Náttúrufræðingurinn - 1985, Side 27

taka egg hennar að þroskast og nýtist
þá forðanæring sem hún safnaði á
lirfustiginu. Talið er að eggin þroskist
á um það bil 3 til 4 dögum (Davies
o.fl. 1962). Flugan getur orpið aftur,
en því aðeins að hún nái að sjúga blóð
úr fuglum eða spendýrum (Davies og
Peterson 1956). Það er á þessu stigi
sem mest óþægindi verða af mývargin-
um, sérstaklega við ár sem falla úr
stöðuvötnum, en á slíkum stöðum er
bitmýið ávallt mest áberandi. Karl-
flugurnar nærast aftur á móti eingöngu
á blómasykri til orkuöflunar og kven-
flugurnar gera það einnig að nokkru
leyti. Talið er, að sú orka sem fæst úr
blómasykrinum nýtist fyrst og fremst
til flugs.
SÖFNUNARSTAÐIR
Laxá á upptök í Mývatni, sem er í
277 m hæð yfir sjávarmáli (2.-3.
mynd). Það er 37 km2 að flatarmáli, en
auk þess er urmull smærri vatna og
tjarna í nágrenninu. Mývatn er í
norðurgosbeltinu, myndað fyrir rúm-
lega 2000 árum (Árni Einarsson 1982).
Það er mjög grunnt, meðaldýpt um 2
m. Vatnið skiptist í tvennt og í því eru
fjölmargar eyjar. Mývatn á upptök sín
í lindum, sem koma upp á austur-
strönd vatnsins og í Grænavatni.
Mikið af næringarefnum er í linda-
vatninu. Mývatn er í regnskugga
Vatnajökuls, þannig að úrkoma á
svæðinu er mjög lítil, eða um 400 mm
á ári (Markús Á. Einarsson 1979). Það
sem gerir Mývatn að einu frjósamasta
vatni Evrópu er mikil sólargeislun og
mikið af næringarefnum í linda-
vatninu.
Mývatn endurnýjast á 26 dögum, og
úr því renna 32 mVs í þremur kvíslum,
sem sameinast í Laxá. f Ystukvísl bæt-
ist Sortulækur í ána með 1 m’/s, en
hann kemur úr Sandvatni. í Syðstu-
2. mynd. Kort af vatnasviði Mývatns og
Laxár. Söfnunarstaðir: D—Dragsey, M—
Miðkvísl, H—Helluvað, Þ-Þverá. - Map
of the catchment area of lake Mývatn and
River Laxá. Collecting sites: D — Dragsey,
M—Midkvísl, H-Helluvad, Þ-Thverá.
kvísl rennur Kráká með 7 m3/s (Jón
Ólafsson 1979a, Sigurjón Rist 1979).
177