Menntamál - 01.08.1966, Page 76

162
MENNTAMÁL
I. Æfinga- og lilraunaskóli Kennaraskóla íslands.
í lögum um Kennaraskóla íslands nr. 23/1963 er svo
fyrir mælt, að reistur skuli æfinga- og tilraunaskóli við
Kennaraskóla íslands, og skal hann jafnframt vera barna-
skóli fyrir ákveðið hverfi í Reykjavík. Þessi skóli hefur
verið fyrirhugaður alla tíð frá stofnun Kennaraskóla Islands.
Séra Magnús Helgason gerði grein fyrir þörfinni á slíkum
skóla í vígsluræðu skólans árið 1908.
Fé var fyrst veitt til byggingar skólans á fjárlögum árið
1946, en nefnd skipuð til að undirbúa byggingu hans árið
1945. Á íjárlögum síðustu þriggja ára hefur verið veitt
nokkurt fé til skólans, og aðalteikningar eru nú fullgerðar
til samþykktar.
Meðan æfinga- og tilraunaskólinn er ekki risinn og tek-
inn til fullra starfa, er Kennaraskólinn á engan hátt um-
kominn þess að rækja sem skyldi einn mikilvægasta þátt
hlutverks síns, en það er verkleg þjálfun kennaraefnanna.
Sama máli gegnir að sjálfsögðu um hvers konar tilrauna-
starfsemi á hans vegum.
19. fulltrúaþing S.Í.B. telur ekki við það unandi, að
lengur dragist að reisa æfinga- og tilraunaskólann.
Meðan æfinga- og tilraunaskólinn hefur ekki tekið til
starfa, er nauðsynlegt að betra skipulagi sé komið á æfinga-
kennslu þá, sem fram fer í barnaskólum Reykjavíkur og
nágrennis.
II. Framhaldsnám kennara og kennaranámskeið.
A. Stofnsett verði hið allra fyrsta íramhaldsdeild við
Kennaraskóla íslands, hliðstæða kennaraháskólum á Norður-
löndum, sbr. 2. gr. laga um Kennaraskóla íslands.
B. 19. fulltrúaþing S.Í.B. fagnar því, að fræðslumála-
stjórn hefur komið á námskeiðum í ýmsum greinum fyrir
starfandi kennara. Nauðsynlegt er, að haldið sé áfram á
sömu braut og námskeið fyrir starfandi kennara efld og
aukin í sem flestum greinum. Þingið hvetur til þess enn