Vikan - 17.12.1987, Page 61

Fimmtudagur 17. desember 1987
DAGSKRÁ ÚTVARPS OG
SJÓNVARPS 18.TIL26. DESEMBER
TILBURY I SJONVARPINU:
Býsna mögnuð
mynd ö köflum
Mánudaginn 28. desember sýnir Ríkissjónvarpiö nýja kvikmynd eftir
Viðar Víkingsson sem heitir Tilbury og er byggö á samnefndri smásögu
eftir Þórarin Eldjárn. Tilbury er tæpur klukkutími á lengd og gerist áriö
1940, á þeim tíma þegar breski herinn var sem aðsópsmestur á íslandi.
Viöar Víkingsson, höfundur og leikstjóri, segir að myndin fjalli um ungan
sveitamann (Kristján Franklín Magnús) sem kemur í bæinn og kemst aö
því að æskuástin hans (Helga Bernhard) er í tygjum við breskan majór
sem Karl Ágúst Úlfsson leikur. Kvendiö viröist samt ekki alveg hafa
gleymt fornum þjóðlegum siðum svo sem galdrakukli.
Myndin ku vera býsna mögnuö á köflum og er ekki aö efa að hún
eigi eftir að vekja upp miklar umræður eins og vaninn er þegar ný mynd
er sýnd í sjónvarpinu. Eða eins og Viðar leikstjóri sagði: Það verður að
vera eitthvað til að hneykslast út af og rífast yfir svona í skammdeginu.
Ljósmyndin hér fyrir neðan er úr einu atriða myndarinnar.
-AE