Morgunblaðið - 08.11.2007, Blaðsíða 22

22 FIMMTUDAGUR 8. NÓVEMBER 2007 MORGUNBLAÐIÐ
AKUREYRI
FARÞEGUM Strætisvagna Akur-
eyrar fjölgar enn. Frá því í janúar
hefur verið ókeypis í strætó í höf-
uðstað Norðurlands og breytingin er
meiri en nokkur þorði að vona; not-
endur eru sífellt fleiri og sem dæmi
var aukningin 140% í október miðað
við sama tíma í fyrra.
Nýtt leiðakerfi SVA var tekið í
notkun í vikunni og aka vagnarnir nú
í fyrsta skipti um nýjasta hverfi bæj-
arins, Naustahverfi. Tveimur leiðum
hefur verið bætt við og eru þær nú
sex.
Kerfið bætt
Stefán Baldursson, forstöðumað-
ur SVA, segir kerfið hafa verið bætt
til muna en þó reynt að breyta sem
minnstu til þess að notendur verði
fyrir sem minnstum óþægindum.
Ferðum hafi hins vegar verið fjölgað
í öllum hverfum sem og við háskól-
ann og menntaskólana. Vagnarnir
fari til dæmis, samkvæmt nýja leiða-
kerfinu, fram hjá Verkmenntaskól-
anum fimm sinnum á klukkustund,
að sögn Stefáns.
Leiðir 5 og 7 hafa bæst við, en þeir
vagnar aka meðal annars báðir í
Naustahverfi. Göturnar sem þessar
leiðir fara eftir eru Naustabraut,
Naustagata, Vallartún og Kjarna-
gata. Síðan fer hann um Brekkuna
og þaðan niður í miðbæ.
Breytingar hafa orðið bæði á akst-
ursleiðum og tímatöflum leiða 3 og 4
en leiðir 1 og 2 haldast óbreyttar. Í
flestum tilfellum er nú hægt að ná
strætisvagni á 10-20 mínútna fresti í
mismunandi áttir.
Allir vagnarnir hafa viðkomu við
Nætursöluna í grennd við Ráðhús-
torgið. Tengingar við aðra vagna
hafa verið bættar til muna, að sögn
Stefáns, en nú koma vagnar, sem aka
í mismunandi hverfi, á torgið á sama
tíma þannig að bið eftir tengivögnum
hefur minnkað mikið.
Ókeypis hefur verið í strætó á Ak-
ureyri frá því í janúar á þessu ári
sem fyrr segir. Farþegum hefur
fjölgað gríðarlega á þessum tíma og
er nýja leiðakerfið liður í að koma til
móts við aukninguna, að sögn Stef-
áns. Hann segir að farþegum haldi
ennþá áfram að fjölga og það sé
vissulega ánægjuleg þróun.
Fólk á öllum aldri
Stefán segir að svo virðist sem far-
þegum fjölgi í öllum aldurshópum;
hún er mikil á meðal skólafólks en
einnig annarra. „Ég geri ráð fyrir
því að einhver örlítil fækkun verði
núna tímabundið eftir leiðakerfis-
breytinguna, á meðan fólk er að átta
sig; reynslan er sú, svo vex notkunin
aftur hratt,“ sagði Stefán Baldurs-
son við Morgunblaðið í gær.
SVA í Naustahverfi;
farþegum fjölgar enn
Morgunblaðið/Skapti Hallgrímsson
Fjölgun Farþegum SVA hefur fjölgað jafnt og þétt síðan um áramót. 140%
fleiri tóku sér far með vagninum í október sl. en í sama mánuði í fyrra.
Í HNOTSKURN
»Farþegum fjölgaði um 60%strax í janúar, miðað við
sama mánuð í fyrra. Síðan hef-
ur aukningin verið stöðug.
»Leiðabækur liggja frammií strætisvögnunum og á
endastöðinni, Nætursölunni.
Þá eru upplýsingar á heima-
síðu bæjarins, akureyri.is.
HREIÐAR Eiríksson, lögfræðingur
og fyrrverandi rannsóknarlög-
reglumaður, fjallar um mansal og
kynlífsþrælkun í tengslum við Frið-
argæslu Sameinuðu þjóðanna á
Fimmtudagshlaðborði Akureyr-
arAkademíunnar í dag kl.17 í Hús-
mæðraskólanum, Þórunnarstræti
99. Undanfarinn áratug hafa komið
upp alvarlegar ásakanir á hendur
friðargæsluliðum Sameinuðu þjóð-
anna sem tengja þá við mansal og
kynferðisbrot í löndum sem þeir
starfa í. Til að mynda hafa friðar-
gæsluliðar SÞ verið ásakaðir um að
nauðga og áreita konur og börn í
Kongó. Hreiðar fjallar um viðbrögð
Sameinuðu þjóðanna við ásökunum
um misferli starfsmanna þeirra og
segir frá störfum sínum með sér-
stakri sveit alþjóðlegra lögreglu-
manna sem var stofnuð til að fást við
þessi mál. Fyrirlesturinn er öllum
opinn.
Mansal og kynlífsþrælkun
FÉLAGAR í Skíðafélagi Akureyrar
hófu æfingar í gær í Hlíðarfjalli og
var myndin tekin við það tækifæri.
Eftir því sem næst verður komist er
þetta með allra fyrstu skíðasvæðum
á Norðurlöndum – jafnvel það fyrsta
– sem er opnað í haust. „Ég veit að
æfingar eru ekki hafnar á neinum
skíðasvæðum í Noregi og Svíþjóð en
hugsanlega er búið að opna einhvers
staðar nyrst í Finnlandi,“ sagði Guð-
mundur Karl Jónsson, forstöðu-
maður í Hlíðarfjalli, í samtali við
Morgunblaðið. Skíðamenn hvaðan-
æva af landinu verða í Hlíðarfjalli
við æfingar um komandi helgi.
