Morgunblaðið - 19.04.2008, Blaðsíða 23

|laugardagur|19. 4. 2008| mbl.is
daglegtlíf
Þegar ég var fimm ára baðég mömmu að kenna mérað prjóna en hún sagði aðég væri allt of ung til að
læra það. Þá fór ég bara til ömmu
og hún kenndi mér það á einum
klukkutíma. Til að sanna fyrir
mömmu að ég gæti þetta alveg
prjónaði ég strax húfu á systur
mína, án uppskriftar eða hjálpar.
Upp úr því fór ég að prjóna trefla
og húfur á vini mína og kunningja,“
segir Perla Steingrímsdóttir, 10 ára
nemandi í Víðistaðaskóla Hafn-
arfirði, en hún er hönnuður, sauma-
kona og prjónakona sem er friðlaus
í puttunum nema hún sé að búa
eitthvað til.
„Alltaf þegar ég kem heim úr
skólanum langar mig til að búa
eitthvað til sem ég get notað. Ég
fæ hugmyndir úr bíómyndum eða
þáttum sem ég horfi á í sjónvarp-
inu. Ég fæ líka hugmyndir þegar
ég er í ferðalögum og stundum
dreymir mig eitthvað sem kveikir
hugmynd,“ segir Perla sem alla tíð
hefur haft rosalega mikinn áhuga á
fötum. Hún grípur til sinna ráða
þegar hún sér flott föt fyrir full-
orðna í búðum, sem hún finnur
hvergi fyrir krakka. „Þá sauma ég
þau bara sjálf.“
Tískusýning í afmæli pabba
Saumaáhuginn vaknaði þegar
hún var sex ára og bað mömmu
sína að hjálpa sér við að sauma á
sig jólakjól, sem hún vissi auðvitað
nákvæmlega hvernig hún vildi hafa.
Þegar hún var átta ára krafði hún
móður sína um saumavélina hennar
sem hún vissi af úti í bílskúr, ónot-
aðri. „Ég lærði bara á hana sjálf og
fann fljótt út hvað hægt var að
gera með öllum tökkunum. En
maður má ekki flýta sér of mikið,
ég er búin að komast að því. Þá
getur allt mistekist.“
Efniskaup eru þó nokkur á heim-
ilinu vegna gríðarlegs saumaáhuga
dótturinnar. „Við mamma kaupum
mikið af efnum í Rúmfatalagernum
og IKEA. Einu sinni keyptum við
til dæmis flísteppi og ég saumaði
úr því mjög skrautleg föt og húfu,“
segir Perla sem er stoltust af
bleika kjólnum sínum sem hún
saumaði úr silki fyrir danskeppni,
en hún æfir samkvæmisdans.
„Þetta er flottasti kjóll sem ég hef
gert, en ég gat því miður ekki
keppt í honum vegna þess að dans-
félagi minn komst ekki í keppnina.“
En hún fann aðra leið til að skarta
honum, því hún og Harpa systir
hennar héldu tískusýningu nýlega í
afmæli pabba þeirra og uppskáru
mikið klapp frá gestunum.
Búningar í heilt leikrit
Hæfileikarnir hafa spurst út og
krakkar leita til hennar með að
hanna og sauma á sig föt. „Ein vin-
kona mín kom til dæmis til mín um
daginn og sagði mér frá hvernig
kjól hana langaði í sem hún væri
lengi búin að leita að. Hún lýsti
honum fyrir mér og ég var enga
stund að sníða og sauma hann. Ég
nota Hörpu systur mína til að máta
og finna út hvernig ég á að sníða
efnið.“
Stundum fær Perla hjálp frá vin-
konum sínum við saumaskapinn og
þannig var það þegar þær tóku sig
saman og gerðu margar flíkur á
einu bretti. „Við fórum nokkrar
saman á leiklistarnámskeið þegar
við vorum átta ára og við sættum
okkur ekki við að fá enga búninga
fyrir sýninguna okkar. Við saum-
uðum bara sjálfar búninga á alla þá
níu krakka sem voru í leikritinu og
komum leiklistarkennaranum á
óvart í leiðinni.“
Heldur námskeið heima
Perla heldur námskeið á hverjum
föstudegi heima hjá sér ásamt
tveimur vinkonum sínum, þeim
Ester Gunnarsdóttur og Indíönu
Rut Jónsdóttur. „Okkur langaði svo
til að kenna alls konar föndur svo
við bjuggum bara til okkar eigið
námskeið og nokkrar stelpur koma
í hverri viku beint eftir skóla heim
til mín og við erum í einn og hálfan
tíma að búa til hitt og þetta, eins
og til dæmis veski eða páskaskraut,
og við höfum líka bakað og málað.
Ég fékk leyfi til að halda þetta
heima með því skilyrði að ganga
vel frá eftir okkur, því það er eng-
inn fullorðinn heima á þessum
tíma. Þetta hefur gengið mjög vel
og er rosalega gaman.“ Perla tekur
námskeiðsgjald, sem er 100 krónur
á mánuði á mann, en það nýtist við
efnisöflun fyrir námskeiðin.
Hún hefur sannarlega trú á
sjálfri sér hún Perla og hún veit al-
veg hvað hún ætlar að gera í fram-
tíðinni. „Draumurinn minn er að
eiga tískufyrirtæki þegar ég verð
fullorðin, og þar verður snyrtistofa,
hárgreiðslustofa og fatabúð, allt á
sama stað. Þar ætla ég líka að
hanna föt á fólk eftir óskum.“
khk@mbl.is
Morgunblaðið/Valdís Thor
Svalar skvísur Perla hafði götutísku í huga þegar hún hannaði tígrísdýrakjólinn og föt með hauskúpumunstri.
Sumarlínan Perla er í fötum sem hún bjó til úr flísteppi en Harpa og Ester
eru í léttari fötum fyrir vorið, með blómaskrauti og blúndum.
Nýtt snið Harpa systir skartar hér
nýjasta kjólnum sem gerður var
fyrir vinkonu eftir óskum hennar.
Léttur og leikandi Ester vinkona
Perlu var hrifnust af þessum kjól
sem er skrautlegur og þægilegur.
Uppáhalds Perla í flotta silkikjóln-
um sem hún bjó til fyrir keppni í
samkvæmisdönsum sem hún æfir.
Flink Perla kann tökin á saumvélinni og Lind, mamma hennar, skoðar kjól
sem dóttirin hannaði og saumaði þegar hún var veik heima einn dag.
Stefnir að stofn-
un fjölþætts
tískufyrirtækis
„Ég get þetta ekki“ er setning sem ekki er til í
huga hennar og hún lætur ekkert stoppa sig í því
sem hún ætlar sér. Kristín Heiða Kristinsdóttir
hitti kraftmikla stelpu sem er afkastamikil í hönn-
un og saumaskap þrátt fyrir ungan aldur.
„Ég fæ líka hugmyndir
þegar ég er í ferðalög-
um og stundum dreymir
mig eitthvað sem
kveikir hugmynd.“
Morgunblaðið/RAX