Morgunblaðið - 08.11.2007, Blaðsíða 52

Gaman væri að
kíkja í þeirra
draslskúffur …54
»
reykjavíkreykjavík
„ÞÚ hér? Nei, hæ! Hva … rosalega
þekki ég marga hérna,“ sagði blús-
maðurinn Halldór Bragason hissa
þegar hann gekk inn í tónleikasal
Domo í fyrrakvöld, eftir að hafa ver-
ið narraður þangað af vinum sínum,
á fölskum forsendum. Salurinn var
þéttsetinn blúsfólki og tilefnið – sem
Dóri Braga hafði ekki hugmynd um
– var að heiðra hann á afmæli hans
og afmæli Blúsfélags Reykjavíkur.
KK var á sviðinu, spilaði á gítar með
„vinum Dóra“ Ásgeiri Óskarssyni
trommuleikara og Jóni Ólafssyni
bassaleikara – og enn vissi Dóri ekk-
ert. En þegar KK hóf upp raustina
og söng Welcome Mr. Bluesman,
we’re happy to see you here, fóru
grunsemdir blúsmannsins að vakna.
KK bauð Dóra að taka eitt lag með
„vinunum“ og þegar Dóri fór að
handfjatla gítarinn, Fender Strato-
caster Special Edition, rak hann
augun í texta aftan á gripnum þar
sem stóð: „Blúsunnendur á Íslandi
vilja heiðra þig, Halldór Bragason,
með þessum gítar, fyrir þrotlausa
vinnu þína í þágu blústónlistar á Ís-
landi. Megir þú vel njóta. Blúsmenn
Íslands.“
Dóri Braga var að vonum snort-
inn; mundaði hljóðfærið og sigldi
djúpt inn í kviku blússins í nokkrum
lögum. Það var þakklát gleðistemn-
ing í salnum á báða bóga; Dóri þakk-
aði innilega fyrir sig eftir að blú-
svinir höfðu fylgt gjöfinni úr hlaði
með ávörpum og heillaóskum.
Halldór Bragason hefur víða kom-
ið við í blúsnum, bæði hér heima og
vestanhafs. Hann hefur spilað með
blúsgoðsögnum á borð við Jimmy
Dawkins, Pinetop Perkins og Billy
Boy Arnold og er í dag listrænn
stjórnandi Blúshátíðar í Reykjavík.
Hva … þú hér?
Tekinn Dóri Braga skoðar nýja gítarinn, Ásgeir Óskarsson og Sigurbjörn
Þorsteinsson blúsvinur skemmta sér yfir undrun blúsmannsins.
Blúsvinir heiðruðu Dóra Braga og gáfu honum gítar
 Elsta starfandi
hljóðfæraverslun
landsins, Hljóð-
færahúsið, fagnar
91. árs afmæli um
þessar mundir og
mun af því tilefni
bjóða upp á frábæra tónlist-
arskemmtun í nýrri búð að Síðu-
múla 20 á laugardaginn.
Meðal þeirra sem fram koma eru:
Mugison, Bardukha, Dr. Spock,
Raggi Bjarna, Hunang, Brain Po-
lice, Land og Synir, Jazz Kvartett
Guðmundar Steingrímssonar, Sig-
urður Flosason, Sigg, Kvintett
ungra tónlistarmanna, trommu-
hringur með Karli Ágústi auk þess
sem Bjarni töframaður stýrir happ-
drætti. Hipp, hipp, húrra!!!
Stórstjörnur í nýju
Hljóðfærahúsi
Eftir Árna Matthíasson
arnim@mbl.is
TALSVERT hefur verið rætt um það undanfarið
að íslenskri tónlist sé dreift á ólögmætan hátt á
netinu og gjarnan vísað í torrent-dreifingu og
vefsetrið Torrent.is. Torrent-dreifing nýtur
mikilla og vaxandi vinsælda og talið að þeir sem
noti slík net að staðaldri skipti tugum, ef ekki
hundruðum milljóna, en þess ber að geta að tor-
rent-dreifing er ekki bara fyrir ólöglegt efni.
Þeir sem leita að efni til að sækja á þennan
hátt fara iðulega á svonefndar torrent-síður eins
og Torrent.is í leit að efni. Þar er þó ekki geymt
ólöglegt efni heldur vinna þau eins og nokkurs-
konar leitarvélar sem hjálpa mönnum að finna
það efni eða þá torrenta sem þeir leita að.
Sá sem sækir dreifir
Dreifing á efni með torrent-tækni byggist á
því að sá sem vill sækja efnið sækir skrá, til að
mynda til Torrent.is, sem inniheldur slóðina á
deilitölvu eða „tracker“, skráaheiti og aðrar
upplýsingar um viðkomandi skrá. Yfirleitt nota
menn síðan sérstakan hugbúnað til þess að
sækja skrána eða skrárnar og sækja hana þá
iðulega á margar tölvur í einu.