„Margir hafa farið til Noregs á þess-
um árstíma undanfarið en nú geta
þeir bara komið norður og búið sig
undir veturinn af kappi.“
Guðmundur Karl reiknar með að
hægt verði að opna skíðabrekkurnar
fyrir almenning eftir um það bil
hálfan mánuð.
Skíðamenn byrjaðir
að æfa í Hlíðarfjalli
HÖFUÐBORGARSVÆÐIÐ
Garðabær | Dale Carnegie á Ís-
landi veitti Garðabæ leiðtoga-
verðlaun Dale Carnegie, en
Gunnar Einarsson bæjarstjóri tók
við verðlaununum fyrir hönd
Garðabæjar, að því er fram kem-
ur í tilkynningu. Verðlaunin eru
veitt fyrirtækjum og ein-
staklingum sem þykja skara fram
úr á sviði mannauðsstjórnunar og
hafa sýnt frumkvæði og sköpun í
starfsemi fyrirtækja sinna.
Tilefni verðlaunanna er sú
ákvörðun Garðabæjar að bjóða
unglingum í Garðabæ upp á nám-
skeiðið Næstu kynslóð, í sam-
vinnu við Dale Carnegie. Nám-
skeiðið er í boði fyrir alla
nemendur í 9. og 10. bekk í
Garðabæ. Að verkefninu standa
íþrótta- og tómstundaráð Garða-
bæjar og forvarnanefnd bæjarins
í samstarfi við Dale Carnegie.
Það var Jean-Louis VanDoorne,
fulltrúi Dale Carnegie and
Associates, sem afhenti verðlaun-
in en þau voru afhent í Jónshúsi í
Garðabæ.
Í rökstuðningi frá Dale Carn-
egie segir að með því bjóða upp á
námskeiðið Næstu kynslóð hafi
Garðabær stigið stórt skref í þró-
un framtíðarleiðtoga Garðabæjar
og þjóðarinnar. Þetta er í fyrsta
sinn sem þessi viðurkenning er
veitt hér á landi en árlega eru
veitt 6-8 leiðtogaverðlaun í heim-
inum. Meðal fyrirtækja og ein-
staklinga sem hlotið hafa verð-
launin eru Daimler-Chrysler
Corporation og forstjóri þess,
Lee Iacocca, og SAS Scand-
inavian airlines og forstjóri þess,
Jan Carlson.
Morgunblaðið/Sverrir
Verðlaun Anna Steinsen, Gunnar Einarsson, bæjarstjóri Garðabæjar, og
Jean-Louis Van Doome frá Dale Carnegie.
Garðabæ veitt leiðtoga-
verðlaun Dale Carnegie
„MEÐ því að auka sveigjanleika
skólastiga á milli leikskóla og
grunnskóla aukum við fjölbreyti-
leika og val foreldra,“ segir Júlíus
Vífill Ingvarsson, borgarfulltrúi
Sjálfstæðisflokks, sem á síðasta
borgarstjórnarfundi mælti fyrir til-
lögu þess efnis að valdir verði fimm
grunnskólar, einn úr hverju skóla-
hverfi, sem taki þátt í undirbúningi
og framkvæmd fimm ára deilda.
Í tillögunni er lagt til að við
skipulag og námsfyrirkomulag
verði stuðst við þá reynslu sem þeg-
ar hefur fengist af áratugastarfi
sjálfstætt rekinna grunnskóla, til-
raunaverkefni leikskólans Hamra
og Víkurskóla, Varmárskóla í Mos-
fellsbæ, Hjallastefnunnar, Landa-
kotsskóla og Ísaksskóla, svo dæmi
séu nefnd. Fulltrúar meirihlutans
vísuðu þessari tillögu sjálfstæðis-
manna til leikskólaráðs og mennta-
ráðs til frekari umfjöllunar og af-
greiðslu.
Vilja námsúrræði sem henta
þörfum hvers og eins
Í samtali við Morgunblaðið minn-
ir Júlíus Vífill á að á þeim tíma sem
Sjálfstæðisflokkur og Framsóknar-
flokkur stýrðu menntamálum í
Reykjavík hafi verið lögð rík
áhersla á að auka val, fjölbreytni og
sveigjanleika. Bendir hann á að
þroskastig fimm ára barna sé mjög
mismunandi og því nauðsynlegt að
geta boðið námsúrræði sem henta
þörfum hvers og eins. „Sem betur
fer líður langflestum börnum af-
skaplega vel í leikskólanum sam-
kvæmt skoðanakönnunum. Hins
vegar vitum við að sum börn fá ekki
viðnám krafta sinna og eru reiðubú-
in að takast á við erfiðari verkefni.“
Að sögn Júlíusar Vífils hafa nú
þegar hafið göngu sína fjölmörg
samstarfsverkefni milli fyrsta og
annars skólastigs sem lúta að sam-
starfi og samvinnu leikskóla og
grunnskóla. Í þeim verkefnum sé
flæði á milli skóla í ákveðnum
hverfum. Að sögn Júlíusar Vífils
telja sjálfstæðismenn í borgar-
stjórn að fimm ára bekkur sameini
kosti elsta stigs leikskólans og
yngsta stigs grunnskólans.
Morgunblaðið/Eggert Jóhannesson
Sveigjanleiki Sjálfstæðismenn telja 5 ára bekk sameina kosti elsta stigs leikskólans og yngsta stigs grunnskólans.
Vilja 5 ára bekk í grunn-
skólum borgarinnar