Morgunblaðið - 06.01.2008, Page 2

2 SUNNUDAGUR 6. JANÚAR 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Sigurlaug Jakobsdóttir, dagskra@mbl.is mbl.is netfrett@mbl.is Guðmundur
Sv. Hermannsson fréttastjóri gummi@mbl.is
Eftir Hjálmar Jónsson
hjalmar@mbl.is
GERT er ráð fyrir að nefnd félags-
málaráðherra um úrbætur í hús-
næðismálum skili af sér skýrslu og
tillögum á næstu dögum. Fundur
átti að vera í nefndinni nú á föstu-
daginn, en honum var frestað án
þess að nýr fundur væri tímasettur.
Þorbjörn Guðmundsson, fram-
kvæmdastjóri Samiðnar, sambands
iðnfélaga, sem situr í nefndinni fyrir
hönd Alþýðusambands Íslands, seg-
ist telja að efnislegt samkomulag sé
í nefndinni. Fyrir jól hafi fulltrúi
fjármálaráðuneytisins hins vegar
óskað eftir að efnisatriði skýrslunn-
ar yrðu betur kostnaðarmetin og
það hafi ekki tekist fyrir áramót.
Fundur hafi verið ráðgerður nú á
föstudag til að ganga frá skýrslunni,
en honum hafi verið frestað. Nýr
fundur hafi ekki verið boðaður en
hann hljóti að verða í næstu viku.
Óþolinmóðir
„Það er alveg klárt mál að við í
Alþýðusambandinu erum orðnir
mjög óþolinmóðir eftir að skýrslan
verði lögð fram svo hægt sé að taka
næstu skref,“ sagði Þorbjörn.
Upphaflega lagði félagsmálaráð-
herra fyrir nefndina að hún skilaði
af sér tillögum 1. nóvember en hún
var sett á laggirnar í síðari hluta
ágústmánaðar í sumar. Verkefni
nefndarinnar er að móta tillögur
sem miða að því að efla hinn fé-
lagslega þátt húsnæðislánakerfis-
ins, þar með talinn leigumarkaðinn,
og lánveitingar til fólks undir skil-
greindum eigna- og tekjumörkum.
Jafnframt þurfi að skilja með skýr-
ari hætti á milli almennra og fé-
lagslegra lánveitinga og er hlutverk
nefndarinnar meðal annars að
tryggja aðgengi að lánsfé fyrir þá
sem eru að kaupa húsnæði í fyrsta
sinn, íbúa á landsbyggðinni og lág-
tekjufólk.
Í nefndinni eiga sæti fulltrúar fé-
lagsmála- og fjármálaráðuneytis,
Reykjavíkurborgar, Sambands
sveitarfélaga, Alþýðusambandsins,
Samtaka atvinnulífsins og Banda-
lags starfsmanna ríkis og bæja.
Fram hefur komið að alls eru um
2.750 manns í landinu öllu á biðlist-
um eftir félagslegu húsnæði, tæp-
lega 1.500 hjá sveitarfélögum og
1.100 bíða eftir námsmannaíbúð.
Um 70% þeirra eru með heildar-
tekjur lægri en 150 þús. kr. á mán.
Tillagna nefndar um úrbætur
í húsnæðismálum að vænta
Fulltrúi Alþýðusambands Íslands seg-
ir efnislegt samkomulag í nefndinni
Morgunblaðið/Ásdís
Biðlistar Um 2.750 manns eru á biðlistum eftir félagslegu húsnæði.
ÞAÐ er um að gera að taka lífinu með ró í um-
ferðinni og hyggja vel að öllu. Það er aldrei of
þar sem bifreiðaeign er orðin miklu almennari
en hún hefur nokkru sinni verið.
varlega farið enda hefur umferð, einkanlega í
höfuðborginni, stóraukist á umliðnum árum
Morgunblaðið/Golli
Íhugull í umferðinni
Eftir Sunnu Ósk Logadóttur
sunna@mbl.is
„ÞETTA er því miður alltaf að ger-
ast annað slagið í okkar þjóðfélagi
en það er þó ekki mín tilfinning að
það sé að aukast,“ segir Guðrún K.
Þórsdóttir, djákni í Laugarnes-
kirkju, um þær fréttir að maður
sem fannst í íbúð sinni í Breiðholti
nú í vikunni hafi verið látinn í marga
daga án þess nokkur hafi vitjað
hans.
Spurð hvort hún telji einstæðing-
um vera að fjölga í íslensku sam-
félagi svarar hún: „Mér finnst sam-
félagið bjóða upp á það að fólk sé
mjög eitt, sérstaklega þeir sem eiga
lítið og eru jafnvel búnir að brenna
allar brýr að baki sér. Þetta fólk er
alveg eitt í raun og veru og kærir sig
jafnvel ekki um nein afskipti heldur.
Við verðum líka alltaf að gæta þess
að fara ekki inn á svæði fólks, allir
eiga sitt heimili og einkalíf. Þannig
að þetta er gríðarlega vandmeðfar-
ið.“
Guðrún segir að nú á tímum væri
hægt að nýta tæknilegar lausnir
meira til að fylgjast með fólki sem
er í þessari stöðu. Mögulegt væri
t.d. að koma fyrir skynjurum í íbúð-
um sem gæfu frá sér merki ef hreyf-
ingar yrði ekki vart í ákveðinn tíma.
Slíkri þjónustu væri t.d. hægt að
koma upp í leiguíbúðum Öryrkja-
bandalagsins og borgarinnar.