Í samtali við Morgunblaðið 1. október 2004
segir Eiríkur Tómasson, lögmaður STEFS, Sam-
bands tónskálda og eigenda flutningsréttar, að
vafasamt sé að telja það lögbrot að hala niður
tónlist eða öðru efni af netinu til einkanota. Í
fréttinni kemur aftur á móti fram að það sé tví-
mælalaust brot á höfundarrétti að setja verk á
netið í óþökk höfundar, enda megi ekki birta
eintök af verki höfundar nema með hans sam-
þykki.
Nú er því svo háttað í langflestum tilfellum
með torrent-hugbúnað að notandi byrjar að
deila gögnum um leið og þau berast inn á tölvu
viðkomandi, þ.e. um leið og fyrstu bætin eru
skrifuð á hraðan disk tölvunnar hafa aðrir tor-
rent-notendur aðgang að þeim. Það liggur því
ljóst fyrir að obbinn af þeim, ef ekki allir, sem
sótt hafa sér plötur með Sprengjuhöllinni, Páli
Óskari eða öðrum listamönnum, innlendum sem
erlendum, hafa um leið deilt efninu með öðrum
notendum og þar með brotið á rétti listmann-
anna.
Stress og heimtufrekja
Samkvæmt heimildum mínum sendu lögmenn
höfundarrétthafa aðstandendum Istorrent, sem
rekur Torrent.is, bréf fyrir rétt rúmu ári. Í það
bréf var vitnað á spjallborði setursins 18. októ-
ber 2006 og kemur fram að bréfið hafi verið sent
fyrir SMÁÍS (Samtök myndrétthafa á Íslandi),
Framleiðendafélagsins – SÍK og Samtóns (sam-
band STEF, FHF, FÍH og FÍL).
Sá sem skrifar á spjallborðið, Svavar Kjarr-
val, og titlaður er stjórnandi, ber sig illa undan
bréfinu og veltir upp ýmsum spurningum um
það hvort og þá hvers vegna hann ætti að halda
áfram að reka vefinn, enda hafi hann „ekki
mikla löngun til að standa í mögulegum mála-
ferlum“.
„Persónulega hef ég lítið annað upplifað en
stress og heimtufrekju þann tíma sem ég hef séð
um vefinn,“ heldur hann áfram og segir síðar í
færslunni: „Mestalla ævi mína hef ég stundað
það að fórna sjálfum mér fyrir aðra en í þetta
skiptið óska ég eftir einni góðri sjálfselskri
ástæðu (ánægjan af því að gera þetta dugar
ekki). Einhver sem getur veitt mér hana?“
Af skrifum stjórnandans má ráða að hann tel-
ur líklegt að reksturinn gangi á svig við lög og
að vefsetrið og hann þar með verði lögsótt fyrir
starfsemina fyrr eða síðar.
„Höfundalögin fjalla um „að stuðla að dreif-
ingu“ svo vefurinn sleppur ekki … Að hýsa vef-
inn erlendis firrir mig ekkert ábyrgð þar sem ég
mun ennþá búa á Íslandi og ennþá kæranlegur
undir sömu aðstæðum. Auk þess hef ég enga sér-
staka lyst á að byrja upp á nýtt eða nota svoleið-
is bellibrögð til að komast undan ábyrgðinni.“
Á endanum tóku hann og aðrir aðstandendur
Torrent.is þá ákvörðun að halda rekstrinum
áfram í óbreyttri mynd þangað til annað yrði
ákveðið og klykkir út með: „Istorrent vill til-
kynna þeim rétthöfum sem telja að vísað sé til
efnis í þeirra eigu að það væri eðlilegur farveg-
ur að birta Istorrent-tilkynningu um það í sam-
ræmi við 15. grein laga 30/2002 og mun verða
brugðist við slíkum tilkynningum eins fljótt og
auðið er.“
Sá sem sækir dreifir
Torrent-notendur stunda alla jafna ólögmæta dreifingu á efni
Morgunblaðið/Eggert
Stuldur Sprengjuhöllin, vinsælasta hljómsveit landsins nú um stundir, hefur orðið fyrir barðinu á not-
endum Torrent.is. Þeir sem hafa halað tónlist hennar niður hafa dreift henni.
 Hljómsveitirnar Múm og Seabe-
ar halda í þriggja vikna tónleika-
ferð um Evrópu í lok þessa mán-
aðar. Ferðin hefst í Hollandi en þá
liggur leiðin til Skandinavíu áður
en hópurinn heldur aftur suður á
bóginn til margra af stærstu borg-
um Evrópu. Hátt í tuttugu manns
verða með í för og hefur forláta
tveggja hæða langferðabíll verið
leigður undir ferðalagið.
Evróputúr á tveggja
hæða langferðabíl
 Hjá RÚV eru menn víst afar
stoltir um þessar mundir vegna
góðrar niðurstöðu úr könnun á
sjónvarpsáhorfi og Egill Helgason
ekki hvað síst, þar sem Silfrið hefur
rokið upp í áhorfi frá því sem áður
var á Stöð 2. Hins vegar hefur þátt-
urinn ekki breyst mikið fyrir utan
það að menningarumfjöllun sem áð-
ur var til staðar hefur flust yfir á
Kiljuna. Og hverju má þá þakka
aukið áhorf? Fleiri sjónvarps-
sendum?
Getur Egill verið stoltur af því?
Ný stöð, sama Silfrið