Náttúrufræðingurinn - 1934, Qupperneq 62

108
NÁTTÚRUFR.
ustu ár, hefir haft á mörg sjávardýr. Fyrst er bent á, að þorskur
hefir hrygnt hér í kalda sjónum í stærri stíl síðustu árin, en venja
var til fyrr. Einnig hefir höfundurinn fundið síld hrygna í Reyðar-
firði (1926) og Isafjarðardjúpi (1929), og bendir á hinn mikla
sjávarhita, sem orsök þeirra fyrirbrigða. Þá er bent á áhrif þau,
sem hitinn hefir haft á loðnuna, og ýmsa aðra sjávarfiska, sem
brugðið hafa út frá reglulegum göngum síðustu árin. Fleiri dýra
er einnig minnst, á meðal þeirra nokkurra fugla.
G. H. Schwabe: Beobagtungen iiber thermische
Schictungen in Thermalgewásser auf Island. (Ar-
chiv fiir Hydrobiologie, 1933, Königsberg.)
Höfundurinn dvaldi á Islandi frá því í september 1931, þang-
að til í október 1932, og fékkst allan þann tíma dyggilega við ýms-
ar rannsóknir. Einkum lagði hann þó stund á að rannsaka laugar
oghveri, dýralíf þeirra og jurta, og hér birtist ritgjörð eftir hann
um lagskiptingu vatnsins í laugum og hverum þeim, sem hann
hefir rannsakað. Skýrir höfundurinn með tölum, hvernig heita
vatnið stendur efst, en það kalda neðst, og munar oft töluverðu
við lítinn dýptarmun. Sem dæmi skal eg taka hitann á ýmsu dýpi
í „Amsterdam-laugmni“ við Suður-Reyki, en hann er þannig, eftir
rannsóknum höfundarins:
Dýpi í cm
Yfirborð
1 cm
2 —
3 —
4 —-
5 —
6 —
7 — (botn)
Hiti í stigum
62.5
62.0
62.0
61.5
61.5
60.5
59.5
58.5
Árni Friðriksson: Fiskirannsóknir Fiskifélags Is-
lands, árið 1933.
Tvær skýrslur eru komnar áður, um sama efni, sú fyrsta
var um rannsóknirnar 1931, og birtist í skýrslu Fiskifélagsins
fyrir árin 1930—1931, en hin kom í fyrra, sem sjálfstætt rit,
eins og þessi. Skýrslan er um 60 bls. að stærð, í henni eru yfir
30 töflur og eitthvað 10 myndir. Meginhlutinn er um þorskrann-
sóknirnar, þá er kafli um síldarrannsóknirnar, og loks er um hita-