Tímarit íslenzkra samvinnufélaga - 01.03.1925, Blaðsíða 59

Tímarit íslenskra samvinnufélaga. 249
Fardagar fugla eru venjulega um mánaðarmótin
september og október, eða jafnvel nokkru fyr eða sið-
ar. Oft fara þrestir ekki fyr en í nóvember. Viðstaða far-
fugla hér á landi er um 4—5 mánuði. Á þeim tíma búa
þeir til hreiður, verpa, unga út, og annast unga sína, þang-
að til þeir eru orðnir fleygir og færir.
Árlega koma hingað 12—14 tegundir af vaðfuglum,
en ekki nema 6—8 spörfuglategundir. þá er og miklu fleira
af hverri tegund vaðfugla en spörfugla. Verpa þó spör-
fuglar fleiri eggjum en hinir. Ætti því viðkoman að vera
meiri. Getur þetta stafað af því, að spörfuglar eru þrótt-
minni til flugs, og hljóta að farast umvörpum á hinum
löngu og erfiðu ferðum yfir hafið.
Leiðir farfugla, að og frá íslandi, liggja að jafnaði
um svæðið frá Trlandi austur á móts við Svíþjóð. Venju-
lega fljúga fuglar, um nætur, yfir hafið og í stórum hóp-
um eins og t. d. lóan. Ránfuglar (smyrlar) ferðast þó oft
fáir saman. Stundum eru nokkrar tegundir saman í ein-
um hóp. En venjulega ferðast eldri fuglar og yngri hvor
i sínu lagi. Flughraði fugla er sagður að meðaltali um 150
km. á klukkustund. Fuglar með slíkum hraða, ættu þá að
vera nálega 6 klukkustundir á leiðinni frá íslandi til Skot-
lands. þar sem fuglar hitta fyrir eyjar, á ferðum sínum
yfir hafið, taka þeir sér hvíld. Kemur oft fyrir, að þeir
setjast á skip út á hafi, þegar þeir eru að þrotum komnir.
Einstöku fuglar verða viðskila við félaga sína, missa flug-
ið af þreytu og falla í hafið. Enginn veit þó, hve margt af
farfuglum gistir Rán, en fleiri munu þeir vera en margur
hyggur.
Fuglar fljúga venjulega hátt á lofti, alt að 4000
metra hæð. Fer það venjulega eftir því, hve loftbjart er.
þeir fljúga ætíð fyrir neðan skýin. Lægst fljúga þeir í
rigningu. Oft villast þeir í mikilli þoku. Fyrir þá sök
slæðast oft hingað til lands sjaldgæfir fuglar.
Farfuglar ferðast aðeins suður og norður eftir hnett-
inum, en saldnar til austurs eða vesturs. Loftlagsbreyt-
ing, sem stafar af árstíðum, mun ráða þessari stefnu.