Menntamál - 01.08.1966, Blaðsíða 69

MENNTAMÁL
155
stundakennarar, sem rétt hafa til aðildar að samtök-
unum, gerist félagar. Einnig leggur þingið til við stjórn
L.S.F.K., að hún afli sér heimildar til að leggja gjald
á þá kennara, sem ekki eru í samtökunum en hafa rétt
til þess. Enn fremur á þá stundakennara við framhalds-
skólastigið, sem lögum samkvæmt hafa ekki rétt til
að vera í L.S.F.K.
Gjald stundakennara skal vera hlutfallslegt og miðast
við fjölda vikulegra fastra kennslustunda. Gjald stunda-
kennara má þó aldrei vera hærra en gjald það, sem
fastráðinn kennari greiðir.
5. Sambandsstjórn hafi áfram launaðan starfsmann, eftir
því sem þörf er talin á. Stjórnin afmarki honum starfs-
svið. I því sambandi bendir þingið á eftirfarandi:
a) Reynt verði að skapa nánari tengsl en nú er milli
sambandsmeðlimanna og skrifstofunnar, svo sem
með útgáfu fréttabréfa og með því að senda erind-
reka á væntanlegt svæðaþing, þar sem rakinn verði
gangur þeirra mála, sem á döfinni eru hverju sinni.
b) Komið verði upp fullkominni spjaldskrá yfir alla
meðliini L.S.F.K., þar sem m. a. lægju fyrir upplýs-
ingar um starfstíma þeirra og menntun.
c) Skrifstofan láti kennarafélögum og einstaklingum,
þar sem ekki eru starfandi kennarafélög, í té upp-
lýsingar um launareikninga varðandi t. d. yfirvinnu,
eyður í stundaskrá, kennslu í matartímum, stílaleið-
réttingar o. fl.
d) Vakin sé athygli kennara á því, að þeir hafa rétt
til að leita aðstoðar og ráða stjórnar L.S.F.K. um
öll þau mál, er snerta kennarastarf þeirra. Má
þar nefna að útvega lögfræðileg ráð, upplýsingar
um erlenda skóla og menntastofnanir, leiðbeining-
ar handa kennurum, sem utan fara, erlendar bækur
um uppeldismál og kennsluaðferðir eða annað, sem
skrifstofan gæti látið í té.