Morgunblaðið - 08.11.2007, Blaðsíða 48

48 FIMMTUDAGUR 8. NÓVEMBER 2007 MORGUNBLAÐIÐ
Yngsti Íslandsmeistari
sögunnar
Íslandsmót yngri og eldri spilara
fór fram um sl. helgi. Sigurvegarar
yngri spilara eru þeir Óttar Ingi
Oddsson og Gabríel Gíslason en
Gabríel mun vera yngsti Íslands-
meistari sögunnar í brids.
Sigurvegarar í eldri flokki eru
þekktir refir úr bridsheiminum, þeir
Hrólfur Hjaltason og Sigtryggur
Sigurðsson. Páll Þór Bergsson og
Guðlaugur Sveinsson urðu í öðru
sæti og Hrafnhildur Skúladóttir og
Jörundur Þórðarson þriðju.
Þorsteinn Berg forseti Bridssam-
bandsins afhenti verðlaunin í móts-
lok.
Eykt í keppnisferð í Póllandi
Landsmeistarar 10 efstu landa ár-
ið 2006 í Evrópu koma saman dag-
ana 8.-11. nóvember í borginni Wro-
dav í Póllandi. Alls keppa 12 sveitir á
mótinu en Pólverjar eiga 2 sveitir.
Okkar menn í mótinu er sveit
Eyktar, Íslandsmeistararnir 2006,
þeir, Jón Baldursson, Þorlákur Jóns-
son, Bjarni Einarsson, Sigurbjörn
Haraldsson og Sverrir Ármannsson.
Aðalsteinn Jörgensen fer ekki
með félögum sínum í þetta sinn.
Hægt verður að fylgjast með
mótinu hér á eftirfarandi slóð:
http://www.eurobridge.org/com-
petitions/07Wroclaw/Wroclaw.htm
Bridsspilarar á faraldsfæti
Um 60 íslenskir bridsspilarar fóru
sl. sunnudag til hinnar fögru eyju
Madeira til að taka þátt í alþjóðlegu
bridgemóti þar. Væntanlega er þetta
met hjá íslenskum bridsurum sem
koma saman á erlendu bridsmóti.
Mótið hófst á upphitunartvímenn-
ing hinn 5. nóv. og voru það þær Alda
Guðnadóttir og Hrafnhildur Skúla-
dóttir sem voru með hæsta skor. 6.
nóvember hefst svo alvaran með tví-
menningi sem lýkur 8. nóv. 9. nóv.
hefst síðan sveitakeppnin sem lýkur
11. nóv.
Það er nóg að gerast hjá íslensk-
um spilurum þessa dagana eins og
endranær. Gaman er að fylgjast með
þessu móti á tenglinum:
www.bridge-madeira.com
Hörkukeppni hjá bridsfélög-
unum á Suðurnesjum
Sl. mánudagskvöld lauk þriggja
kvölda tvímenningi og er keppnis-
formið það að tvö efstu kvöldin telja
til úrslita. Þetta þýðir það að par get-
ur átt afar slakt kvöld en unnið samt
keppnina. Eins og svo oft áður í
fyrstu keppni vetrarins lauk mótinu
ekki fyrr en síðustu spilunum var
stungið í stokkinn eins og sjá má á
eftirfarandi lokatölum:
Svavar Jenss. – Jóhannes Sigurðss. 58,51%
Þórir Hrafnkelss. – Þröstur Þorlákss.58,48%
Arnór Ragnarss. – Garðar Garðarss. 57,74%
Lilja Guðjónsd. – Guðjón Óskarss. 55,00%
Eyþór Jónss. – Randver Ragnarss. 54.60%
Hæsta skor síðasta spilakvöld:
Arnór Ragnarss. – Garðar Garðarss. 214
Eyþór Jónss. – Randver Ragnarss. 195
Jóhann Benediktss. – Sigurður Albertss. 188
Næsta mánudagskvöld hefst
sveitakeppni sem mun standa í 3-4
kvöld. Stefnt er að því að spila sveit-
arokk og hafa nú þegar 14 pör skráð
sig til leiks. Ekki þarf að skrá heilar
sveitir en æskilegt að pör mæti til
keppni. Þá er og hvatt til þess að
væntanlegir þátttakendur skrái sig
hið fyrsta þar sem nokkur undirbún-
ingur er að keppni sem þessari.
