Menntamál - 01.08.1966, Side 41

MENNTAMÁL
127
er dregin upp mynd af hinum 10 ára barnaskóla, sem á
að vera kjörgreinaskóli, þar sem nemendur eiga að fá tæki-
færi til að velja sér námsgreinar, námsgreinasamstæður eða
mismunandi námskeið, sem þeir hafa áhuga á og möguleika
til að tileinka sér.
Núverandi skólaskylda er úrelt fyrirbæri í nútíma þjóð-
félagi, sem tæknilegar framfarir og vísindarannsóknir breyta
óðfluga, segir í ritinu. Það ber að gefa nemendum tækifæri
til að flytjast milli framhaldsskóla á síðari stigum námsins.
Tíu ára skólaskylda hefur auðvitað ýmis vandkvæði í för
með sér, segir ennfremur, þess vegna er e. t. v. nauðsynlegt
að taka stökkið í tveim áföngum og byrja með 9 ára skyldu-
nám.
Fimm daga skólavika er engum vandkvæðum bundin og
þarf ekki að leiða til þess að námsbyrðin aukist á nemend-
unum, sagði Stinus Nielsen, formaður D.L.F., í setningar-
ræðunni. Hann kvað um margar leiðir að ræða, svo sem
að fækka hámarks kennslustundafjölda nemenda niður í
30 tíma á viku, en slíkri lausn væru samtökin hlynnt. Einnig
væri unnt að fækka árlegum kennsludögum, en lögin gera
ráð fyrir a. m. k. 200 skóladögum á ári.
Húsnœðisskortur háir mjög barnaskólunum, sagði for-
maðurinn ennfremur og hafði um þetta þau orð, að hér
væri komið í öngþveiti, þar sem hagnýta yrði kjallara,
bragga og annað bráðabirgðahúsnæði. Kennslumálaráðherr-
ann, K. B. Andersen, sem viðstaddur var þingsetninguna,
var sammála formanninum um, að barnaskólarnir ættu í
húsnæðisörðugleikum, en hann sagðist ekki vilja viður-
kenna, að þetta skólastig væri verr sett en önnur í þessu
efni.
31/2—4ra ára kennaramenntun að loknu stúdentsprófi
verður að skoða sem algert lágmark, sagði Stinus Nielsen
ennfremur, og var það svar samtakanna við þeim röddum,
sem hafa talið 3ja ára nám eftir stúdentspróf fullnægjandi.
I launamálum samþykkti fulltrúaþingið ýmsar tillögur,