Menntamál - 01.04.1961, Page 82

72
MENNTAMÁL
tíma hefur skólinn skipzt í þrjár deildir: fornmáladeild, ný-
máladeild og stærðfræði- náttúrufræðideild. Að vísu hef-
ur straumurinn legið frá fornmáladeildinni, sem nú er að
verða forngripur, er aðeins hjarir við fáeina skóla, til
hinna deildanna, einkum stærðfræðideildarinnar, sem er
greinilega stærsta deildin. En stórvægilegar breytingar
hafa engar orðið fyrr en nú, að í ráði eru grundvallarbreyt-
ingar.
Snemma árs 1959 var skipuð nefnd til þess að athuga
deilda- og námsgreinaskiptingu menntaskólans, form og
innihald kennslunnar og alla tilhögun prófa. Þessi nefnd
var allfjölmenn og með henni starfaði fjöldi undirnefnda.
Niðurstaða þessara vísu manna hefur nú verið birt og
heitir ritið Det ny Gymnasium (Betækning nr. 269, Statens
trykningskontor). Þetta er nærri 200 blaðsíðna bók og er
hér hvorki rúm né ástæða til annars en drepa á einstöku
aðalatriði.
Nefndin hefur ekki séð sér fært að verða við óskum um
fækkun kennslustunda á viku, heldur gerir hún ráð fyrir
að þær verði framvegis 36 eins og verið hefur. Stunda-
fjöldi aðalgreinar á að vera nægjanlegur til þess að traust-
ar vinnuvenjur skapist og nemandinn læri vel til verka.
I hverri almennri grein má stundafjöldi eigi vera minni
en svo að nægi til öflunar sæmilegs þekkingarforða. Um
stærðfræði og tungumál tekur nefndin þá afstöðu, að mála-
kennsla í stærðfræðideild miðist við það að nemandinn
nái góðu valdi á einu aðalmáli (venjulega ensku) og kunni
önnur tvö nægjanlega til þess að sú kunnátta megi koma
að haldi í framhaldsnámi. í máladeild er hins vegar gert
ráð fyrir nokkurri stærðfræðikennslu, en stærðfræði hef-
ur verið felld þar niður um skeið.
Deildaskiptingin er gerð fjölbreyttari en áður, en jafn-
framt hefur nefndin leitazt við að minnka bilin milli
deilda og gera tilhögunina þannig sveigjanlegri en áður.
Á sama hátt og þróunin á síðari hluta nítjándu aldar