Spilað er á mánudagskvöldum og
hefst spilamennskan kl. 19.15. (Ath.
breyttan spilatíma.)
Leiðrétting/afsökunarbeiðni
Umsjónarmaður þáttarins spilaði
algjörlega rassinn úr buxunum í síð-
ustu frétt frá bridsfélögunum. Hann
hóf fréttina með því að segja að Lilja
Guðjónsdóttir og Guðjón Óskarsson
væru feðgin. Þarna hafði síast inn í
hann tal gárunganna hjá félaginu en
hið rétta er að Lilja og Guðjón eru
ekkert skyld þó að þau spili oft sam-
an. Þar með er ekki öll sagan sögð
því hann sagði Þröst Þorláksson
vera Þórhallsson en Þröstur er son-
ur Þorláks kaupmanns sem síðast
rak verslun í Garðinum og umsjón-
armaður þekkir ágætlega þótt fennt
hafi í þau spor. Þar með er ekki öll
vitleysan leiðrétt því hann sagði Þóri
spilafélaga Þrastar Þorkelsson en
hann er Hrafnkelsson. Ég bið þessa
ágætu félaga mína velvirðingar á
þessum flumbrugangi.
Íslandsmeistarar Íslandsmót eldri og yngri spilara fór fram um sl. helgi.
Meðfylgjandi mynd var tekin af sigurvegurunum í mótslok. F.v. Óttar Ingi
Oddsson, Sigtryggur Sigurðsson, Gabríel Gíslason og Hrólfur Hjaltason.
BRIDS
Umsjón Arnór G.
Ragnarsson| norir@mbl.is
FRÉTTIR
BÆNAGANGA þar sem haft er að
leiðarljósi að ganga gegn myrkrinu í
þjóðfélaginu fer fram í fyrsta skipti
á Íslandi laugardaginn 10. nóvem-
ber.
Í fréttatilkynningu segir að með
myrkrinu sé átt við neikvæða áhrifa-
þætti í lífi margra fjölskyldna. Þar
má nefna vonleysi, fátækt, áfengis-
neyslu, vímuefnaneyslu, ofbeldi og
sjálfsmorð.
Lagt verður af stað frá Hallgríms-
kirkju kl. 14 og gengið að Austur-
velli. Þar verður sameiginleg bæna-
stund þar sem beðið verður fyrir
íslensku þjóðinni og m.a. verður beð-
ið fyrir því að myrkrið víki fyrir ljósi
lífsins í Jesú nafni. Í kjölfar göng-
unnar verður ráðamönnum afhent
áskorun þess efnis að kristinfræði-
kennsla verði efld í skólakerfinu og
auknu fé varið til forvarnastarfs.
Stórtónleikar verða haldnir í
Laugardalshöll kl. 18 en dagskráin
verður fram eftir kvöldi. Ýmsir tón-
listarmenn koma fram og fluttir
verða vitnisburðir. Aðgangur er
ókeypis og dagskráin er fyrir alla
fjölskylduna.
Allir sem vilja taka þátt í bæna-
göngunni eru í fréttatilkynningu
hvattir til þess. Sumir vilja kannski
ganga í minningu einhverra sem lát-
ist hafa, ganga fyrir vin, ættingja
eða kunningja.
Í undirbúningsnefnd bænagöng-
unnar eru fulltrúar þjóðkirkju, frí-
kirkna og annarra kristinna söfnuða.
Nánari upplýsingar er hægt að nálg-
ast á www.baenaganga.com.
Gengið gegn
myrkrinu í þjóðfélaginu
LEIFUR Örn Svavarsson stóð á há-
tindi sjötta hæsta fjalls jarðar, Cho
Oyu, í 8.201 metra hæð, aðfaranótt 2.
október sl. Leifur er sjötti Íslending-
urinn sem rýfur 8.000 metra múrinn.
