Æskan - 01.10.1970, Qupperneq 49

lega til Norðurlandanna og Bretlands, en fór auk þess til Ameríku.
[ einni slikri ferð fór Willemoes alla leið til Kúbu að sækja sykur-
farm fyrir Bandaríkjastjórn. Mun það hafa verið lengsta sigling,
sem íslenzkt skip hafði þá farið.
Willemoes flutti til landsins mestalla steinolíu (i tunnum) á ár-
unum 1917—1927, en þá hætti Landsverzlun með steinolíu. Má
því segja, að þetta væri fyrsta olíuflutningaskip íslendinga, þó
að ekki væri það tankskip. Willemoes var staddur í Osló 1. des-
ember 1918 undir stjórn Júliusar Júlíussonar skipstjóra og var
eitt af fjórum fyrstu skipunum, sem sigldu undir íslenzka fánan-
um erlendis. Eimskipafélag íslands keypti svo Willemoes á árinu
1928 og hlaut það nafnið Selfoss. Sjá síðar Selfoss.

E/S LAGARFOSS LBHC og TFLA
Stálskip með 700 ha. gufuvél. Stærð: 1211 brúttórúml. og 737
nettórúml. Aðalmál: Lengd: 234 fet. Breidd: 33,5 fet. Dýpt: 19,5
fet. Farþegarými: 1. farrými 20 farþegar. 2. farrými 12 farþegar.
Ganghraði 8-—10 sjómílur. Lagarfoss hét áður Profit og var smíð-
aður í Osló, sem þá hét Kristjanía, árið 1904. Eimskipafélag is-
lands keypti skipið í Kaupmannahöfn í ársbyrjun 1917 fyrir um
1300 þús. krónur. Hafði skipið þá verið um árabil f strandsigl-
ingum austur í Kína. Lagarfoss kom fyrst til Reykjavikur þann
19. maí 1917 undir stjórn Ingvars Þorsteinssonar skipstjóra. Lag-
arfoss hóf strax siglingar til Ameríku og var í ferðum þangað
fram á árið 1921, að frátöldu hálfu árinu 1920, en þá var skipið
til viðgerðar í Kaupmannahöfn. Árið 1922 hóf Eimskipafélag ís-
lands fastar ferðir til Hull og 1926 til Hamborgar, og var Lagar-
foss fyrsta skip Eimskipafélagsins í þessum hafnarborgum.
Frá árinu 1927—1940 var skipið í Norðurlandaferðum og strand-
ferðum. Árin 1940—1945 var það f Ameríkusiglingum. Og að
ófriðnum loknum vár Lagarfoss fyrsta íslenzka skipið, sem kom
til Noregs.
Árið 1949, er Lagarfoss var á heimleið frá Danmörku, brotnaði
skrúfuöxullinn út af Skagen og var skipið dregið inn til Frede-
rikshavn. Þar með lauk siglingasögu Lagarfoss. Hann var seldur
þar til niðurrifs eftir 32 ára giftusama þjónustu í þágu íslendinga.
Seglskipið RÓSA
Gránufélagið eignaðist aftur franska fiskiskútu úr strandi, var
það á Fáskrúðsfirði árið 1878. Tryggvi Gunnarsson mun sjálfur
hafa gert skipið haffært á strandstaðnum, en fullnaðarviðgerð
síðan farið fram erlendis.
Óvist er um afdrif skipsins, en það mun hafa verið í þjónustu
Gránufélagsins og hinna Sameinuðu fsl. verzlana fram á annan
tug aldarinnar. í dönsku skipaskránni frá árinu 1913 er Rósa
talin 136 br. rúmlestir að stærð. Smíðuð var hún í Dunkerque árið
1863 og skrásett á Seyðisfirði.
Myndin er talin vera af Rósu á Eskifirði.
ATH.:
í síðasta þætti er sagt, að e/s Gullfoss hafi verið seldur til
Tyrklands. Það er rangt, skipið var selt til niðurrifs.
Þar sem enn vantar myndir af gömlum ísienzkum skipum og
eins myndir frá höfninni eða öðrum stöðum, er sýna skip, kunn-
um við því fólki góðar þakkir, sem vildi láta okkur hafa slíkar
myndir til birtingar.
—
Þið takið fram litina ykkar. Þetta er ekki
abstrakt mynd, þótt svo líti út [ fljótu
bragði. Nei, þetta er einmitt myndræn
mynd. Athugið nú bara sjálf, hvort það
reynist ekki rétt vera. Alla reitina með
punktunum litið þið gula, þá sem eru með
litlu hringunum litið þið græna, svo sjáið
þið örlítil strik í nokkrum reitum til vinstri
á myndinni, þá eigið þið að lita brúna,
en alla hina reitina litið þið svo Ijósbláa.
lllill
Góða skemmtun!
521