Náttúrufræðingurinn - 1985, Page 58

KUÐUNGABLEIKJUR HRYGNA
í ÞINGVALLAVATNI
Kuöungableikjan hrygnir á tímabilinu
frá miðjum júlí fram í miðjan ágúst. Mynd-
in er tekin seint í júlí á unt þriggja metra
dýpi á Ólafsdrætti, stærstu riðastöð kuð-
ungableikjunnar í vatninu. Hrygnan (næst
botninum á myndinni og sér ekki í kvið-
inn) hefur tyllt sér á botninn og hreyfir sig
lítið út fyrir riðablettinn. í kringum hrygn-
una hringsóla sex til níu hængar (gulir á
kviðinn og með hvíta jaðra á uggum og
sporði) og bítast um að komast sem næst
henni. Æxlun verður þegar einn til tveir
hængar taka sig út úr hópnum og synda
þétt fram með hrygnunni. Um leið fer
titringur um fiskana. f sama mund losna
hrogn úr gotrauf hrygnunnar og svil úr
hængnum og hrognin frjóvgast. Eftir þetta
lyftir hrygnan sér frá botni, syndir spöl-
korn fram á við, snýr síðan við og leggst að
nýju á sama stað. Þennan leik endurtaka
fiskarnir aftur og aftur. - Spawning of
snailcharr in Lake Þingvallavatn. The
spawning female (closest to the bottom,
belly partly hidden) is surrounded by a
group of tnales apparently competing for
fertilizing the eggs. (Ljósm. /photo Karl
Gunnarsson).