Sjómannablaðið Víkingur - 01.12.1999, Qupperneq 75

lUortek
Norskur hágæðabúnaður
sem hægt er að treysta
Fyrirtækið NORTEK sérhæfir sig á sviði öryggiskerfa til
sjós og lands. Má þar nefna brunaviðvörunarkerfi,
sjálfvirkt slökkvikerfi, myndavélakerfi, varaaflgjafa,
viðvörunarkerfi vegna innbrota og neyðarljós. NORTEK
selur kerfin, hannar þau og setur upp, þjónustar þau og
gerir árlegar skoðanir á þeim. NORTEK var stofnað árið
1996 og er með aðsetur bæði í Reykjavík og á Akureyri.
Björgvin Tómasson rafmagnstæknifræðingur og
framkvæmdastjóri NORTEK starfaði í Noregi og þar
kynntist hann öryggiskerfum sem þar eru framleidd og
þykja einhver þau bestu sem fáanleg eru í heiminum.
Nokkur af þeim veiðiskipum sem nú eru í smíðum
erlendis verða búin öryggiskerfum frá NORTEK. Meðal
fyrirtækja í landi sem eru með öryggiskerfi frá fyrirtækinu
má nefna Kaupþing, Bifreiðar- og landbúnaðarvélar, Vísa
ísland og svo sjálft Alþingi. Við ræddum við Björgvin
Tómasson um starfsemi NORTEK og fyrst var hann
spurður um brunavarnarkerfið sem fyrirtækið selur.
„Þegar útgerðarmenn láta smíða fyrir sig skip velja þeir
búnaðinn í brúna en skipta sér lítið af hlutum eins og
brunaviðvörunarkerfum. Því er algengt að svokallað
slaufukerfi sé sett upp í skipinu. Það virkar þannig að ef
einn skynjari bilar þá einangrar það slaufuna. Þetta þýðir
að ef slaufan er til dæmis í vélarrúmi þá er vélarúmið
einangrað og engin viðvörunarbúnaður þar virkur þar til
skipið kemur til lands og viðgerð fer fram. Sama er um
framskipið. Það eru upp í 20 skynjarar á hverja slaufu og
í þessum stærri togurum okkar geta verið um 70
skynjarar og skipinu skipt upp í átta slaufur."
-Að hvaða leyti er sá brunaviðvörunarbúnaður sem
þið bjóðið uppá frábrugðinn þessu kerfi?
„Þar er hver skynjari með eigið heimilisfang, ef svo má
að orði komast. Þá má einangra hvern skynjara en öll
slaufan er í áfram í lagi og virk. Þessi búnaður frá Eltek í
Noregi sem við bjóðum er í nokkrum íslenskum skipum.
En þetta er hágæðabúnaður og kosta nokkru meira en
margt annað sem er í boði. Á þessum tilboðsmarkaði
sem viðgengst freistast menn til að kaupa það sem
ódýrast. Þó er verðmunurinn ekki tiltakanlega mikill og
það sem munar sparast hiklaust með minni
viðhaldskostnaði. Ég er ekki að halda því fram að sá við-
vörunarbúnaður sem nú er um borð í mörgum skipum sé
lélegur. Engu að síður er sá hængur á að í versta tilfelli
getur verið að enginn skynjari á íbúðagangi eða í
vélarúmi sé virkur vegna þess að einn er bilaður. Kerfið
frá Eltek gefur því mun meira öryggi, er aðeins dýrara í
innkaupum, en á móti kemur að það er mun ódýrara í
rekstri."
-Þú sagðir að hver skynjari frá ykkur væri með
eigið heimilisfang. Lýstu því aðeins nánar hvað það
þýðir?
„Á sérstökum skjá kemur fram nákvæm staðsetning
hvers skynjara um borð. Við skulum segja sem svo að
skynjari [ brú sé númer 201 og ef það númer kemur á
skjáinn er strax vitað hvar skynjarinn er sem gefur merki.
Sama má segja um skynjara í káetum eða hvar sem er.
Þetta er mikið öryggisatriði og sparar dýrmætan tlma.
Búnaðurinn frá Eltek er viðurkenndur af virtum flokkunar-
félögum svo sem Det Norske Veritas og Lloyds. Við erum
nýbúnir að hanna svona kerfi í eitt af nýju skipunum sem
er í smíðum fyrir íslenskt útgerðarfélag. Þar eru tvær
stöðvar fyrir kerfið, önnur í brúnni og hin í vélinni. Þær
„tala“ hundrað prósent saman og þú færð allar upplýs-
ingar á báðum stöðunum og getur gert allar aðgerðir
hvort heldur er uppi í brú eða niðri í vél. Á stærri skipum
er æskilegt að vera með tvær stöðvar eða allavega undir-
Björgvin Tómasson framkvæmdastjóri NORTEK
Sjómannablaðið víkingur
75