„Þannig að það eru til lausnir, það
þarf bara að leggjast yfir þær,“ seg-
ir hún. Guðrún sinnir í sínu starfi
m.a. íbúum í leiguíbúðum Öryrkja-
bandalagsins í Hátúni í Reykjavík.
Það voru nágrannar mannsins,
sem fannst látinn í íbúð sinni í
Breiðholti, sem fóru að undrast um
hann og létu lögreglu vita. „Mér
finnst það yndislegt og gott,“ segir
Guðrún.
Fylgist með nágrönnum sínum
„Það er einmitt þetta sem ég legg
upp úr við fólkið mitt í Hátúni, að
það fylgist með nágrönnum sínum
og láti vita. En svo eru aðrir sem
halda sig utan við allt og erfiðara er
að fylgjast með.“ Hún segir því ná-
grannagæslu, t.d. í Hátúni, mjög
góða og segir það ekki sína tilfinn-
ingu að náungakærleikurinn sé á
undanhaldi í þjóðfélaginu.
Koma mætti upp skynjurum sem gæfu merki ef engin hreyfing er
Einstæðingunum hefur
fjölgað í nútímasamfélagi
FINNBOGI Böðvarsson, skipstjóri á fjöl-
veiðiskipinu Þorsteini ÞH-360, segist vera
að vonum ánægður með fyrstu loðnu árs-
ins. „Verður maður ekki að vera það?
Þetta er betra en að sigla um sjóinn og
gera ekki neitt,“ sagði hann í samtali við
fréttavef Morgunblaðsins skömmu fyrir
hádegi í gær. Hann fékk 100 tonn eftir
stutt tog.
Finnbogi sagðist vera að klára að frysta
aflann um borð og að reynt yrði að kasta
aftur eftir hádegið í gær en þá var leið-
indaveður á miðunum. Finnbogi sagði að
loðnan mætti vera stærri.
Þorsteinn ÞH var staddur um 50 sjómíl-
ur norður af Hraunhafnartanga sem er
norðan við Melrakkasléttu. „Maður sér að
það er eitthvað hérna svo maður stenst
ekki að kasta trollinu til að reyna að fá
eitthvað meira,“ sagði Finnbogi að lokum.
100 tonn af loðnu
eftir stutt tog
GERT er ráð fyrir að þorskeldi Hraðfrysti-
hússins Gunnvarar í Hnífsdal muni skila
600-700 tonnum á þessu ári, að sögn Þór-
arins Ólafssonar, sjávarútvegsfræðings og
framkvæmdastjóra þorskeldissviðs hjá fyr-
irtækinu. Alls vinna sex menn að staðaldri
við framleiðsluna, sem var um 550 tonn í
fyrra, en fyrirtækið hóf fyrstu tilraunir með
eldið árið 2001.
Sláturstærðin er 3-4 kíló og segir Þór-
arinn að gæðin séu mikil, fiskurinn hvítur
og fallegur og ormalaus. „Við erum nú með
tíu 90 metra kvíar og því vel búnir ef ákveð-
ið verður að stækka. Okkur vantar hins veg-
ar meiri fisk.
Eldisþorskurinn er mjög þægilegur við-
fangs, með lengri hillutíma en sá villti, og
fínt að vinna hann. Fiskurinn er að verða
fjögurra ára þegar við slátrum honum, ef
miðað er við klakið. Við fullvinnum allan
fiskinn hér, þetta fer meira og minna í
ferskar afurðir sem við seljum mikið á
ferskfiskmarkaði í Bretlandi og á megin-
landinu. Verðið á þessum afurðum er hátt,
eiginlega sama verð og fyrir góðan, villtan
fisk, svo að við erum sáttir.“
Um er að ræða tvenns konar eldi. Annars
vegar er svonefnt áframeldi, en þá veiða
menn villtan þorsk, eins til tveggja kílóa
fisk, sem síðan er alinn yfirleitt á loðnu eða
síld upp í sláturstærð og tekur það að jafn-
aði 8-10 mánuði. Hins vegar er um að ræða
aleldi en þá eru fengin seiði úr seiðaeld-
isstöð sem fyrirtækið rekur í Ísafjarðar-
djúpi með Brimi.
Aleldisfiskurinn er mestalla sína ævi í
sjókvíunum, 20-30 mánuði, og er alinn á
þurrfóðri frá Fóðurblöndunni en einnig á
fóðri frá Noregi. Aleldisþátturinn er nú orð-
inn stærri en áframeldið.
Þórarinn segir að framan af hafi seiða-
sjúkdómar valdið áföllum en fyrirtækið sé
stöðugt að ná betri tökum á þeim vanda,
menn læri af reynslunni. Verst sé að ekki sé
til stór seiðaframleiðslustöð eins og norsku
þorskeldisfyrirtækin geti leitað til. Þangað
til slík stöð rísi hérlendis sé greinin dálítið í
lausu lofti.
Þorskeldið
gengur vel
í Hnífsdal
Munu slátra 600-700
tonnum af fiski á árinu
TVEIR gistu fangaklefa lögreglunnar á
Suðurnesjum í fyrrinótt, annar vegna
fíkniefnamáls og hinn vegna mótþróa við
tollverði við komu til landsins í Flugstöð
Leifs Eiríkssonar. Hann var ölvaður og
var með uppsteyt þegar tollverðir áttu við
hann orð.
Af öðrum lögreglumálum suður með sjó
var það helst að frétta að kona á fimm-
tugsaldri var kærð fyrir meinta ölvun við
akstur.
Mótþrói við toll-
verði kostar sitt
♦♦♦