Almanak Ólafs S. Thorgeirssonar - 01.01.1945, Side 63

ALMANAK
63
þó harðar kröfur og örðugleika frumbyggjalífsins bæla
niður námslöngun sína og listhneigð, enda naut hann
ómældrar aðstoðar þar sem var hin tápmikla og athafn-
asama kona hans, og kunni hann það einnig vel að meta.
Bókmenntalegur og annar menningarlegur áhugi ríkti
einnig í Argyle-nýlendunni, þó að frumbyggjar þar sein
annarstaðar yrðu að vinna hörðum höndum við að erja
jörðina sér .og sínum til viðurværis.
Jón Friðfinnsson var í orðsins fyllstu merkingu maður
sjálfmenntaður, því að hann naut aðeins nokkurra mán-
aða skólakennslu, og var það öll hans skólaganga. En
hann var frá því í æsku bókhneigður mjög, hafði sérstakt
yndi af skáldskap og las allt, sem hann festi hendur á af
því tægi. Mest þráði hann þó að læra söngfræði, og komst
af sjálfsdáðum niður í grundvallarreglum söngfræðinnar,
aflaði sér orgels og lærði að leika á það tilsagnarlaust,
svo vel, að hann varð snemma á árum organleikari við
kirkju Argyle-safnaðar. Eigi lét hann þar við lenda, þ\ í
að áhugi hans á söngmennt og tónsmíðum var takmark-
alaus, og aflaði hann sér nú frekari menntunar í söng-
fræði með bréflegri fræðslu hjá tónfræðingum bæði í
Canada og Bandaríkjunum; síðan var hann um nokkurt
skeið við nám hjá hinum kunna söngkennara og söng-
fræðing Bhys Thomas í Winnipeg, og kvaðst Jón eiga
honum mikið að þakka. *
Annars er umhverfi og andrúmslofti Jóns á þroska-
ámm hans, námi hans og menningarstarfi, og sjálfum
honum, ágætlega lýst í formála þeim, sem dr. Björn B.
Jónsson ritaði að söngskrá hátíðarkantötu tónskáldsins
árið 1936. En dr. Björn hafði sjálfur alist upp í Argyle-
* Hefir hér verið stuðst við frásögn Jóns sjálfs um nám hans,
í grein Jóns Jónssonar frá Sleðbrjót, Óðinn, janúar-júní, 1920 bls.
28-30. Greinarhöfundur birtir einnig bréf frú Rhys Thomas þar
sem hinn síðarnefndi fer hinum lofsamlegustu orðum um Jón
Friðfinnsson, telur hann hafa “ágæta tónlistargáfu” og segir, að
mörg lög hans beri vott um “mikinn frumleik og fegurðartilfinn-
ingu”.