Sjómannablaðið Víkingur - 01.02.1995, Blaðsíða 47

VÍKINGUR
Sigurður Ingólfsson, Litla Jóni KE:
Mun aldrei virða
þessi kvótalög
- segist frekar sitja í fangelsi í sex ár
en virða það sem hann kallar ólög
Mikil aflahrota er á miðunum við
Suðurnes og landburður af fiski, þeir
sem gleggst þekkja segja að heil 25 ár
séu síðan slík hrota kom síðast eða
árið 1970. Við brugðum okkur til
Sandgerðis að heyra í mönnum hljóð-
ið. Það var vertíðarstemmning á
bryggjunni í Sandgerði, en ekki er
hægt að segja að sjómenn væru með
gleðibragði þrátt fyrir þennan mikla
afla. Flestir sem við ræddum við voru
ómyrkir í máli um kvótalögin. Við
ræddum við Sigurð Ingólfsson, sem
var nýkominn úr róðri.
Megið spyrja mig hvort ég
hendi fiski
Voruð þið að fiska?
„Það var heldur minna en í gær. Við
erum á línu og fengum um 75 kíló á
bala, það er of lítið.“
Eruð þið í steinbítnum?
„Nei, ekki núna, en við höfum verið
það og það hefur verið ágætt.“
Hvað verður þá um þorskinn hjá
ykkur, ekki hendiði honum?
„Nei, en þið megið alveg spyrja að
því. Ég mundi henda honum ef hann
væri fyrir mér, en við eigum kvóta svo
þess þarf ekki með. Hitt get ég sagt
ykkur að ég myndi bara fleygja hon-
um, ég læt ekki búa til lög á mig sem
segja að þú eigir að reka fyrirtæki og
hirða aflann og þú eigir að tapa á því
sem þú kemur með inn. Þið megið
alveg hafa það eftir mér að ég mun
aldrei virða þessi kvótalög eins og þau
eru, aldrei. Ég læt frekar setja mig í
sex ára fangelsi en að virða þau, ég
heiti Sigurður Ingólfsson og þið meg-
ið alveg hafa þetta eftir mér.“
Örugg botnfesting
fyrir net og línur.
Framleiðsla DREGG.
°9 sala: Ari Jónsson, Jörvabyggð 14, Akureyri.
Sími: 96*11025, Farsími: 985*32556
Söluaðili
á Suður-
nesjum:
ÁSGEIR HJÁLMARSSON
Bakkastíg 16, Njarðvík, Sími: 92*11830
Sendum um allt land.
vy v wwiaáj
10 kg. 15 kg. 20 kg. 22 kg. 25 kg. 30 kg. f
47