Morgunblaðið - 19.04.2008, Page 54

… fólk sem þarf að
láta stytta buxurnar
sínar, fólk sem heldur
framhjá …57
»
reykjavíkreykjavík
ÍRSKI tónlistarmaðurinn Damien
Rice hefur staðfest komu sína á tón-
listarhátíðina Bræðsluna sem fram
fer á Borgarfirði eystri helgina 25.-
27. júlí.
Þetta verður í fjórða sinn sem há-
tíðin verður haldin en undanfarin ár
hafa komið þar fram Emilíana Torr-
ini, Belle & Sebastian, Magni, Meg-
as og Senuþjófarnir, Lay Low, Aldís
og Jónas Sigurðsson svo einhverjir
séu nefndir.
Bræðslan hefur vakið mikla lukku
þau þrjú ár sem hún hefur verið
haldin og hafa um 1.000 manns sótt
hana að jafnaði. Íbúafjöldi Borg-
arfjarðar Eystri telur um 150 manns
og því hefur verið um töluverða
margföldun að ræða þessa helgi í
byggðarlaginu. Tónlistarhátíðin
Bræðslan dregur nafn sitt af sam-
nefndum síldarskúr þar sem tón-
leikar hátíðarinnar fara fram í ansi
skemmtilegri umgjörð.
Damien Rice ætti að vera all-
nokkrum Íslendingum að góðu
kunnur enda komið hingað þrisvar
til tónleikahalds. Tvisvar hefur Da-
mien spilað fyrir troðfullu húsi á
NASA og svo tók hann þátt í nátt-
úrutónleikunum í Laugardalshöll á
sínum tíma. Damien hefur gefið út
tvær plötur á ferlinum sem selst
hafa í milljónum eintaka.
Emilíana og Magni
Emilíana Torrini er að hluta til
ábyrg fyrir því að Bræðslan fór af
stað á sínum tíma því hún kom fram
fyrsta árið sem hún var haldin og
svo einnig árið eftir og þá dró hún
Belle & Sebastian með sér. Emilíana
tók sér frí í fyrra en mætir nú aftur á
Bræðsluna galvösk. Búast má við því
að hún flytji lög sem hún hefur unnið
að fyrir næstu plötu.
Borgfirðingurinn og rokkstjarnan
Magni kemur einnig fram í sumar en
hann hefur verið einn af skipuleggj-
endum hátíðarinnar með Áskeli
Heiðari bróður sínum. Magni mun
að öllum líkindum koma fram einn
síns liðs.
Miðasala verður kynnt innan
skamms en nánari upplýsingar um
hátíðina má finna á www.borg-
arfjordureystri.is/
Damien Rice á Bræðslunni
Emilíana Torrini og Magni troða einnig upp fyrir austan
Íslandsvinur Damien Rice treður upp í fjórða skiptið hér á landi.
 Óhætt er að
segja að Rík-
issjónvarpið beri
enn höfuð og
herðar yfir aðrar
sjónvarpsstöðvar
þegar litið er til
áhorfs og það styður fjölmiðlakönn-
un Capacent fyrir dagana 7.-13.
apríl. Sá þáttur sem fékk mest upp-
safnað áhorf var Söngkeppni fram-
haldsskólanna en þar mældist upp-
safnað áhorf 59,4 prósent í
aldursflokknum 12-80 ára. Þar á
eftir kemur Spaugstofan með 44,3%
og lokaþáttur Mannaveiða með
43,0% uppsafnað áhorf. Tíundi vin-
sælasti þáttur Ríkissjónvarpsins
þessa vikuna var Jörðin og nátt-
úruöflin með 34,6% en það er rúm-
um sjö prósentum meira áhorf en
vinsælasti þáttur Stöðvar 2, Am-
erican Idol (27,1%), fékk í sama ald-
ursflokki. Bandið hans Bubba situr
svo í þriðja sæti á lista Stöðvar 2
með 24,1% áhorf.
