Skandinavíu
Morgunblaðið/Skapti Hallgrímsson
Skothríð í Hlíðarfjalli Snjóframleiðslukerfið hefur þegar sannað gildi sitt.
AKUREYRI