Morgunblaðið - 19.04.2008, Blaðsíða 26

ferðalög
26 LAUGARDAGUR 19. APRÍL 2008 MORGUNBLAÐIÐ
Vorið er komið á Kópaskeri ef marka
má veðurblíðuna síðustu daga, sól,
logn og hiti hefur verið yfir frost-
marki að deginum.
Þetta eru snögg umskipti eftir
heldur kaldan og vindasaman vetur á
mælikvarða síðasta áratugar eða svo.
Eitthvað er nú samt í það að sólin
nái að bræða síðustu snjóskaflana úr
húsagörðum.
  
Grásleppuvertíðin stendur sem hæst
og hefur veiði verið góð en fram að
þessu hafa fimm bátar róið héðan, þó
ekki allir með heimahöfn á Kópa-
skeri. Gott verð fæst fyrir hrognin en
sjómenn hefðu eflaust ekkert á móti
því að fá enn meira fyrir tunnuna því
allur tilkostnaður hefur aukist í sam-
ræmi við annað í dýrtíðinni. Því mið-
ur eru hrognin ekki verkuð hér á
staðnum heldur á Raufarhöfn og
Húsavík.
Líkt og mörg undanfarin vor virð-
ist vera mikil þorskgengd í Öxarfirði.
Þannig hafa fjórir beitningarvéla-
bátar frá Húsavík mokfiskað síðustu
daga hér rétt úti fyrir og tveir
Grímseyjarbátar voru hér með
þorskanet fram að hrygningarstopp-
inu sem nú er í gildi. Það hefur því
verið líflegt við höfnina sem hefur
góð áhrif á mannlífið og fjölgar þeim
sem þurfa á þjónustu að halda í þorp-
inu.
  
Fjallalamb, sem er þekkt fyrir há-
gæðaframleiðsluvörur sínar, er jafn-
framt langstærsti vinnustaðurinn á
staðnum. Nýlega fóru flestir starfs-
menn fyrirtækisins ásamt mökum í
helgarferð til Berlínar. Til fjáröfl-
unar fyrir ferðina gafst Kópa-
skersbúum og nærsveitungum tæki-
færi til að fara út að borða þar sem
starfsfólk þjónaði til borðs og hægt
var að smakka á hinum ýmsu vörum
Fjallalambs, þannig var um eins-
konar vörukynningu að ræða í leið-
inni. Skemmtileg nýbreytni sem von-
ir standa til að verði endurtekin.
  
Kvenfélagið Stjarnan er einn af
hornsteinum samfélagsins.
Á fundi félagsins hinn 7. febrúar
s.l. var ákveðið að bjóða öllum 16 ára
og eldri á starfssvæði félagsins á
skyndihjálparnámskeið í samstarfi
við Öxarfjarðardeild Rauða krossins.
Þegar hafa verið haldin tvö námskeið
með samtals 26 þátttakendum þar
sem Þorsteinn Hymer fór yfir ýmis
atriði er varða skyndihjálp.
Þá heldur kvenfélagið vorfagnað í
Pakkhúsinu í kvöld, laugardags-
kvöld, fyrir íbúa við Öxarfjörð 67 ára
og eldri ásamt mökum.
  
Hestamannafélagið Feykir hélt
firmakeppni á ís á Klifatjörninni fyr-
ir skömmu í fallegu vetrarveðri en
einnig var keppt í unglingaflokki þar
sem Halldís Gríma Halldórsdóttir
varð hlutskörpust. Firmakeppnina
vann Ágúst Marinó Ágústsson og
keppti hann fyrir nýstofnað sveita-
verkstæði Einars Atla Helgasonar.
Að keppni lokinni fór verðlaunaaf-
hending fram í nýju reiðhöllinni á
Snartarstöðum þar sem keppendur
og áhorfendur gátu fengið sér kaffi
og með því. Verðlaunin voru af ýmsu
tagi, meðal annars heyrúlla af heima-
túninu á Snartarstöðum og 13 grá-
sleppur ásamt fjórum rauðmögum.
Kór Snartarstaðakirkju fór í ferðalag
um síðustu helgi ásamt stjórnanda
sínum Birni Leifssyni. Ferðinni var
heitið í Þóroddsstaðakirkju í Kinn til
samsöngs með kórnum þar en und-
irbúningur fyrir mótið hefur staðið
yfir í vetur hjá báðum kórunum.
Í leiðinni notuðu kórfélagar tæki-
færið og sungu fyrir íbúa á Dval-
arheimili aldraðra í Hvammi á Húsa-
vík.
  
