Tímarit íslenzkra samvinnufélaga - 01.03.1925, Blaðsíða 71
Tímarit íslenskra samvinnufélaga.
261
1500 fermílna svæði. Hafi farist til jafnaðar, 1 miljón
tugla, á hverjum 2 fermílum hefir geysi mikið drepist af
fuglum í hretinu.
Náttúran veldur afskaplega miklu tjóni á fuglum. En
þess á milli nærir hún þá og elui' upp í skauti sínu.
Afskifti manna af þessu starfi náttúrunnar, eru jafnan
þau, að þeir ganga í lið með öflum hennar, sem eyða fugl-
um, en hallast síður á þá sveifina, sem miðar að því, að
halda þeim við. Minsta kosti vill það svo vera hér á landi.
Ætla mætti, að fuglar væru færari en önnur dýr, að
bjarga sér og forðast hættur, þar sem þeir geta borið sig
um loftið, og flogið á svipstundu úr einum stað í annan,
en það er öðru nær að svo sé. Náttúran hagar því svo til,
að þeir eru sömu lögum háðir, hvað hættur snertir, eins
og aðrar jarðbundnar verur.
5. Fræðsla um í'ugla.
Hefðu íslendingar, bæði fyr á öldum og nú á tímum,
verið eins natnir við að rannsaka og efla náttúrugróður
og dýralíf landsins og sögu, ættfræði og skáldskap, væri
nú högum manna öðruvísi háttað. Nú verður að telja þá
eftirbáta flestra — ef ekki allra — mentaðra þjóða í því
að þekkja og skilja náttúru síns eigin lands. Talið er víst,
að engin þjóð gefi út eins mikið af prentuðu máli og Is-
lendingar, miðað við fólksfjölda. Og þó er víst engin
þjóð eins fátæk af náttúrufræðisritum, samanborið við
annað efni, sem út er gefið. Náttúruvísindin eru því miklu
skemmra komin áleiðis hjá oss heldur en aðrar fræðigrein-
ar. þau eru heldur ekki virt svo mikils að skipa þeim á
bekk með öðrum námsgreinum hér við háskólann. þar
ættu þau reyndar að skipa öndvegi, eða að minsta kosti,
standa jafnfætis öðrum námsgreinum. Menn virðast skoða
náttúru landsins með hálfgerðri fyrirlitningu. Og eflaust
mundi margur kjósa heldur að bjarga öllum bókmenta-
forða þjóðarinnar, en náttúrugæðum landsins, ef annað-
hvort ætti að varðveita frá gereyðing, — sem þó væri
hið sama og að glata hvortveggju.