Æskan - 01.10.1974, Page 82

og umbætur. Ennfremur skal þa5 gera áætlanir og tillögur um skipan
gistihúsamála í landinu og lánveitingar úr ferðamálasjóði.
Ferðamálaráð hefur á seinni árum sinnt upplýsingastarfsemi um
ísland sem ferðamannaland í auknum mæli.
Ferðaskrifstofa ríkisins hefur með höndum fyrirgreiðslu og leiðbein-
ingar fyrir innlenda og erlenda ferðamenn. Henni er ætlað að veita
ókeypis leiðbeiningar um ferðalög, gistihús og samgöngur og vinna
að landkynningu. Ferðaskrifstofan rekur sumargistihús í skólahúsnæði
víða um land, svokölluð Eddu-hótel. Einnig skipuleggur hún námskeið
fyrir túlka og leiðsögumenn.
Starfsemi Ferðaskrifstofu ríkisins hófst 1936.
Flugráð hefur á hendi stjórn flugmála undir yfirstjórn ráðherra, en
flugmálastjóri annast framkvæmd ályktana ráðsins og daglegan rekstur
flugmála. Er þar einkum átt við rekstur og viðhald flugvalla ríkisins,
nýbyggingu flugvalla, loftferðaeftirlit og öryggisþjónustu.
Flugráð er skipað 5 mönnum, þremur kosnum af Alþingi og tveimur,
sem ráðherra skipar. Ráðherra skipar flugmálastjóra að fengnum til-
lögum flugráðs.
Á engu sviði samgöngumála hefur framþróun orðið eins ör og í
fluginu. Að vísu er hún slitrótt á þriðja og fjórða áratugnum. Hins
vegar hefur hún verið svo ör síðustu tvo áratugi, að farþegafjöldi í
innanlandsflugi gerir meira en fjórfaldast og varð um 211 þúsund
í fyrra. Það samsvarar því að hver íslendingur hafi flogið einu sinni.
Á sama tíma meira en fjórtánfaldast fjöldi þeirra farþega, sem komu
flugleiðis til landsins og urðu þeir um 119 þúsund s.l. ár.
í flugrekstri landsmanna eru nú 104 stærri og smærri flugvélar með
sætarými fyrir 2.335 manns.
s
Flugmálastjórn

ára
1974

80