Menntamál - 01.08.1966, Blaðsíða 74

160
MENNTAMÁL
maður B.S.R.B., Ólafur Einarsson formaður L.S.F.K. og
Njörður P. Njarðvík formaður Félags háskólamenntaðra
kennara.
Framsögu um endurskoðun skólamála flutti Kristjdn
Gunnarsson skólastjóri. Skólakerfið er stærsta fyrirtæki
landsins, sagði Kristján. Það veltur því mikið á, að þar sé
vel unnið. Markmíð og aðferðir skólans eins og þau birtast
í framkvæmdinni við núverandi aðstæður, eru óviðunandi
starfsgrundvöllur jafnt fyrir kennara og stóran hluta nem-
enda. Endurskipuleggja þarf nám á öllum skólastigum með
tilliti til aukinnar fjölbreytni og rýmra vals, einkum þó á
gagnfræðastigi. Taka þarf upp betri skipulagningu á yfir-
stjórn fræðslumálanna og hafa þá sérstaklega í huga að
haldið sé stöðugt uppi tilrauna- og rannsóknastarfi í skól-
unum og á tengslum þeirra við atvinnu og þjóðlíf. Með
því sé tryggt að skólinn gegni hlutverki sínu í atvinnulíf-
inu og starf hans staðni ekki í úreltu formi og aðferðum.
Hefja þarf svo fljótt sem við verður komið tilraunir í skól-
unum til undirbúnings og setningu nýrra fræðslulaga.
Fræðsluhéruð og aðrir aðilar, sem til þess hafa vilja og getu
að láta framkvæma tilraunir í skólum sínum, fái stuðning
fræðslumálastjórnar og forstöðumanna skólarannsókna til
að skipuleggja slíkar rannsóknir og fylgjast með framkvæmd
þeirra og niðurstöðum. Endurskoða þarf starfsgrundvöll
kennarans innan skólans og breyta í því sambandi ýmsum
gildandi ákvæðum um vinnutíma, laun og aukagreiðslur.
Kennurum verði séð fyrir endurmenntun, sem nýjungar í
skólastarfi gera nauðsynlegar, og kennaramenntunin aðhæfð
nýjum aðstæðum, eftir því sem þurfa þykir.
Framsögu um launamál hafði Teitur Þorleifsson kennari,
stjórnarmaður í B.S.R.B. og meðlimur Kjararáðs. Hann hóf
mál sitt á því að rekja aðdraganda að uppsögn kjarasamn-
inga árið 1965. Það hafði komið í ljós við samanburð á
launum opinberra starfsmanna og launum ýmissa stétta á
frjálsum vinnumarkaði, að opinberir starfsmenn höfðu