Flestir horfðu á Söng-
keppni framhaldsskóla
 Eins og fram kom í viðtali við
Óskar Guðjónsson saxófónleikara í
Morgunblaðinu í gær hefur nokkur
umræða skapast um það hvort rétt
sé að rukka inn á tónleika í borg-
inni. Vísa menn þá oft til nýrra
reglna kaffihússins Kaffi Hljóma-
lindar við Laugaveg þar sem segir
að aðeins skuli rukka inn á tónleika
í sérstökum undantekningartil-
fellum. Þykir mörgum þetta galin
þróun, sér í lagi þar sem íslenskir
tónlistarmenn hafa hingað til ekki
talist til hálaunafólks og kostnaður
við það að vera í hljómsveit er oft á
tíðum mjög mikill. Rekstraraðilar
Kaffi Hljómalindar meina eflaust
ekkert illt með þessum reglum en
fordæmið er slæmt.
Gefið frekar kaffið!
Eftir Gunnhildi Finnsdóttur
gunnhildur@mbl.is
GUNNLAUGUR Jónsson fyrirliði KR er aðdá-
andi Nýdanskrar númer eitt og einn helsti sér-
fræðingur landsins um allt sem viðkemur
hljómsveitinni. Hann er nú að undirbúa út-
varpsþætti þar sem hann ætlar að fara ofan í
saumana á rúmlega 20 ára ferli hljómsveit-
arinnar.
Hann segir að Nýdönsk hafi ekki end-
urgoldið honum stuðninginn með því að halda
með honum í boltanum. „Sá sem hefur mestan
áhuga á fótbolta í bandinu er Jón Ólafsson,
hann er mikill Þróttari þó að hann búi nú í
hjarta Vesturbæjar,“ segir Gunnlaugur. „Hinir
fjórir eru held ég ekki áhugamenn um knatt-
spyrnu en ég veit að þeir halda með mér núna í
sumar eftir að ég hef kynnst þeim aðeins.“
Tók mikið upp á vídeó
Gunnlaugur var unglingur við upphaf tíunda
áratugarins þegar hann kynntist fyrst tónlist
Nýdanskrar og hefur haldið tryggð við hana
síðan. „Já, ég hef líka sankað að mér ýmsu efni
með þeim í gegnum tíðina. Ég tók mikið upp á
vídeó það sem þeir voru að gera, svona þegar
þeir voru hvað heitastir. Allt þetta á ég í dag,“
segir hann.
Þetta efni nýtist honum við gerð nýrra þátta
um Nýdanska fyrir Rás 2 sem hefja göngu sína
sunnudaginn 11. maí. Þættirnir hafa verið lengi
í undirbúningi. „Kveikjan að þessu var þáttur
sem ég gerði á Akranesi þegar ég var í fjöl-
brautaskólanum þar,“ segir Gunnlaugur en
Skagamaðurinn Ólafur Páll á Rás 2 vann með
Gunnlaugi að þeim þætti og líka að þeim nýju.
„Þetta verður fimm þátta röð um hljómsveitina.
Þeir urðu 20 ára á síðasta ári og við ætlum að
fara vandlega ofan í ferilinn og hvað á daga
þeirra hefur drifið. Þeir tóku sér líka frí í
nokkur ár og við förum líka í gegnum það sem
þeir hafa verið að gera hver og einn.“
Auk þess efnis sem hann á sjálfur og þess
sem finnst í safni Rásar 2 þá hefur Gunnlaugur
tekið viðtöl við alla meðlimi sveitarinnar og
fleiri sem tengjast sögu hennar. Hann segist
ekki hafa fallið í stafi þegar hann komst í ná-
vígi við átrúnaðargoðin. „Ég hélt alveg andlit-
inu svo þetta var bara fín reynsla.“
Aðdáandi númer eitt
Gunnlaugur Jónsson, fyrirliði KR, undirbýr útvarpsþætti um Nýdönsk
Aðdáandi Gunnlaugur Jónsson fyrirliði meistaraflokks KR