Tímarit kaupfjelaga og samvinnufjelaga - 01.06.1914, Blaðsíða 32
106
betri með líkamlegar og andlegar þarfir. Sultarlíf þekkist
varla í sveitum okkar nú á dögum. Það mun varla fara
fjarri sanni að sveitabóndi, þó hann hafi byrjað búskap
með litlum efnum, hafi fullt svo góðan heimilishag, sem
starfsmaður eða embættismaður í Reykjavík, með 2,000
kr. árstekjum.
III. Samvinnufjelagsskapur í Bandaríkjunum.
í Bandaríkjunum fer áhugi manna fyrir samvinnufjelags-
skap stöðugt vaxandi. Pað er þó ekki fyr en á síðustu
árum að fyrirkomulagið er miðað við þá reynslu sem
bezt hefur gefizt hjer í álfunni. Fyr meir var fjelagsskap-
urinn talsvert sundurleitur og laus í sjer og varð hann
því optlega eigi langgæður nje affara sæll. Nú er annað
orðið upp á teningnum. Mannmargar sendinefndir hafa
komið frá Bandaríkjunum til Danmerkur, Englands og
Rýzkalands síðustu árin, í því skyni að kynna sjer sam-
vinnufjelagsskapinn í þessum löndum í ýmsum mynd-
um, til eptirbreytni heima fyrir. Hingað til hefur einna
mest borið á framleiðslufjelögunum, sem teljast um
80,000, eptir lauslegu yfirliti. Annars er eigi auðvelt að
segja töluna með fullri vissu í þessum stóreflislandageim,
þar sem nú eru 48 ríki með mismunandi löggjöf og svo
eru fjelögin, enn sem komið er, sambandslítil. Framleiðslu-
fjelögin byggðu lengi vel á hlutafjelagsfyrirkomulaginu,
en hverfa nú óðum að hreinum reglum samvinnufjelaga.
í Bandaríkjunum eru nú sjerstök og sjálfstæð kaupfje-
lög á víð og dreif, sem hafa starfað mikið og vel árum
saman. En auk þessa eru þar nú tvö sambandskaup-
fjelög: »California Rochdale Company« og »The Right
Relationship Company«. í fyr nefnda flokknum eru
40 — 50 fjelagsdeildir og jafnmargar útsölubúðir. Sam-