Sjómannablaðið Víkingur - 01.02.1995, Blaðsíða 10

VÍKINGUR
Leitaði uppi einu krána
á Akureyri
Valdir kaflar úr viðtalsbók norska hvalakóngsins Steinars Bastesen
„Já, það er þessi kjaftfori,“ segja
Norðmenn þegar þeir heyra nafn
Steinars Bastesen nefnt. Síðan minn-
ast menn hans fyrir hvalveiðar og
langvinnar erjur við Grænfriðunga.
Steinar er leiðtogi norskra hrefnu-
veiðimanna og síðasta sumar rættist
draumur hans um að skjóta hrefnu á
ný eftir nokkurra ára hlé. Sjálfur stóð
hann þó ekki við byssuna. Hans
hlutverk var að rífa kjaft við Græn-
friðunga. Norðmenn kalla hann
„Norðlandskjaftinn".
Hrefnuveiðarnar gengu vel en
talsmáti Steinars stuðlaði ekki að friði
á miðunum. Grænfriðungar sáu í
honum óvin sinn númer eitt. Viðskipt-
um þessum lauk með sigri Steinars og
hans manna en Grænfriðungar eiga
yfir höfði sér dóma vegna tilrauna til
að stöðva hrefnuveiðarnar. Þeir hafa
ákveðið að leggja ekki í sumar til
atlögu við norska hvalakónginn,
hvorki á miðunum né í fjölmiðlum.
Salt á hverri síðu
Steinar ætlar hins vegar ekki að
leggja árar í bát. Hann heldur áfram
að rífa kjaft og fyrir áramótin kom út í
Noregi viðtalsbók þar sem „Norð-
landskjafturinn" lætur vaða á súðum.
„Það er salt á hverri síðu í bókinni og
víða meira en venjuleg hafgola þegar
kempan frá Brunneyjarsundi viðrar
skoðanir sínar,“ sögðu ritdómarar.
Bastesen - saga úr strandhéruðun-
um heitir bókin og er skráð af
blaðamanninum Joh-Arne Storhaug.
Lesendum Víkings gefst hér kostur á
að kynnast skoðunum Steinars og