Öxarfjarðarskóli – Krílakot, heild-
stæð skólastefna undir einu þaki,
barnið í brennidepli, var yfirskrift
fundarboðs um kynningarfund sem
haldinn var í Lundi á þriðjudaginn
var. Þar var kynnt sú tillaga að koma
allri starfseminni, grunnskóla og
leikskóla, fyrir í Lundi strax við upp-
haf næsta skólaárs haustið 2008 og
leggja þar með niður þessa þjónustu
á Kópaskeri.
Ef þessi tillaga nær fram að ganga
er líklega um að ræða einsdæmi á Ís-
landi hvað það varðar að leggja alfar-
ið niður grunnþjónustu eins og skóla
og leikskóla í þorpi eða þjón-
ustukjarna.
Þetta er ekki í fyrsta sinn sem tek-
ist er á um skólamál í héraðinu en
venjulega hafa það verið þeir sem
halda utan um peningana sem hafa
farið fram á breytingar og þá yf-
irleitt með væntingar um sparnað
eða hagræðingu í huga en nú ber svo
við að erindið berst úr óvæntri átt,
frá starfsfólki skólans, og svo virðist
sem peningar séu aukaatriði.
KÓPASKER
Kristbjörg Sigurðardóttir fréttaritari
Morgunblaðið/Kristbjörg Sigurðardóttir
Skólafundur Kynnt var tillaga um að koma grunnskóla og leikskóla fyrir í
Lundi fyrir næsta skólaár og leggja niður þessa þjónustu á Kópaskeri.
Rúnar Kristjánsson frá Skaga-strönd sendir vísur í tilefni af
sumarkomunni:
Mammons aura græðgin grimma
grípur marga sál í dag.
Svo að andleg dauða dimma
dregst um allan lífsins brag.
Englar gráta í Herrans heimi
hjartasárum ekka nú,
yfir mannsins öfugstreymi,
yfir skorti á dyggð og trú.
Skyldi aldrei um þar batna,
oft er döpur sála mín.
- Sjást til næðis vígðra vatna,
víst er þörfin á því brýn.
Þó að margt í þankann risti
þá skal veginn ganga í trú.
Hjálpin ein og öll í Kristi
opnar mönnum sigurbrú.
Ljóssins Herra lífið veitir,
leitum þar í hreinan sjóð.
Hann í öllu högum breytir,
honum kveð ég sumarljóð.
pebl@mbl.is
VÍSNAHORNIÐ
Sumarljóð
frá Skaga-
strönd
úr bæjarlífinu
Það hefur lengi verið draum-ur minn að fara á þessarslóðir,“ segir IngibjörgKristjánsdóttir. „Ég hef
áður komið til Úganda, árið 2000, en
systir mín starfaði þá fyrir Þróun-
arsamvinnustofnun Íslands í land-
inu. Á þeim tíma voru einnig með
okkur hjónum í för tveir synir okkar
og þegar við leituðum eftir upplýs-
ingum um ferðir á górilluslóðir var
okkur tjáð að börnum yngri en 16
ára væri ekki heimilt að fara með í
slíkar ferðir. Það datt því um sjálft
sig þar sem báðir drengirnir okkar
voru yngri en 16 ára.“
Nú þegar systir Ingibjargar starf-
ar enn á ný í Úganda kom því ekkert
annað til greina en að láta drauminn
rætast. „Af þeim um það bil 700
fjallagórillum sem til eru í heiminum
er um helmingur þeirra á því svæði
