Náttúrufræðingurinn - 1997, Page 26

OSKAR ÍNGIMARSSON
MINNINGARORÐ
Óskar Ingimarsson fœddist 2.
nóvember 1928 á Akureyri.
Hann lést 12. febrúar 1996 í
Reykjavík og var jarðsunginn
frá Dómkirkjunni 19. febrúar.
Óskar lauk stúdentsprófi frá
Menntaskólanum í Reykjavík
1948 og BA-prófi ísögu og bókasafiisfrœði
frá Háskóla íslands 1967. Einnig stundaði
hann nám við Leiklistarskóla Ævars R.
Kvaran 1951-1953. Þótt formleg menntun
Óskars vœri á sviði hugvísinda var hann
engu minni náttúrufrœðingur en hann var
húmanisti.
Óskar réðst aðstoðarmaður að fiskideild
Atvinnudeildar Háskólans árið 1950 og
vann þar til 1956. Hann var bókavörður
hjá Hafrannsóknastofnun 1960-1971 og
bóka- og skjalavörður hjá Kópavogsbœ
1973-1975. Hann starfaði við leiklistar-
deild Ríkisútvarpsins 1975-1982, síðast
sem leiklistarstjóri.
Óskar Ingimarsson var ritstjóri Náttúru-
frœðingsins í fimrn ár, 1967-1971. Fyrir
framlag til kynningar á náttúrufræðum var
hann sœmdur gullmerki Hins íslenska
náttúrufrœðifélags og gerður heiðurs-
félagi þess árið 1993.
Hann hafði einnig með höndum ritstjórn
Vélstjóratals 1974 og sinnti trúnaðar-
störfum í ýmsum félögum, sat meðal annars
alllengi í stjórn Bókavarðafélags Islands
og var formaður þess 1970-1971 og í
stjórn Félags sjónvarpsþýðenda í mörg ár
frá 1968.
Hin síðari ár fékkst Óskar
einkum við þýðingar. Hann
hafði jafngott vald á Ijóðum og
lausu máli, enda liggja eftir
hann bœði frumsamin verk og
þýdd í bundnu máli og
óbundnu. Hann þýddi texta við
fjölda þátta og kvikmynda í sjónvarpi, jafnt
leikin verk og fræðsluþœtti, og mörg leikrit
fyrir útvarp og leiksvið. Einnig íslenskaði
hann fjölda bóka, einkum frœðirit um
náttúrufrœði, nú síðast Einkalíf plantna
eftir David Attenborough. Áður þýddi
Óskar texta að samnefndum sjónvarpsþætti
Attenboroughs og að öðrum frœðsluþáttum
hans fyrir sjónvarp. Mun ekki á neinn
hallað þegar staðhœft er að Óskar
Ingimarsson hafi verið með vandvirkustu
°8 fjölhœfustu sjónvarpsþýðendum okkar.
Óskar sá um endurútgáfu á riti föður
síns, Ingimars Óskarssonar, Skeldýrafánu
íslands árið 1982 og 1989 annaðist hann
endurskoðun og útgáfu á „Fuglabók AB“,
Fuglum íslands og Evrópu eftir Peterson,
Mountfort og Hollom.
A þýðandaferli sínum gaf Óskar fjölda
tegunda dýra og plantna þjál íslenskt nöfn
og hélt til haga nöfnum sem aðrir sömdu. Af
jjví staifi spratt Ensk-latnesk-íslensk og
latnesk-íslensk-ensk dýra- og plöntuorða-
bók (1989), ágœtt rit sem á erindi til allra
er skrifa um plöntur og dýr á íslensku og sá
sem þetta ritar grt'pur oft til.
Örnólfur Thorlacius
20