Sjómannablaðið Víkingur - 01.12.1999, Síða 33

Frá Stykkishólmi
öðrum þjóðum. En að mínu mati fæst ekki niðurstaða í málið
nema í sæmilegri sátt við sjómannasamtökin. Þau verða hins vegar
að lina tökin svo hægt verði að skoða yfirvegað þá leið sem nefndin
kemur til með að leggja til að farin verði og hana megi skoða
fordómalaust."
Rannsóknir sjóslysa
-Svo við víkjum að öryggismálum sjómanna. Forveri þinn í
embætti lagði íýrir einu ári fram lagafrumvarp um rannsóknir
sjóslysa en það dagaði uppi í nefnd. Hefur málið verið lagt til
hliðar?
„Nei, það hefur ekki verið lagt til hliðar. Það komu fram miklar
athugasemdir við frumvarpið og nú er unnið að endurskoðun á
því. Ég stefni að því að leggja fram nýtt frumvarp fljótlega eftir
áramót og vona að það verði afgreitt á næsta þingi. Núverandi
rannsóknarnefnd sjóslysa hefúr fengið betri aðstöðu og meira
fjármagn. Það skiptir miklu máli að sjóslysanefnd vinni sjáifstætt
og væntanlegt frumvarp mun byggjast á þvi. Starf nefndarinnar
þarf fyrst og fremst að verða til að auka öryggi sjómanna.
Rannsóknir upplýsi hvað hafi farið úrskeiðis þannig að af því megi
læra og sátt ríki um þau vinnubrögð sem eru viðhöfð við rann-
sóknir sjóslysa. Núna er þessu þannig háttað að rannsoknar-
nefndin starfar samkvæmt siglingalögunum en það verður sett
sjálfstæð löggjöf um rannsóknir sjóslysa. Hluti af þessu er að auka
eftirlit með skipunum og skoðun á þeim. Að því er unnið innan
Siglingastofnunar og mikill vilji hjá starfsmönnum stofnunarinnar
til að eftirlitið verði sem best.“
-Það vakti ánægju meðal sjómanna þegar þú gafst út reglugerð
um sjálfvirkan sleppibúnað eftir að málinu hafði áður verið frestað
hvað eftir annað. Hvað varð til þess að þú tókst þessa ákvörðun?
„Fljódega eftir að ég kom í ráðuneytið var farið yfir stöðu þessa
máls. Eftir mjög vandlega athugun sýndist mér ekkert því til
fyrirstöðu að láta reglugerðina taka gildi. Það var vegna þess að
þessi búnaður var kominn í framleiðslu hjá fleirum en einum
aðila. Ástæða frestunar á gildistöku reglugerðarinnar var sú að við
gátum ekki sett þessa kröfu á útgerðina sökum þess að búnaðurinn
var þá ekki kominn í framleiðslu og það var mat manna að minnst
tveir aðilar þyrftu að keppa um sölu á búnaðinum. Það var mitt
mat að það yrði að taka af skarið og gera útgerðarmönnum ljóst að
þeir hefðu bara tiltekinn frest til að koma búnaðinum fýrir. Ég
fagna því hve viðbrögð þeirra voru góð. Utvegsmenn hafa ekki
gert neinar athugasemdir við þetta og ég veit ekki annað en að það
sé unnið fullum fetum að því að koma þessum búnaði í skipin.
Mér sýnist því að ákvörðunin hafi verið rétt og tímabær. Það er
ánægjulegt fýrir samgönguráðuneytið og Siglingastofnun að það
tókst að koma þessu á í fúllri sátt. Sjálfvirki sleppibúnaðurinn
verður að vera til staðar við skoðun skipa eftir áramótin og þar
með ætti þetta baráttumál sjómanna að vera komið í höfn. Með
þessu göngum við lengra en alþjóðareglur um björgunarbtinað
mæla fýrir um og er það vel. I framhaldi af þessu get ég sagt frá því
að í kjölfar ferjuslyssins í Noregi sáum við í ráðuneytinu ástæðu til
þess að beina því til Siglingastofnunar og Slysavarnarskóla sjó-
manna, að úttekt yrði gerð á ástandi ferja hér við land og hvort
neyðaráætlanir stæðust. Þetta er gert í samstarfi við útgerðir
ferjanna en mildlvægt er að tryggja sem best að þarna sé öllu vel
komið fýrir og öryggi fólks tryggt eftir bestu getu.“
-Nú er stefnt að því að koma á öryggisstjórnun um borð í
skipum. Fær þetta átak einhvern stuðning frá hinu opinbera?
„Þetta er verk sem Slysavarnarfélag Islands hafði forgöngu um
og unnið hefur verið að uppsetningu öryggisstjórnunar til reynslu
um borð í nokkrum skipum. Þarna hafa menn til hliðsjónar það
kerfi sem er í fluginu. Þar er aðferðarfræði öryggisstjórnunar
viðhöfð og Slysavarnarfélagið-Landsbjörg hafa hugsað sér að koma
á kerfi í skipum sem nálgist það. Þá verði um borð í hverju
fiskiskipi öryggisstjórnunarkerfi þannig að hvert eitt handtak sé
liður í að hafa augun opin fýrir öryggisþættinum. Það verði kerfi
sem byggir á því að koma í veg fýrir að slys eða óhöpp verði. Það
er skemmst frá því að segja að á stofnhátíð Slysavarnarfélagsins-
SJÓMANNABLAÐIÐ VÍKINGUR
33