sem við munum ganga um. Gengið
er í litlum hópum en um er að ræða
dagsferð. Þótt ferðaskrifstofan geti
auðvitað ekki lofað því að maður sjái
górillu, þá eru líkurnar að minnsta
kosti meiri en ef maður fer alls
ekki,“ segir hún full bjartsýni.
Ingibjörg ætlar þó ekki að láta
þar við sitja heldur tekur hún stefn-
una á að hlaupa hálft maraþon í Ken-
ýa í leiðinni, ásamt systur sinni. „Ég
hleyp mér til heilsubótar og hef gert
síðan 1996. Ég hleyp í hverri viku,
bæði inni á bretti og úti, og hef tekið
þátt í hálfu maraþonhlaupi á hverju
ári síðan 2000 þegar ég hljóp í fyrsta
skiptið. Það var yfir Eyrarsund-
sbrúna milli Danmerkur og Svíþjóð-
ar sem þá var verið að opna og var
hlaupið eins konar vígsla brúar-
innar,“ rifjar Ingibjörg upp.
Allur ágóði til dýraverndar
„Við systurnar höfum einnig
hlaupið hálft maraþon saman áður,
en það var í Stokkhólmi árið 2006.
Þetta hlaup sem við stefnum á nú
verður hlaupið í talsverðri hæð yfir
sjávarmáli, eða allt upp í 1.800
metra. Ég er pínulítið hrædd við
hæðina, en málstaðurinn er góður
því allur ágóði rennur til dýravernd-
ar í Kenýa. Svo væri bara ógleym-
anlegt að hlaupa maraþon í Afríku í
tilefni fimmtugsafmælisins,“ segir
Ingibjörg.
Hlaupið fer fram 28. júní í Lewa-
þjóðgarðinum í Kenýa og er þetta í
áttunda skiptið sem Safaricom-
maraþoninu, eins og það nefnist, er
hleypt af stokkunum. Þátttakendur
eru hvaðanæva úr heiminum.
Enn sem komið er hefur Ingi-
björg ekki hlaupið heilt maraþon
heldur lætur sér nægja þann rúm-
lega 21 kílómetra sem hálft maraþon
er. „Ég hleyp mér til ánægju. Þar
held ég til dæmis að sé munur á
mörgum körlum og konum í þessu;
þær hlaupa sér til ánægju en karl-
arnir hlaupa til þess að vinna,“ segir
hún að lokum og hlær.
Hjá fjallagórillum
á fimmtugsafmælinu
Morgunblaðið/Frikki
Hlaupakona „Svo væri bara ógleymanlegt að hlaupa maraþon í Afríku í
tilefni fimmtugsafmælisins,“ segir Ingibjörg sem hefur hlaupið sér til
heilsubótar frá árinu 1996.
Þegar Ingibjörg Kristjánsdóttir verður fimmtug í
júlí verður því ekki fagnað með hefðbundinni
veislu, heldur er förinni heitið til Úganda í Afríku.
Þangað, segir Halldóra Traustadóttir, hefur hún
og maður hennar, Ársæll Harðarson, pantað sér
ferð á slóðir fjallagórilla í Bwindi-þjóðgarðinum
sem er á landamærum Úganda og Rúanda.
mbl.issmáauglýsingar
AUGLÝSINGASÍMI
569 1100
Tr
ef
lar
o
g
sk
ar
t
C O N C E P T S T O R E
Laugavegi 7 • 101 Reykjavík
Sími 561 6262 • www.kisan.is
DVERG-
HAMRAR
Ljósmyndasýning
Rafns Hafnfjörð
í Listamannahúsinu START ART
Laugavegi 12b, efri hæð.
Opið laugardag og sunnudag
kl. 13.00 - 18.00.