Tímarit íslenzkra samvinnufélaga - 01.03.1925, Blaðsíða 23

Tímarit íslenskra samvinnufélaga. 213
og lærin of rýr. Óhugsandi sé að flytja út dilka eða
veturgamalt fé. Tvævetrir sauðir og ær, sem ekki hafa
átt lömb, sé það eina, sem til mála geti komið að flytja
lifandi á enskan markað. En til þess að sala geti orðið
bærileg þurfi að fita féð nokkrar vikur þar í landi. Og
það sé einmitt leyfið til þess sem vantar. Zöllner taldi
ósennilegt að útflutningar lifandi fjár myndi hefjast aft-
ur meðan linsaltað dilkakjöt hefði allgóðan markað á
Norðurlöndum.
Zöllner hefir selt fyrir kaupfélögin mörg þúsund
hesta bæði í Englandi og Danmörku. Fyrir hans tíð voru
íslenskir hestar fluttir tii Englands, en Zöllner hefir átt
mikinn þátt í að venja Dani við að nota íslenska hesta,
einkum hafa húsme'nnirnir dönsku notað mikið af þeim
hin síðustu ár.
þegar Ti*yggvi Gunnarsson hafði tekið að sér að
byggja brúna á Ölfusá sneri hann sér til Zöllners og bað
hann að koma sér í samband við verkfræðinga og verk-
smiðjur í Englandi, er fengust við siíka hluti. Vorið 1889
sendi Zöllner til Reykjavíkur verkfræðing Mr. Vaughan,
sem mældi bi’úarstæðið og athugaði hvar efni fengist í
stöpla. Síðan flutti Zöllner brúarefnið nálega endurgjalds-
laust til Eyrarbakka. Fáum árum seinna greiddi hann á
svipaðan hátt götu íslendinga við byggingu þjórsárbrúar-
innar. Mr. Vaughan er nú á áttræðisaldri en ern og hress.
Magnús Stephensen landshöfðingi lofaði honum heiðurs-
merki, en það hefir ekki komið. Hafa þó mai'gir fengið
kross fyrir minni verðleika.
Dálítil saga er sögð af skiftum Hannesar Hafsteins
og Zöllners þegar verið var að semja um símabygginguna.
þegar Hannes var á leið til K.hafnar með ritsímalögin til
staðfestingar kom hann við í Newcastle hjá Zöllner.
Mikil deila hafði verið um það hvort heldur ætti að leggja
sæsíma til landsins eða nota loftskeyti. þingið samþykti
að vísu símann, en þó var sett það skilyrði að leitast
skyldi fyrir um tilboð frá Marconifélaginu. Hannes hafði
enga trú á loftskeytunum, en fékk þó Zöllner til að fara