Andvari - 01.01.1954, Page 26

22
Jón Eyþórsson
ANDVARI
að sumarlagi. Því miður urðu þetta jafnan að vera hraðferðir,
því að bæði var hann tímabundinn og förunautar hans höfðu
oftast afskammtað sumarleyfi til umráða.
Lengsti rannsóknaleiðangur, sem Steinþór tók þátt í, var far-
inn á námsárum hans. Sumarið 1927 var hann í leiðangri þeirra
Pálma Hannessonar og Niels Nielsens til Veiðivatna og öræf-
anna norður af þeim. Kom það í hlut Steinþórs að mæla og
gera nákvæman updrátt af Veiðivatnasvæðinu. Nokkrum árurn
síðar, er hann framkvæmdi mælingar á öræfunum vestan Vatna-
jökuls, gat hann fellt hinar fyrri mælingar sínar á Veiðivötnum
inn í hinn nýja uppdrátt.
Leiðangurinn 1927 var fyrsta kynnisför Steinþórs til öræfa
íslands. Ýmsir hafa látið þá skoðun í ljós, að þau kynni hafi ráðið
miklu um það, að Steinþór kaus heldur að flytjast heirn að námi
loknu en ílengjast erlendis, þótt honunr byðist þar lífvænleg
staða.
Um aðrar rannsóknaferðir Steinþórs vill svo vel til, að um
þær flestar hefur hann látið eftir sig prentaða heimild.1)
1 ágúst 1942 fór Steinþór ásamt Einari B. Pálssyni, Sveini
Þórðarsyni og Franz Pálssyni til Grímsvatna. Þeir lögðu á jökul-
inn úr Djúpárbotnum, gengu á skíðum og drógu farangur sinn
á sleða. í Grímsvatnadal dvöldust þeir fjóra sólarhringa, mældu
vatnasvæðið og gerðu uppdrátt af syðsta hluta þess. Ferðin tók
alls 12 daga.
f ágúst 1946 fór Steinþór við sjötta mann til Grímsvatna,
nýja leið og með óvenjulegan fararbúnað. Förunautar hans voru:
Sigurður Þórarinsson, Einar B. Pálsson, Árni Stefánsson, Egih
Kristbjörnsson og Einar Sæmundsson. Þeir óku sem leið liggur
úr Reykjavík norður um land til Bárðardals, þaðan suður öiæfi
að Dyngjujökli og 18 km vegalengd upp eftir jöklinum að hjarn-
1) Volcano-Glaciological Investigations in Iceland during the last Decade.
The Polar Record. Cambridge 1947 (Ritað í félagi við Sigurð Þórarinsson).