Morgunblaðið - 25.10.2007, Qupperneq 1

STOFNAÐ 1913 291. TBL. 95. ÁRG. FIMMTUDAGUR 25. OKTÓBER 2007 LANDSPRENT EHF. mbl.is
Á HJÓLUM
FJALLABÖK, FLJÓT OG HEIÐAR ERU
ENGIN HINDRUN FYRIR ÖLDU >> 22
Eftir Silju Björk Huldudóttur
silja@mbl.is
Á TÍMABILINU frá 31. desember 1997 til
sama tíma árið 2006 hefur fjöldi barna á
aldrinum 0-15 ára í Reykjavík nánast staðið í
stað. Í árslok 1997 voru samtals 23.037 börn í
borginni, þar af 10.179 börn á aldrinum 0-5
ára og 12.858 á aldrinum 6-15 ára. Í árslok
2006 voru samtals 23.169 börn í Reykjavík,
þar af 9.572 börn á aldrinum 0-5 ára og
13.597 á aldrinum 6-15 ára. Þetta er meðal
þess sem lesa má út úr tölum Hagstofu Ís-
lands.
Til samanburðar má nefna að á sama tíma
hefur fjölgun barna á aldrinum 0-15 ára í
Kópavogi verið rétt tæplega 29,4%. Þannig
bjuggu í árslok 1997 samtals 4.698 börn í
Kópavogi, þar af 1.984 börn á aldrinum 0-5
ára og 2.714 á aldrinum 6-15 ára. Í árslok
2006 voru börn í Kópavogi hins vegar sam-
tals 6.079, þar af 2.522 börn á aldrinum 0-5
ára og 3.557 á aldrinum 6-15 ára.
Séu tölurnar greindar eftir hverfum
Reykjavíkurborgar má sjá nokkra breyt-
ingu milli ára. Þannig má sjá að börnum á
aldrinum 0-16 ára fækkar í Vesturbænum á
milli ára úr 3.409 árið 1997 í 3.218 árið 2006, í
Austurbænum, Norðurmýri og Hlíðum (þ.e.
póstnúmerinu 105) fækkar börnum úr 3.109 í
2.945, í Breiðholti fækkar þeim úr 5.275 í
4.471 og í Grafarvogi fækkar þeim úr 4.942 í
4.872. Engin börn eru skráð í Grafarholti ár-
ið 1997 enda hverfið ekki komið í byggingu. Í
árslok 2006 voru hins vegar skráð 1.333 börn
á aldrinum 0-15 ára í hverfinu.
Hlutfall nemenda er 13%
Samkvæmt upplýsingum frá Reykjavík-
urborg er hlutfall nemenda af íbúafjölda í
Reykjavík 13%. Þessi tala er samt breytileg
eftir hverfum, hún rokkar allt frá því að vera
lægst 7% í Austurbæjarskóla og hæst 23% í
Borgaskóla. Á vef Reykjavíkurborgar má
nálgast spá um nemendafjölda næstu 5 árin í
35 grunnskólum borgarinnar. Þar má sjá að
alls er reiknað með fjölgun grunnskólanem-
enda í 10 skólum, en fækkun nemenda í 15
skólum.
Grandaskóli er einn þeirra skóla þar sem
gert er ráð fyrir fækkun nemenda á næstu
árum. Í dag eru 304 börn í skólanum, en því
er spáð að árið 2011 verði þau 287. Þegar
mest var árið 1996 voru 486 börn í skólanum.
Að sögn Ingu Sigurðardóttur, aðstoðar-
skólastjóra Grandaskóla, er skýringanna á
þessari þróun að leita í því að þegar skólinn
tók til starfa árið 1986 var hverfið frekar
ungt og enn í uppbyggingu. Lítil endurnýjun
hafi orðið meðal íbúa, þar sem fólk ílengist í
hverfinu, sem skýri það að börnum fækkar
við skólann. „Það eru einfaldlega færri börn
sem búa í hverfinu.“
Hvar eru
börnin?
Fjöldi barna í borginni
hefur staðið í stað sl. 9 ár
Morgunblaðið/Ásdís
Börn að leik Í þeim felst sjálf framtíðin.
HUGSANLEGT er að
stuðst verði við fyrsta aðal-
skipulag Akureyrar, frá
1926, þegar byggð verður
skipulögð á svæðinu þar sem
íþróttavöllur bæjarins er nú,
undir klöppunum í miðjum
bænum. Það var Guðjón Samúelsson sem gerði þetta fyrsta aðalskipu-
lag bæjarins, en samkvæmt því yrðu lágreist íbúðarhús á svæðinu, í
samræmi við byggðina sem fyrir er á Eyrinni. Bæjarstjórn ákvað fyr-
ir nokkrum misserum að leggja Akureyrarvöll niður og þróunar-
félagið Þyrping hefur sóst eftir því að byggja Hagkaupsverslun á
svæðinu, en ekki eru líkur á að slík bygging verði að veruleika. Sigrún
Björk Jakobsdóttir segir að bærinn hafi í raun aldrei léð máls á því;
þreifingar hafi átt sér stað en aldrei alvarlegar viðræður. „Nú eru
uppi hugmyndir um lágreista íbúðabyggð og garð. Maður hefur heyrt
kröfur, skiljanlega, um að þarna verði grænt svæði og samkomu-
staður sem hægt væri að nota þegar Ráðhústorgið dugar ekki.“ | 20
Skipulag frá 1926?
