Andvari - 01.01.1954, Qupperneq 79

andvari Herútboð á íslandi og landvamir íslendinga 75
á útboSi hér á landi til herflotans, ef gufuskip yrði látiS liggja
hér við landið, en þess væri full nauðsyn af öðrum orsökum og
jafnvel, að tvö stærri eða minni herskip lægi hér nokkurn tíma
sumars, á líkan hátt og Frakkar og nú einnig Englendingar senda
hingað herskip á hverju ári. — Hér má skjóta því inn, sem þó
er ærin saga ein útaf fyrir sig, að undanfarin ár höfðu enskir
og franskir sjómenn vaðið hér víða uppi með ránum og grip-
deildum. Frakkar hugðu beinlínis til nokkurs konar nýlendu-
stofnunar við Dýrafjörð, sem vera skyldi fiskveiðastöð og fisk-
verkunarstöð þeirra og undanþegin að mestu og helzt að öllu
leyti íslenzkri lögsögu. Var för Napoleons keisarafrænda hingað
til lands árið 1856 gerð út mjög í þeirn tilgangi að vinna að
framkvæmd þessarar hugmyndar. Málið var til meðferðar á Al-
þingi 1857, samhliða útboÖsmálinu, en þingið var af mörgum
ástæðum mjög andvígt hinni frönsku setuliðs- og nýlendustofnun.
Tillaga nefndarinnar um útboðið varð að lokum þessi: AS
þingið fyrir sitt leyti skorist ekki undan því, að á ísland sé lögð
útboÖsskylda til hins konunglega herflota þannig:
a. tala þeirra, sem á hverjum tíma sé héðan úr landi í út-
boðsþjónustu á flotanum, verði eigi hærri en tveir af
þúsundi,
b. þeir verði í fastri þjónustu og þjónustutíminn ákveðinn til
tveggja eða þriggja ára,
c. útboÖiÖ sé bundið við 18 ára aldur,
d. e, f, undir þessum liðum voru ákvæði um framkvæmd
útboðsins,
g. hinir útboöuðu verði að endaðri þjónustu fluttir hingað
til lands og leystir úr herþjónustunni.
Nefndin réð þinginu frá að sætta sig við ráðgjafaratkvæÖi
um fjárhagsáætlun landsins en lagÖi til, að þingið beiddist álykt-
unarvalds í fjármálunum og landinu greitt ákveðið árgjald úr
ríkissjóði. Tillögu nefndarinnar um útboðið ber að meta með
hliðsjón af þessu. Allir þjóðkjömu þingmennimir voru sam-