Menntamál - 01.12.1942, Page 4

66
MENNTAMÁL
kennslu þeirra síra Magnúsar Helgasonar og Freysteins
Gunnarssonar, munu flestir hafa verið þeirrar skoðunar,
að svo margt væri líkt um þessa tvo menn, að sjálfsagt
væri, að Freysteinn yrði eftirmaður síra Magnúsar. Enda
varð það svo. Síðan Freysteinn tók við skólastjórn haustið
1929 hafa ýmsar breytingar orðið á högum og háttum
þjóðarinnar, en Freysteinn Gunnarsson stjórnar skóla sín-
um alltaf með sömu festu, ró og prúðmennsku. Það, sem
einkennir skólastjórn Freysteins er það, að enginn veröur
eiginlega var við að hann stjórni. Er hann í því sem fleiru,
líkur fyrirrennara sínum.
Fyrir nokkrum árum var hér merkur sænskur skólamað-
ur. Hann sagði m. a. um Freystein Gunnarsson, að Frey-
steinn væri einn af þeim fáu mönnum, er hann hafði hitt
á lífsleiðinni — en hún væri á sjöunda áratug — sem
kynni þá dásamlegu list „að láta þögnina tala“. Freysteinn
hafði verið leiðsögumaður Svíans á Þingvöllum. Þetta er
góð mynd af því, hvernig Freysteinn er. Samverkamenn
og nemendur hans hafa fundið það, hve gott er að vera
og starfa með honum.
í hópi vina og kunningja er Freysteinn vel séður gestur.
Hnittin tilsvör hans, vísur og spaugsyrði hafa skemmt
mörgum.
Freysteinn er starfsmaður mikill, hvort sem hann er í
skólanum eða með konu sinni og börnum í sumarbústað
sínum í Hveragerði. Hann er löngu þjóðkunnur fyrir góða
meðferð á íslenzku máli, hvort heldur er í bundnu máli
eða óbundnu, ræðu eða riti. Það yrði of langt mál að telja
hér upp allt, sem Freysteinn hefur ritað. Nemendur hans
og fleiri kannast við námsbækur hans í íslenzku, dönsku
orðabókina o. fl., börnin við barnabækurnar, sem hann
hefur þýtt, söngmennirnir við söngljóðaþýðingarnar, sem
sýna, að hann er „músíkalskur“ vel, o. fl. o. fl.
Á afmælisdaginn sinn var Freysteinn ásamt fjölskyldu
sinni í sumarbústað sínum, „Hverahlíð“. Kennarar og all-