Leikhúsin í landinu
Öll leikhúsin á
einum stað. >> 48
Eftir Guðna Einarsson
gudni@mbl.is
TILFINNANLEGUR skortur er
á sérfræðingum á sviði orkurann-
sókna hér á landi, að sögn Ólafs G.
Flóvenz, forstjóra Íslenskra orku-
rannsókna (ÍSOR).
„Aðalvandamálið undanfarið
hefur verið að fjármálageirinn hef-
ur sogað til sín svo mikið af raun-
greinafólki,“ sagði Ólafur. Það er
ekki síður verkfræðin en jarðvís-
indin sem hafa séð á eftir sérfræð-
ingum yfir í fjármálafyrirtækin, að
sögn Ólafs. Hann sagði að í fjár-
málaheiminum væru menn að
horfa á allt annað launakerfi og
kjör en bjóðast í jarðvísindum eða
verkfræði.
Hjá ÍSOR starfa nú um 80
manns, flestir sérfræðingar. Ólafur
sagði að þar skorti nú starfsfólk
með ákveðna sérmenntun. „Það er
kannski fyrst og fremst á þeim
sviðum sem við höfum verið að
missa fólk inn í bankageirann,“
sagði Ólafur og nefndi að þeir hafi
t.d. misst sérfræðinga á sviði jarð-
eðlisfræði og forðafræði. En hvað
gerir slíka sérfræðinga eftirsókn-
arverða í fjármálaheiminum? „Allir
sem kunna að reikna virðast vera
eftirsóttir í banka,“ sagði Ólafur.
Möguleiki að ráða erlent fólk
Þrátt fyrir skort á sérfræðingum
og að ekki séu svo ýkja margir
námsmenn að mennta sig í þeim
fræðigreinum sem eru undirstaða
jarðfræðirannsókna og orkurann-
sókna kvaðst Ólafur líta það sem
jákvætt tækifæri taki útrás á sviði
jarðhitanýtingar flugið. Menn verði
aðeins að gæta þess að bregðast af
ábyrgð við stóraukinni eftirspurn
eftir sérhæfðu starfsfólki. Í því
sambandi nefndi Ólafur nauðsyn
þess að þjálfa upp nýtt fólk og eins
þann möguleika að sækja starfsfólk
til annarra landa. Það gæti vel
gengið ef þetta fólk fengi að starfa
undir stjórn færustu sérfræðinga
og margfaldaði þannig afköst
þeirra. Hins vegar muni það ekki
ganga að slást um þá fáu sérfræð-
inga sem við eigum eða ætla sér að
láta þá vinna öll störfin.
Nú er fólk frá ÍSOR við störf í
Djibouti í Afríku en undanfarna
mánuði hafa starfsmenn ÍSOR
starfað í Þýskalandi, Ungverja-
landi, Níkaragva og Gvadelúp. Í
Níkaragva var verið að vinna fyrir
Þróunarsamvinnustofnun Íslands.
Ólafur taldi að auðveldlega mætti
afla ÍSOR fleiri verkefna erlendis,
en það væri ekki gert því ekki væri
mannafli til að sinna fleiri verkefn-
um.
Missa fólkið í bankana
Í HNOTSKURN
»Íslenskar orkurannsóknir(ÍSOR) eru ríkisstofnun
sem vinnur að rannsóknum á
sviði náttúrufars, orkumála
og annarra auðlindamála.
»ÍSOR hefur tekið þátt íútrásinni og er nú í verk-
efnum erlendis, mest í gegn-
um íslensk útrásarfyrirtæki á
borð við Enex, Enex-Kína og
Orkuveitu Reykjavíkur.
 Forstjóri ÍSOR segir fjármálageirann hafa sogað til sín mikið af raungreina-
fólki  Skortur á sérhæfðu starfsfólki stendur orkurannsóknum fyrir þrifum
FEIKNAMIKIL stemmning var í Vesturbæjarlauginni í gærkvöldi í til-
efni kvennafrídagsins þar sem konur á öllum aldri hittust til að syngja í
sturtunni og ræða jafnréttismál í pottinum.
Um leið notaði ÍTR tækifærið til að leita eftir viðhorfum kvenna til
þjónustunnar og vildi athuga með hvaða hætti sundlaugarnar gætu lag-
að þjónustu sína að óskum þeirra.
Morgunblaðið/Kristinn
Kátt í kvennasundi