Samvinnan - 01.10.1967, Qupperneq 7

keypt. Barst mér þar tímaritið
í hendur í nýjum búningi. Ég
blaðaði nokkuð í ritinu mér til
mikillar ánægju. Mér datt í
hug, undir þessari athugun, að
þarna væri loksins kominn
maður, að ritinu, sem breytti
því í vettvang um menningar-
mál, andstæðu við flest eða öll
tímarit sem hér eru gefin út
og þrælbundin eru pólitískum
stefnum.
Það gladdi mig mikið að sjá
samankomna á einum og sama
vettvangi toppmenn eins og
Hannes P., Indriða G., Matthí-
as J. og Sig. Magnússon. Alveg
sérstaklega langar mig til að
þakka þér fyrir greinina um
Kiljan, sem er að mínum dómi
mjög góð og umfram allt sönn.
Nú langar mig til að gerast
áskrifandi að ritinu frá og með
þeim degi er þú tókst við því
og vonast eftir að fá þetta hefti
sent ef það er ekki uppselt.
Þessari beiðni eiga að fylgja
hugheilar árnaðaróskir til þín
og ritsins. Með kærri kveðju.
Guðm. Halldcrsson,
Bergsstöðum, A.-Hún.
7