Náttúrufræðingurinn - 1934, Page 8

54
NÁTTÚRUFR.
4. Carex diandra (Schrk.). Safastör (St. Std., Sk. 1931—
32, bls. 36).
Greining: Sbr. Fl. ísl., bls. 37.
I. Karlblómin efst í hverju smáaxi.
A. Jarðstöngull, langskriðull. Carex chordorrhiza og C. incurva.
B. Stráin þéttstæð, engar renglur.
a. Öxin brúnleit. Hulstrin upprétt. Smáöxin aflöng.
1. Hulstrin lengri en axhlífarnar, taugalaus. Smáöxin
ósamsett, þéttstæð. Þétt, þýfin. C. diandra.
2. Hulstrin á lengd við axhlífarnar, með ógreinilegum
taugum neðst. Blómskipunin puntleit, smáöxin greini-
lega leggjuð. Lausþýfin. C. paniculata.
b. öxin grænleit, sjaldan brún. Smáöxin hnöttótt til egg-
laga. Hulstrin að síðustu útspert. C. muricata.
Lýsing:
Stórvaxin stör, ca. 40 cm. á hæð. Vex í mýrum.
Sandfell í Öræfum 1901, dr. Helgi Jónsson; Safamýri 1931,
'St. Std. —
Safastörin líkist mjög toppstör, enda áður nafngreind sem
hún. En við endurskoðun einstaklingsins frá Sandfelli, sem er
í Botanisk Museum í Kaupmannahöfn, reyndist það að vera
safastör. Helzta munar á þessum tegundum er getið í greiningar-
lyklinum hér að framan, en því má bæta við, að trjónan er
lengri og meira tent á toppstör en safastör.
Nafnið safastör hefi eg búið til, til minja um hinn fyrsta
örugga fundarstað þessarar tegundar, í Safamýri. Toppstarar-
nafnið er beint sniðið eftir latneska nafninu C. paniculata, enda
á það miklu betur við þá tegund.
5. Carex muricata L. var. Pairaei F. Schultz. Gaddastör.
(I. Ó. & St. Std.).
Greining: Sjá nr. 4.
Lýsing:
Stráin allmörg saman, grönn, upprétt eða lítið eitt upp-
sveigð, hvassþrístrend og snörp ofan til. Blöðin mjó, löng, samt
nokkru styttri en stráið, næstum flöt, lítið eitt kjöluð með all-
löngum oddi. Samaxið aflangt, grænleitt í fyrstu, en dökknar
og verður móbrúnt undir aldinþroskun. Smáöxin lítil, legglaus,
3—5 að tölu, næstum hnattlaga. Axhlífarnar egglaga, ljósmó-
grænar, með ljósum himnufaldi og miðtaug, allmiklu styttri en
hlustrin. Hulstrin egglaga-aflöng, með langri trjónu, klofinni