Fyrirlestur og myndasýning Leifs
um ferðina á Cho Oyu verður haldin í
Salnum Kópavogi mánudaginn 12.
nóvember kl. 20.
Leifur tók þátt í fjölþjóðlegum
leiðangri á vegum nýsjálensku ferða-
skrifstofunnar Adventure Consult-
ants. Leiðangursfólkið kom víða að,
en ekki áttu allir erindi sem erfiði.
Yfirlýst hetja þessa leiðangurs var
maðurinn sem ætlaði sér að verða sá
fyrsti til þess að klífa 8.000 metra
tind, einfættur með hækju, Ástralinn
Will Elrick. Þó hann hafi ekki komist
alla leið upp á hátindinn fór hann
langleiðina. Hann fór hægar yfir en
aðrir leiðangursmeðlimir og var því
enn á uppleið þegar toppafarar hófu
niðurferð sína. Leiðangursstjórinn
afréð þá að snúa honum niður líka.
Leifur segir frá þessari ferð sinni í
máli og myndum mánudagskvöldið
12. nóvember í Salnum í Kópavogi kl.
20. Íslenskir fjallaleiðsögumenn og
66°Norður hafa veg og vanda af
skipulagi og undirbúningi mynda-
sýningarinnar en Leifur sjálfur sér
um að fræða um ferðalagið í mynd-
um og minningum.
Ferðin á Cho Oyu
í máli og myndum
Nánari upplýsingar veita:
Hallur Ólafur Agnarsson,
löggiltur fasteignasali á Spáni
Finnbogi Hilmarsson,
löggiltur fasteignasali
LÁTTU DRAUMINN RÆTAST!
COSTA FLAMENCA – PLAYA FLAMENCA
Rúmgott raðhús á tveimur hæðum. Stór og góð verönd með góðum palli.
Borðstofa, stofa, mjög gott eldhús með geymslu og þvottahúsi. Öll
húsgögn fylgja ásamt borðbúnaði. Sameiginlegur sundlaugargarður.
238.000 €
EL MELROSE 1 – LA FLORIDA
Sameignin í El Melrose hefur að geyma 11 íbúðir í tveim raðhúslengjum
sem koma í kringum sameiginlega sundlaug. Garðurinn er vel girtur af og
lokaður, lykil þarf til að komast inn og út úr garði. Húsið er um 110 fm
með þrem svefnherbergjum. Hentar afskaplega vel fyrir fólk með börn.
195.000 €
LA ROTONDA – AQUA MARINA
La Rotonda íbúðarhótelið er staðsett rétt fyrir utan borgina Torrevieja.
Íbúðin er með tveim svefnherbergjum og svefnsófa í stofu, gistiaðstaða
fyrir allt að 6 manns. Aðeins 300 m að sjó og í göngufæri við alla
þjónustu. Sameiginleg sundlaug og bílastæði í kjallara.
199.000 €FRÁ
EL FARO – AQUA MARINA
Falleg penthouse íbúð með tveim svefnherbergjum. Stutt er í alla
þjónustu svo sem vín- og veitingahús, matvörumarkaði, apótek,
heilsugæslu, banka og fleira. Aðeins eru 300m að sjó.
205.000 €
ESTRELLA – AQUA MARINA
Falleg penthouse íbúð staðsett í Aqua Marina hverfinu. Íbúðin er ný og
hefur aldrei verið búið í henni. Mjög gott útsýni út á miðjarðarhaf.
Sameiginleg sundlaug fylgir og bílastæði í lokuðum garði. Kjarakaup.
235.000 €
ALDEAS 49 – AQUA MARINA
Endaraðhús staðsett í nýju hverfi sem heitir Aqua Marina sem margir
þekkja undir nafninu Cabo Roig skammt frá Torrevieja. Öll þjónusta er í
hverfinu. Öll húsgögn fylgja. Skemmtileg sameiginleg sundlaug er við
hliðin á húsinu.
249.000 €
Er draumahúsið þitt á Spáni?
Fasteigna- og leigumiðlun Íslendinga á Spáni
Síðumúli 13 – Sími 517 5280 – www.gloriacasa.isSíðumúli 13 – Sími 530 6500 – www.heimili.is