Menntamál - 01.04.1961, Qupperneq 84

74
MENNTAMÁL
vetra skóli sem fyrr. Þegar nemandi sezt í fyrsta bekk (er
svarar til fjórða bekkjar í Reykjavík) á hann um tvær
aðaldeildir að velja: máladeild og stærðfræðideild. Innan
hvorrar deildar er nokkurt valfrelsi, máladeildarnemandi
velur um frönsku og rússnesku, stærðfræðideildarnemandi
velur sér einnig annaðhvort frönsku eða rússnesku og
annað hvort ensku eða þýzku.
Eftir eitt ár stendur nemandinn aftur á krossgötum.
I öðrum bekk menntaskólans greinist hvor deild í þrjár
undirdeildir. Máladeild greinist í fornmáladelid, nýmála-
deild og félagsfræðideild (samfundssproglig linie). Stærð-
fræðideildin greinist 1 eðlisfræði- og stærðfræðideild, fé-
lagsfræði- stærðfræðideild og náttúrufræðideild.
í náttúrufræðideildinni verður líffræði (biologi og bio-
kemi) aðalgreinin, en stærðfræðin, eðlisfræðin og efna-
fræðin stuðningsgreinar við hana.
Form félagsfræðideildanna sýnist heldur óljósara en
annað í þessu nefndaráliti, enda er gert ráð fyrir því, að
þær taki síðar til starfa en hinar.
Eins og menn sjá af þessu, er gert ráð fyrir mikilli f jöl-
breytni í námsgreinavali, enda ekki gert ráð fyrir, að
allar deildir verði starfræktar við alla skóla, slíkt er ein-
ungis kleift hinum stærstu skólum. Gert er ráð fyrir að
ekki verði kennd valgrein eða stofnuð deild, nema að
minnsta kosti 5 nemendur æski þess.
Gert er ráð fyrir því í þessum tillögum, að aðaldeild-
irnar tvær, stærðfræðideild og máladeild, haldist að nokkru
samfelldar þrátt fyrir aukna skiptingu í 2. og 3. bekk. Það
er gert á þann hátt að nemendur hvorrar deildar eru sam-
an í móðurmálstímum og nokkrum fleiri námsgreinum.
Þannig verður hver bekksögn að verulegu leyti órofin
heild allan skólatímann, hún tvístrast einungis í sérgrein-
um nemenda. Þessi tilhögun leggur því miklar hömlur á
stundaskrá bekksagnanna.
En auk þessara aðalbreytinga á deildaskipun skólanna